تجمع للبنات الي استفادوا والي يبو يستفيدون من جورج كروز ((8 دقائق في الصباح لبطن رشيق

السلام عليكم يابنات

انا طفشت من كثر الرجيمات وتعبت منها لاني مااستمر عليها واخربها

واخرتها رجيم السوائل ماقدرت اكمله لانه متعب نوعا ما

وانا قريت كثير عن هذا الكتاب والكل استفاد منه والكل يمتدحه

حتى اني قريت كذا موضوع هنا يمدحونه

فقلت لو نسوي تجمع هنا لكل وحده قرت هذا الكتاب واستفادت منه تجي تقول لنا شو استفادت منه ولو شي بسيط

انا صراحه شريت هذا الكتاب امس

وقريته والله ماتتصورون كيف مقنع
تخيلي تنقصين من بروز بطنك 6 بوصات بااقل من اربعة اسابيع
يعني الكرشه تخفتي باءذن الله

و يحكي لك عن الدهون المفيده للبطن والدهون الضاره

ويحكي لك عن الامراض الي ممكن تحصل لك لاسمح الله بسبب السمنه

ويعطيك نظام غذائي وتمارين رياضيه 8 دقائق كل صباح بس 8 دقائق وهذي الـ 8 دقائق هي الي تساعدك
على حرق الدهون في البطن طول اليوم

وكثير تغيرت حياتهم من الله ثم على يد هالكاتب

يعني الي ماشرت الكتاب تروح تشتريه لانه كنز ثمين احسن من اي رجيم او اي تمارين

ان شاء الله راح اخليه شي اساسي في حياتي وراح اطبق فيه كل شي

يعني يعطيك ثلاث ايام تمارين للبطن

ويوم تمرين للجزء الاسفل من الجسم

ويوم تمرين للجزء الاعلى من الجسم

ويومين راحه

ها شرايكم

عموما اتمنى اي وحده استفادت منه تجي تحكي لنا

واي وحده تدخل هنا تدعي لي حتى لو ماكتبت رد

تدعي لي بقلبها

ان الله يسخر لي زوجي ويحفظه لي انا وعيالي ولايملى عينه غيري

ويخلي لي عيالي ويحفظهم لي ويخليني لهم

ويحفظ لي والديني ويخليهم لنا ويستر الله علينا في الدنيا والاخره

ويدخلنا جناته النعيم ياارحم الراحمين