بسم الله الرحمن الرحيم
السلام عليكم ورحمة الله وبركاته
اسمحولي بتكلم باللغه المحبوبه للجميع واللي يستخدمها الاغلبيه
وبدون تكلف وبالعاميه ولا مانع من دخول الفصحى احيانا خخ
بدأت علاقتي الحميمه مع قسم الترفيهي بموضوع حطيته فيه نظرا
لأني مؤدبه وشطوره وما اتعب مشرفاتي الغاليات رحت حطيت موضوعي
بقسمه المناسب
وهذا موضوعي اللي وطد العلاقه خخخ بيني وبين الترفيهي
وعلى قد كرهي له حبيته ههههه >> مو القسم اللي داخل الموضوع
...... قصـــــــــــــــــة عيالي مع الهامســـــــــــتر ........ لاتفوتكم خخخ المهم راسلتني الغاليه غيمه المشرفه تود اني أكون قائده لفريقي ورحبت
بالفكره شاكره لها ذوقها وتم اختيار فريقي على اساس
كثرة التواجد ولا الحبايب واجد :)
كانت المسابقه فكرتين نختار منهم وحده اللي تم اختيارنا لها واحنا الان
في صلبه
ووحده عباره عن مجله ثقافيه
فضلنا الاختيار الأول للفائده اللي نرجوها من وراه ونسأل الله الاخلاص فيها
وهي عباره عن رفع بعض المواضيع في قسم ساعدوني لم تلاقي رد
أو مواضيع طلب دعاء لم تلاقي ايضا رد
او طلب موضوع مفيد بخلفيته الرائعه هههههه :09:
او بعض المواضيع والفعاليات التي لم تلاقي اقبال ايضا وردود
كانت فكرة المسابقة جدا رائعة , فيها احياء وتحريك للمنتدى , وفيها
رفع لمعنويات اصحاب المواضيع المهمله او المواضيع اللي مايدري
عنها أغلب الأعضاء
كنت قائدة للفريق وأسعدني هالشي جدا جدا واتخذت من قول الشاعر:
لأستسهلن الصعب وأدرك المنى .. فما انقادت الامال الا لصابر
تأملا بأن الصبر مفتاح الفرج
وبما اني القائدة راح اتكلم عن أثر المسابقه علي
وايش استفدته منها , وراح اذكر موقف ما انساه
وراح اوجه كلمه لأعضاء المنتدى عامه وكلمة لزميلاتي خاصه
واطلب من فريقي اجمع ان يتفضل مشكور ويحذوا حذوي
وهم كلا من :
نووشه , بيري ماكس , صبح الرشاش , شهودي , نوامه
مدام شانيل , تركيه , فتاه الجنوب , ركايز , واليد اليمين للفريق
اسرار الغلا
للجميع مشرفتنا الغاليه غيمه ولفريقي وللفريق الخصم
ولكل من يقرأ الموضوع
همسه :
كن كالاكسجين عندما يشعر الاخرون بالاختناق , درب قلبك على
ان يكون باتساع هذا الكون , تذكر أنك ستموت بعد سنوات قليلة
ووحدك من يقرر : هل ننساك ام نتذكرك ؟ وكيف سنتذكرك !!
لا اله الا الله
المسابقة بثت فيني روح النشاط والمساعده حسيت اني رجعت مثل
ذيك الفراشه اللي سموني فيها زميلاتي بالمتوسط والثانوي وخواتي
عضوات المنتدى اول ماسجلت فيه
ومثل ماكانوا يشوفوني ابلاتي واستاذاتي وعميدتي بالكليه
كان في اثر واضح ومهم بعد المسابقه وبالذات بعد احد الطلبات
كنت انتظر شي مهم صراحه بالنسبه لي , والحمدلله تيسر وارتحت
واطمن بالي مثل ماحاولت اريح واطمن بال اللي ساعدتهم وبنفس الموضوع
سبحان الله
ايضا استفدت دعوات صادقه كانت توصلني عبر الخاص
اسأل الله الاخلاص والقبول
تعرفت على اخوات عزيزات حبوبات , دعمت علاقات كانت طيبه ,
احييت روح التعاون بيننا , عرفت شقد انا بخير خصوصا بمواضيع
طلب الدعاء , عشت معهم الحدث وحطيت نفسي مكانهم واستشعرت
قيمة النعمه اللي قد يكون منسي شكرها
وبخصوص الموقف اللي ما انساه واسمحيلي يالغاليه اذكره هو اختي
نوامه صراحه تفاعلت معها كثير بطلب الموضوع خصوصا ان كثير قعد
يتعلم الخلفيه وهذي من الاشياء اللي استفاد منها الفريق
واختي نومي ( نوامه ) أثرت فيني , كانت تمر بظروف وكانت حريصه
على اتمام شغلها ’ تعبت حيييييل حييييييل
( والكل تعب بس في اشياء ادري عنها محد يدري عنها المهم )
اثرت فيني لدرجة انها بآخر الوقت بكتني عن جد امسح دموعي بيديني
الثنتين كأني طفل وتنزل بغزاره والله العظيم ,, عيالي حولي كنت
اقول الحمدلله ما نتبهوا ولاكان تحقيق خخخخ
كلمتي لأعضاء المنتدى عامه :
خليكم مثل ماكنا بمسابقتنا بالضبط , حاولوا انكم تمرون على أقسام
تفتقد اعضاء متواجدين لكن مو عندهم , مثل ساعدوني
شاركوا بالفعاليات وعطوا اصحابها بعض من اهتمامكم , مروا على
مواضيع بحاجتكم مثل مواضيع طلب الدعاء , حاولوا تكونون مثل
ماقال الرسول اللهم صلي وسلم عليه (مثل المؤمنين في توادهم وتراحمهم وتعاطفهم
مثل الجسد إذا اشتكى شيئا تداعى له سائر الجسد بالسهر والحمى)
حاولوا ترتبون وضعكم بالمنتدى وتحطون كل موضوع بقسمه تراه
من الذوق , تعبوا المشرفات الله يجزاهم عالي جناته
وكلمتي لزميلاتي خاصه :
احبكم كلكم وماقصرتوا لبى قلوبكم الطيبه وماخيبتوا الرجاء باختياري لكم
بيض الله وجيهكم واحب اشكر اختي الغاليه
أسرار الغلا كانت اليد اليمين للفريق الله يجزاها الجنه
وبعد اشكر الفريق الخصم كان متعاون ومبادر
والكلام اللي وجهته لأعضاء المنتدى عامه اوجهه لكم بعد ولفريقي
وفرصه سعيده تعرفنا على امثالكم
لن انسى غاليتي غيمه اختي قبل ان تكون مشرفتي من الشكر
والدعاء لها بظهر الغيب
لا اله الا الله