كيفكم حبوبات ... ياحلو هالقسم صرت احن له
اطول عنه واذا قررت اروح له واروح وكلي شوق >> احلفي
( اسمعوا بقولكم قصة عيالي مع الهامستر )
ذاك اليوم قال ولدي بابا المدرسه طالبين مننا حيوان اليف
نجيبه ونجيب اكله معه .. قال ابوهم طيب وش تبي أي حيوان
اتفق هو واخته على الهامستر
المهم لما صار المغرب قال لبسيهم بوديهم يختارونه
قال تبين تروحين معنا قلت : ممممم اذا لفيفا ايوه اروح
بس اذا مو لفيفا اخاف ماتنزلني مو رايحه ما ابغى اقعد بالسياره
قال فيفا بعيده ... لكن البسي يالله روحي وتنزلين
قلت اوكيه ... ولبسنا وانطلقنا لحديقة الحيوان خخ قصدي
لهذا المكان اللي مخصص لبيعهم على ما اعتقد بيت الحيوان
مشوا وعدوا >> ام الذاكره ههههه
والله وينزلون العيال وهم متحمسين وانا مو مره
خايفه من البلاوي اللي بعد المدرسه >> يعني بعد مايرجعه هههههه
المهم وننزل واول مادخلت ياااااااااازوع كبدي زوعاه
موقادره استحمل اتفرجت على شوية حيوانات ثمن قلت لشنبات >> على قولة وحده ياحبيلها خخ
ابغى ارجع للسياره مو قادره اتحمل الريحه .. انتم عادي ؟؟؟!!!
قال شسوي بعيالك قال خلاص ارجعي
وارجع واحمد الله على نعمة الهدوء النفسي والاستقرار الخياشيمي
وشوي ماطولت وبدأت نوبة العطاس ولله الحمد
كش عليهم ليتني مانزلت .. قاعده اقول لزوجي واتشرط اذا
انزل اروح واذا ما انزل مو رايحه اتشرط انا ووجهي ههههههه
لو قعدت اسوي عشاي افضلي
المهم وجاء المتعوس ..( الهامستر ) واشوفه وانا بالسياره
عيالي فرحانين وانا اصارخ وشو ذا .. فار قالوا لا هامستر
ليش ماجبتوا كبير .. قالوا هذا احسن
واقول لأبوهم : ليش طعتهم .. ليش ماجبتلهم الكبير هذا احسه فار
قال ماطاعوني وخذته قلت خلصوني بس ههههه
انا الومهم كل شوي .. مالقيتوا غيره ومدري ايش بالله وش الفرق بينه
وبين الفار ؟ قالوا الا يماما فيه فرق
الفار له ذيل وهذا ماله ذيل >> ياروح امكم انتوا يقالهم حجتهم قويه
المهم >> ملاحظين انه كله مهم هههههههه
المهم ..
واحنا بالسياره يقول ابوهم توديه بكره ولا ترجعه مفهوم
قالوا لايبابا ارجوك نبيه .. قال اقول مايرجع وياويلك اجي من الدوام
والقاه .. ويترجون في ابوهم
لما رحنا البيت قعدوا يلعبون عليه شوي وانا مغتاضه >> متعوب عليها
من وجوده :mad:.. حيل متنجسه خخ
المهم خلصت العشاء وحطيته للعيال
وياقلبي عليهم هم قاعدين في امان الله يتعشون قدام التلفزيون
الا فجأه اسمع الشغاله تصرخ .. واروح للصاله
والقى مخلوق صغير يتجول ويلفت بأنحاء صالتي
بس اشوى انه موسريع مثل الفار .. واصارخ واقول للشغاله
بسرعه صيديه .. وهي مسكينه متورطه وبسرعه راحت اخذت كيس
وصادته على طول وياحرام كأنه كأنه بغى يعظها يعني
شلخها باسنانه جعلهن بالكسر
طبعا طلع من القفص .. لأنه كله غضاريف سبحان الله
مافيه عظم فسهل خروجه
وتشوفون عيالي ياقلبي عليهم
واقفين على الاسره موراضين ينزلزن اقول تعالوا تعشوا
يقولون نخاف يطلع
قلت خلكم هذا اللي مايسمع كلام الكبار قالكم بابا ورفضتوا
طبعا كيسنا القفص وعملنا كافة الاحتياطات عشان مايطلع مره
ثانيه ... بس طلع
يقول ولدي
انا مستحيل انام وهذا موجود قولي لبابا يا اما يغير الهامستر
يجيب الفرو ولا يغير القفص لما قلت لأبوه قال : لا ياشيخ
اصير رايح جاي لك وللهامستر خخخخ
المضحك بالموضوع ....
لما جاء ابوه قال بابا عادي اعطي الهامستر صديقي هههههههههه
هذا اللي كان هو واخته يترجونه يخليه
ناموا ذيك الليله بصعوبه خايفين يطلع لهم وهم نايمين
ومغطين تحت الباب طراحات ومخدات خخخ
لما صار الصبح وراح للمدرسه اخذه ورفض ينزله نزله ابوه
للمدرس قال المدرس وديه للوكيل
وودوه للوكيل ولما بغى يروح قعد ينادي ايه يابيه دا عاوز ينط
قال زوجي : اتصرفوا ماعلي منكم وراح وخلاهم هههههههه
المهم ....
وانا اجهز غدا العيال بالمطبخ الا يرن الجرس وقت جية ولدي
الا اسمع الشغاله تصارخ هههههههههههه
عرفت انه رجع بالهامستر يقول والله يماما ولا مره حاول يطلع
وكان بس قاعد عادي
قلت والله انه يبيض الوجه ماشاء الله عليه :42:
قلت ليه ما اعطيته اصدقائك يقول قلت لثنين ورفضوا خخ
والمدرس قال ماتخليه بالمدرسه لازم تاخذه .. طبعا عيالي مبسوطين
انه هاجد ويتفرجون عليه وهو يلعب بلعبته او بالكوره
شكله سبحان الله ينشط بس في الليل
لما صار بعد العشاء ويطلع ويبدا المشوار من جديد خخ
كان يوم اربعاء وكنا بنطلع فقال ابوهم والله انه مايقعد ببيتي
ارموه بالشارع .. واخذوا القفص واخذوا معه اكله وحطيناه
في آخر الرصيف عند العماره لعل واحد يحبه ويشتهي ياخذه
ورحنا استانسنا بطلعتنا ... واحنا حول العماره كنا نترقب
موجود او لأ .. والعيال متحمسين فيه مو فيه
وسبحان الله لقينا أكله موجود والقفص مو فيه
قال ابوهم : شكله بس.. قط .. قطيوه.. خذته هو والقفص خخخ
الحمدلله هم وانزاح مابغينا .. وكنت انا اول وحده تدخل باب العماره
وكانت شقتنا اول شقه عاليمين
ودخلت في امان الله وفجأه اآآآآآآآه اصارخ بسم الله تفاجأت لقيت القفص
قدامي نزيت ..خخخ.. قلت شوفوا القفص
بس ايش .. الهامستر مو فيه ... لقيناه يتجول بوسط المبنى
قال زوجي والله ما اخذه .. خلوه ليش يرجعونه ومن اللي رجعه
سؤال يدور بمخي الى الان .. ماكان في احد واحنا نطلعه
بس ابشركم ترى غرفة الحارس بالظبط جنب شقتنا واكيد ان شاء الله
انه قام بالمهمه وصاده .. وتصرف فيه
الدروس المستفاده
* نصيحه نصيحه لاتخلون عيالكم على كيفهم ..وبهالامور
خوذوا اللي تشفونه صح .. عشان ماتبتلبشون بلشتنا خخخ
* لاتجيبون اصلا حيواات للبيت .. سبحان الله لها بيئتها الخاصه
فيها .. وماحد يقدر يعتني فيها .. وبعدين ريحه ريحه بالبيت مايصير >> تتقزز الاخت
* مو كل شي تطلبه المدرسه نوفره والله بعضها بس دلع وفشخره
لاشرحوا ولا يحزنون
على قولة بنتي >> اقتصاديه
تقول خسارة مية ريال خخخ
اقول لو زودنا عليها شوي وتعشينا فيها بمطعم كان اصرف
عاد هذي قصة عيالي قلت بسولفها عليكم عشان تستفيدون من التجربه >> امحق تجربه :09:
وسلامتكم
قبل لا اطلع حبوبات حبيت اعطيكم هالفايده
كلما دعتك نفسك لترك عمل صالح حدث نفسك
لعلي بعهذا العمل ادخل الجنة
( جاهدوا انفسكم )
لا اله الا الله