(◕‿◕✿) فـن صنـــآعة السعآدة في الحـيـآة (◕‿◕✿) .. الردود هنا ممنوعـة ..

شآيفين قطع الكيك بالصوره !
برآيكم ... هل فيه اختلاف بينهم ؟

اكيد بتقولون ( لا )
بس انا اقول .. يمكن يكون فيه اختلاف .. واختلاف كبير بينهم .. بس وين ؟ ؟ في ( الطعم )

النآس والحياة .. زي قطع ( الكيك ) متشابهه .. والاختلاف يكون في طعم الحياة وتذوقها ..
و السر في ( المقآدير ) ...
لما تكون المقآدير مظبوطه .. بتكون الحيآة مظبوطة وطعمهآ يجنن :heart:
ولما تكون المقادير ملخبطه و بدون دراسة .. بتكون الحيآة ملخبطة وطعمهآ لآ يطآق

المقآدير الصح .. تنتج كيكه صح .. الكل يبيها ويتطلع لهآ .. ويتلذذ فيهآ
لاتتخيلين هالشي مستحيل .. هالشي سهل وقريب و وآقعي ..
الحياة كذآ .. مقآدير .. ونتيجة ..

تبين تكونين لذيذه وحياتك مرغوبه .. والكل يتطلع لها ؟



/


تعآلو نتعرف على أُسس ( مقادير ) الحيآة السعيدة ( المظبوطة )

هل انتي تعيشين حيآة سعيدة و نآجحة ؟
كل وحده تسأل نفسهآ هذآ السؤآل ...
هل انا انسآنة سعيدة ونآجحة ؟

:
:

الحياة الطيبة .. المريحة .. الجميلة ..
زي المثلث ... لهآ ٣ علآمآت ..


السعادة

النجاح البركة


السعآدة / الرضـــآ و سكــون القلب وطمأنينة النفس
النجآح / تحقيق الأهداف المرجوة
البركة / سريآن الأمور بسهولة بتوفيق من الله وحدهـ


اذا كآنت حيآتك تشمل هذهـ الثلآث أُسس .. مبروك :smheart: فأنتِ انسآنة محظوظة
واذآ مآكانت حياتك كذآ .. لا تحزني .. ولاتقلقي .. معاً .. سنتعرف كيف نجعل حيآتنا طيبة



:

:


:


القآعدة الأولى .......................



أن تتعدهين لنفسك انك خلال الثلآثة الأسآبيع القآدمة ( لن تقولي إلآ خيراً )


اكتبي على ورقة ملاحظآت :
( من كآن يؤمن بالله و اليوم الآخر ، فليقل خيراً أو ليصمت )

علقيها في مكآن واضح لك .. واقريها يومياً وفكري فيهآ ..
كلآم سيء .. ليش اقوله ؟ بس ذنوب .. وعدآوآت .. و قلق

لا تقولين الا كلآم طيّب .. ومآرآح يجيك من ورآه الا الـ طيّب .





القآعدة الثآنية ...........................




زيدي وعيـــــك

كيف أنمّي وعيي ؟؟ وليش أنّمي وعيي ؟
لأن الوعي اسآس التفكير .. واذا كآن تفكيري وآعي .. بتكون قرارآتي وتصرفآتي وآعية
واذا فقدتي وعيّك .. فقدتي قوّتك بالحق ..

تقدرين تزيدين وعيك بعدة طرق ... مثلا:
* مصآحبة النآجحين .. صديقة / زميلة عمل / قريبة
* المعآهد والتدريب معآهد كمبيوتر / لغآت / برامج تدريب خيرية
* قراءة الكتب كتآب الله / لا تحزن / قواعد الحياة /سيكيولوجية السعادة
* سمآع مواد سمعية الاشرطة الايجابية قليلة لعل اغلبهآ المحاظرات الدينية والنفسية
* الدعاء و التوكل على الله بإخلاص توكلي على الله في كل امورك .. وادعيه في كل امورك
* متابعة برامج مرئية برامج الدكتور طارق الحبيب تنمّي النفس / برامج الدكتور سلمآن العودة تنمّي الروح
* المعلومآت والموآضيع الالكترونية مواقع الاعجاز العلمي للقرآن والسنة / مواقع الاخبار الطريفة

والقآئمة تطول ... بس بشرررررط ...
أن تكون كلهآآآ آشيآء ايجآبية .. صحيحة .. نآفعة ...
السيئة كثيرة .. انتقي منهآ الجيد .. و زيدي وعيك ..






القآعدة الثآلثة .....................




وآجه الدنيآ بالقبول والرضـــــــــآ

وهذآ يدعم قآنون ( البركة )
قآنون البركة يقول : الزيآدة تأتي من كل شيء نـقـدّرهـ
(( و لئن شكرتم لأزيدنكم ))

اذا اردتِ ان تزيدي أي شي عندك ( مآل .. حظ .. ولد .... الخ ) بآركي فيه
كيف ابارك فيه ؟ اشكر الله عليّه .. احس بقيمته .. اقتنع فيه .. ابداً لا تتذمرين

(( ومن رضي فله الرضى ومن سخط فعليه السخط ))

تطمني لأن هنآك حكمة وراء كـــــل شيء
فـ الحآكم هو الله .. و هو أعلم بعبآده

ارضي واقتنعي وطمئني نفسك واهدئـــــــــي









القآعدة الرابـــــعة ........................



اقترب من النآس

اولاً لازم تتقبلين الناس زي مآهم .. مو زي مايبي مزآجك ..
تعلمي كيف تفيدين النآس و تستفيدين منهم ..
كل انسان عنده ميزه .. تعلمي منهم .. استفيدي ولا تقصرين معهم ..
وخلي ( الانآنية ) عدوك اللدود ..

ومن رؤية شخصية .. الأنآنية اول من تدمر صآحبها .. وتمحق البركة منه

حسني اخلاقك مع النآس ..
فيه بنآت الله يهديهم يحسبون طوآلة اللسآن واتغدا فيك قبل تتعشين فيني .. قوة و ذكآء
تمعنوا معي هنا :
( فبما رحمة من الله لنت لهم ولو كنت فظاً غليظ القلب لانفظوا من حولك )

اعرف حرمه بالخميسنآت يمكن .. الكل يحط لهآ الف اعتبآر .. ويقدرهآ ..
مع انها رآعية سوآلف وتضحك للصغير قبل الكبير .. وحنآ صغآر كآنت تسلم علينا اول ماتدخل البيت وتنآدينا باسامينا
ولما كبرت صارت تدعي لنا وهي طالعه من البيت .. ربي يوفقكم يا بناتي ويرزقكم ..
وكلامها كله حلو وابتسامتها ماتفارقها .. وتسآعد الكل ..
مآقالت بيستحقروني اذا سلمت ع البزرآن .. او ضحكت .. او سولفت ..
بالعكس هي اكثر وحده ينتظرونها بالعزايم قبل يصبون القهوه




القآعدة الخآمسة والأخيرة غداً بإذن الله لأنهآ تحتآج تفصيل ..





الحين اترككم مع تمرين اليوم



هآتو ورقه وقلم وتعآلوا ........


سجلو اجآبآتكم على هذي الأسئلة بورقة ( ضروري تكتبونهآ ) :

١* لمآذآ آنا موجودة في الدنيــــــا ؟
...............................................................
٢* مالذي حققته في حيآتي من انجآزآت .. ولو كآنت بسيطة ؟
...............................................................
٣* هل أنآ سعــــــيدة ؟ من وين استمد سعآدتي ؟؟
...............................................................
٤* هل أنآ نآجحة ؟ من وين استمد شعوري بالنــجآح ؟؟
..............................................................
٥ * تخيلي انك أمآم الله عز وجل والأنبياء و الملائكة والنآس اجمعين ..
تذكري كل سلبيآتك .. وكل ايجآبياتك و الله يذكرهآ واحدة وآحدة امام النآس ... واكتبيهآ ..
السلبيات / ...........................................................
الايجآبيآت / .........................................................





كتبتي اجآبآتك ؟
الحين انزلي










عآرفه وش النتيجة ..!!










عرفتي نفسك و وآجهتيهآ ... بدقآيق بس .. ممكن تغير حيآتك كـ كُل ..

النآس اللي عآرفين انفسهم وهدفهم .. هم أكثر النآس نجآح بالعآلم ..
وان شاء الله كلنآ نكون منهم




~


انتهينآ من درس اليوم
اتمنى تقرونه بتمعن .. وتطبقون .. التطبيق أهم شي ..
وعلى الخير نلتقي غداً بإذن الله


~

الجزء ٢








هلا وغلا فيكم حبيبآتي من جديد ،

ان شاء الله اننا جميعآ الآن على بداية الطريق للعيش بسعادة ونجآح و توفيق



ونكون تقيدنا بالكلآم السآبق //
١* قل خيرا او اصمت
٢* زيادة الوعي والاطلآع النآفع
٣* مواجهة الدنيآ بالقبول و الرضآ
٤* خالطي النآس .. افيدي واستفيدي ..






القآعدة الخآمسة و الأخيرة ............................

حآفظي على هدوئك و ( توآزنك ) الدآخلي




* خليك انسانة مستقلة عن المؤثرآت الخآرجية ..
لا تربطي مزآجك بملآحظآت النآس ..

اذكر مرة لبست نظارة .. وكآنت اول مره البس نظاره طبية .. وكنت مختارتها بعناية وخصوصاً الموديل
الصبآح وحده من البنآت شآفتني وشهقت : آآآآآآآ ... مووو حلو .. شكلك غلط ... بدونهآ احلى ..
وانا محتآجه النظارة الطبية للتركيز ..
قدآمي طريقتين :
...
١* اتنكد طول اليوم من تعليقها واشيل النظاره .. واتحمل ضعف النظر
٢* اقولهآ : جد ؟ عآد انا احسهآ مره منآسبتني .. وابتسم وانسى تعليقهآ ..

شفتوا الفرق ؟
الفرق متعلق بردة فعلك .. بدآخلك .. بشخصيتك ...

انتبهي .. ولاتسمحي لنقد وتعليق الآخرين يأثر عليك ..
اذا تعليق يفيدك .. اشكري صاحبته .. بس لايأثر ع مزآجك ..
وحدة انتقدت تسريجتك ماتناسبك .. عيدي التفكير بتسريحتك .. بس لا تتنكدين .. هو مجرد رأي منهآ !







* انتبهي من تبرير تصرفاتك ع الطالعه والنازله ..
هآلعآده مره تطلع شكلك بايخ وشخصيتك مهزوزة ...

وحده مرّه دخلت متأخره بزوآج .. وهي تسلم قالت لهآ وحده من الحريم : ليش تأخرتو .. مابغيتو تجون !
جلست تبرر : تعرفين هالمشاغل زحمه .. وانا من الظهر رايحه و.... و...
واثنآء تبريرها كانت تكمل سلامها ع الباقين ..
انا رحمتهآ .. منظرهآ كآن مره بآيخ :/

كآنت تقدر تكتفي بابتسآمه هآدئة .. وتقول : عآد شنسوي .. وتكمل سلآمهآ بهدوء ..

فيه مقولة تقول :
( لا تبرر تصرفآتك ، لأن صديقك لايحتاج لذلك ، وعدوّك لن يصدقك أبداً )

وفعلا لو رجعنا للسآلفه اللي قبل شوي ..
بعد ما ابتعدت البنت التفت اللي نقدتها وقآلت .. تلقونها يوم شبعت نوم طلعت للمشغل !!
لو كانت صديقتهآ مآ كآنت احرجتهآ بهالسؤال ..






* لا تتقرب للآخرين عن طريق مديحهم ..

فعلاً هذي أسوأ طريقة لبناء العلآقآت ..
لأنهم راح يرافقونك من باب ( الاستلطآف ) وبس تتجرأين بيوم من الأيام وتخالفينهم الرأي
وبزعمك كسبتيهم اصدقاء .. رآح تتفاجئين بردة فعلهم .. وكأنهم استكثرو منك هالموقف واعتبروك جريئة
في حقهم !!

العلاقات بين الناس نبنيها بـ ٣ طرق :
- القوة / يعني القوي يلتم عليه الضعوف .. سواء قوة مآل .. قوة لسآن .. قوة بطش ... الخ
- تملق الآخرين / يعني تمدحين فلانه وعلانه علشان تكسبينهم .. وتقدمين لهم خدمآت بدون مايطلبون منك
- التبآدل العآدل / يعني تعآملينها زي ماتعآملك .. وتعتبرينهآ زي مآ تعتبرك ،،، اللي ماتشوفك شي .. تجآهليهآ
واللي تبتسم لك ابتسمي لهآ .. واللي تتقرب منك شبر .. قدريها وتقربي منهآ مـــــــــــــــــــتر ،


انتي تختآرين الطريقة اللي تبين النآس يعآملونك فيها ..
فيه مثل يقول :
اذا جعلت من نفسك ( دودة تزحف على الأرض ) فـلا تَــلُــم من يدوسك بقدمه





* قولي ( لا ) اذا كآن الشي مآ ينآسبك

بعض النآس يحس بالرآحه بدون مآيشعر لانه يخضع لرغبات ومزاج الآخرين
لازم يكون ( قرارك ) في ( يدّك ) .. تعلمي تسألين نفسك قبل تجآوبين ع اي شي بـ ايه !
شوفي رغبتك .. اذا تبيه اوك .. اذا ماتبينه قولي ( لا ) ..
لاتكونين ضحية لغيرك
رآح يتعودون الناس انك صاحبة قرارك .. ويحترمونك .. وينتظرون رايك وقرارك في الموضوع ..

فيه معلمة .. كانو كل مايعطونها مآده تقول مآيخآلف .. عآدي ويعطونها نشاط .. و ريادة فصل ... وحصص انتظآر ..
وهي تقبل .. متوقعه ان هالشي بيقربها للمديرة .. وانها اللي مافيه مثلهآ .. ومستحيل تقول للمديرة لا ..

مسكينة مآ كآنت تدري انها تدمر نفسها بهالتصرفآت ...
التعآون مطلوب .. لو تمسكين شغل المدرسة كلها عآدي . بس بشرط يكون هذا هو ( رغبتك ) الداخلية .. و علشان نفسك ..

لكن انك توافقين .. وماتكون هذي رغبتك .. بتكونين تدمرين نفسك من الداخل .. وتخسرين كلمتك ..

انتبهي .. انتبهي .. انتبهي ..
كلهم يسوون اللي ( هم ) يرغبونه .. ليه انتي تسوين اللي ( هم ) يرغبونه بعد !!







* خففي الظغط عليك ..

كل انسآن عنده ظغوووووط كثيررره ...

- الفقير / مظغوط بتحصيل المادة
- الغني / مظغوط بطموحاته الكبيـــــرة

الكل .. مظغوط مادياً .. اجتماعياً .. نفسياً ..

مثل البنت اللي تأخر زواجها
والطالب اللي عنده اختبار
واللي تخرج ومالقى وظيفة ..


لازم بين فتره وفتره ننتبه لانفسنا ونخفف الظغط عنها بطرق كثيرة ...
اذكر منهآ :
* الرياضة ، ورياضة المشي
* تربية الحيوانات الأليفة / الاسماك / الطيور
* دلعي نفسك بمساج اسبوعي / حجامة كل ٦ شهور / حمامات بخآر
* مآرسي هواياتك كل فتره وفتره .. اذا كنتي تحبين الرسم / الخياطة
الفن / الديكور / الاعمآل الخفيفة ...
* اهم من كل هذا .. انك تكونين مؤمنة بوجود الله .. ومساعدته لك .. وتحسنين الظن به

انا عن نفسي //
بين فتره وفتره ازور قسم الاشغال اليدوية بالمنتدى .. واطبق اي فكره حلوه وعندي ادواتهآ
وفعلا احس اني مُنجزة .. ومرتآحة .. ومتجددة :)






* قدّري نفسك ... واربطيهآ بربــــــــك ،

اقبلي نفسك ... بضعفك وقوتك .. بعيوبك وايجابياتك ...
حبـــــــي نفسك ... احترمــــيهآ .. حطي لهآ قيمة ...
قوّي ارتبآطك بالله سبحانه وتعالى ...
وثقي ان الله هو معينك ... وانه يحبك ... ولايريد لك الا الخيـــــــــر
احسني الظن بالله ( انا عند ظن عبدي بي )
لا تيأسين من روح الله
خليك وآثقه من عطفه وحبه ورحمته ...


والقصص كثيررره ..
تحضرني حادثه سياسيه .. مثلاً الإرهابي .. اللي كان يبي يغدر بالأمير محمد بن نآيف ..
طلب الأمآن .. لكنه مبيّت النية .. ورد الله كيده في نحره ... تخيلوا .. انزلق وانفجرت القنبله في نفسه ..
حتـى ان يده ( والعياذ بالله ) ملتصقة لوحدها بالسقف !
‏{‏وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ‏}‏




:

:


:


:



تمرين اليوم




هاتوا ورقه وقلم وسجلو اجآبيآتكم .. مهم جداً تكتبونهآ .. رآح نحتآجها لاحقاً :
ومافيه مآنع تجآوبين بردك هنا بالموضوع
خلونا نستفيد من افكآر وطموحآت بعض **


١ ) ماهي الأمور التي تعجبني في الآخرين؟
.................................................. ..................................................
.................................................. ..................................................
.................................................. ..................................................

٢ ) ماهي اكثر ٥ شخصيات تاريخية تعجبني ؟
وسبب الاعجاب بكل شخصية ؟
.............................. ..............................
.............................. ..............................
.............................. ..............................


٣) ماهي اكثر ٥ شخصيات معاصرة تعجبني ؟ وما سبب الإعجاب بهم ؟
.............................. ..............................
.............................. ..............................
.............................. ..............................
.............................. ..............................
.............................. ..............................
.............................



٤) من هو الشخص الذي له اكبر أثر في حياتي؟ لماذا له هذا الأثر الكبير في حياتي؟

...................................... .........................................
...................................... .........................................
...................................... .........................................
...................................... ..........................................


أ - اختاري من اجابتك على السؤال ( الثالث ) شخصين قد حققوا ما تطمحين اليه
..............................................................
ب- حددي الصفات و السلوكيات التي تميزوا بها و جعلتهم ناجحين و سعداء
.............................................................
ج – تخيليهم يرشدونك إلى أفضل الطرق لتحقيق طموحآتك ..
اكتبي كل واحد منهم .. ماذا تتوقعين سيقول لك ؟
...............................................................



قال عمر بن عبد العزيز لرجاء بن حيوة :
يا رجاء إن لي نفسا تواقة ، تاقت إلى فاطمة بنت عبد الملك فتزوجتها ، و تاقت إلى الإمارة فوليتها ،
و تاقت إلى الخلافة فأدركتها و قد تاقت إلى الجنة فأرجو أن أدركها إن شاء الله عز وجل.

عنده اهداف واضحة .. وتحققت ..
كلنا سنكون ( عمر ) وكلنا سنحقق اهدافنآ ...



وعلى الخير نلتقي في الجزء القآدم ... ومع اهم سرررر للعيش بنجآح وسعآدة ( الثقة بالنفس )

الجزء ٣










هلا وغلا فيكم حبيبآتي من جديد ،

ان شاء الله اننا جميعآ الآن على بداية الطريق للعيش بسعادة ونجآح و توفيق :26:





نلخص قواعد الحياة السعيدة الناجحة //
١* قل خيرا او اصمت
٢* زيادة الوعي والاطلآع النآفع
٣* مواجهة الدنيآ بالقبول و الرضآ
٤* خالطي النآس .. افيدي واستفيدي ..
٥* حآفظي على هدوئك و ( توآزنك ) الدآخلي ..
ويندرج تحت القآعدة الخآمسة عدة نقآط .. ذكرنهآ في الصفحة ٧ .. وهي :
* خليك انسانة مستقلة عن المؤثرآت الخآرجية ..
* انتبهي من تبرير تصرفاتك ع الطالعه والنازله ..
* لا تتقرب للآخرين عن طريق مديحهم ..

* قولي ( لا ) اذا كآن الشي مآ ينآسبك




* خففي الظغط عليك ..
* قدّري نفسك ... واربطيهآ بربــــــــك ،





اليوم رآح نتكلم عن شيء مهم .. ومن أهم صفآت الشخصيآت النآجحة ...





عجبتني جملة مرهـ قرأتهآ .. تقول :

يقول الأطباء ان الانسآن يموت اذا توقف قلبة
وقال آخرون بل يموت اذا توقف مخه .. مثل الموت الدماغي
وانا اقول : احذر ان تموت وانت على قيد الحياة بأن تفقد مصدر طاقتك في الحياة وهو :

~ الثقة بالنفس ~




اول شي ...
خلونآ نجآوب على هذي الأسئلة بدقة وصراحة .. علشآن كل وحده تعرف ...نسبة ثقتها في نفسها كم ؟



جآهزين ؟؟




يلا جاوبو بـ ( نعم ) او ( غالبا ) او ( احيانا ) او ( نآدرا) او ( لا ) ~



1-هل يتهمك الناس بحــب التفــاخر ..؟

2- هل تجتهـد في تجـاهل العادات والتقــاليــد .. ؟

3- هل يصيبـك الأرتبـاك .. حين تحاور او تُـقـدّم للغرباء ..؟

4- هل تحاول التأثيـر على الأخـرين برفع صوتك ..؟

5- هل تقـاطع محـدثك بستمرار لتتحدث أنت ..؟

6- هل تشعر في نفسك بالحزن لنـجاح الأخريـن .. ؟

7- هل ترى أن الوضع الأجتمـاعي حولك كله أخطاء .. ؟

8- هل تجتهـد في لفت النـظر أليـك وان كان بتصرفات .. غير لائقه ..!!؟

9- هل ترغب أن ( تتفنن ) في صناعة موضه جديده .. للفت الأنتباه ..؟

10- هل تغضب أذا القيت ( نكتة ) تمس شخصيتك ؟

11- هل تحب ان تقول اشياء تؤذي مشاعر الأخرين .. يعني رمي الكلام .. ؟

12- هل ترضيك المجامله اكثر مما يرضيـك أنجاز العـمل ..؟

13- هل تحاولين ان تكونين الأبرز في الشلّه او الزملاء ؟

14- هل ترفض المقترحات التي تتدخل بأمورك الشخصيه ..؟

15- هل تشك بقدرتك على أجتذاب الأخرين ..؟


\
/
\
/
\
/


الحين احسبي درجآت اجآبآتك :
نعم = ٢٠ ، غالبا = ١٥ ، احيانا = ١٠ ، نادرا = ٥ ، لا = ٠




بعد مآ جمعتي اجآبآتك ...

تعآلي نشوف النتيجة //




= اكثر من ٢٥٠ : عندك احسآس كبير بالنقص وانعدام الثقة بالنفس ..
= من ٢٠٠ الى ٢٥٠ : عندك احساس قليل بالنقص .. وانعدام ثقتك تحآول المقاومة ..
= اقل من ٢٠٠ : اهنيـــــك ع ثقتك في نفسك ..







\
/
\
/
\
/
\
/






علامات الإحساس بالنقص //


1/ التلهف على الحب والعطف .
( مايحبني ) .. هذي كلمة كثير من الزوجآت التعيسآت ..
والسبب انه تغير عن السنة الأولى من الزوآج ...
طبعا لان ماعندها ثقة بنفسها .. شكت بنفسها وانها هي ( شخصية ما تنحب ) !

2/ الرغبة في بلوغ الكمال .
( ليس عظيما بالقدر الكافي ).. وهذا الكلام يقوله الشخص اللي عنده نقص لنفسه ...
وما يقتنع انه بشر والبشر لازم يخطون .. يبي كل شي على اكمل وجه .. والا يجلس يلوم نفسه !

3/سرعة التسليم بالهزيمة.
( لن استطيع أن أكمل العمل ) مع أن لديه القدرة والإمكانية لذلك وتراه ضجرا مكفهرا...
وحده تدرس طول السنة واذا جت الاختبارات قالت ما اقدر اكمل .. ليه طيب ؟
ماعندك ثقة بقدراتك ؟ توكلي على الله وثقي بقدرتك على النجآح .. وربي بيوقف معك


4/ يتأثر سلبا بنجاح الآخرين.
وحده موظفة وقادرة تصرف ع نفسها .. وزميلتها نفس الشي ..
بس عمرها مارضت عن وضعها .. دايما تقارن شنطتها بشنطة زميلتها اللي بـ ٥٠٠٠ .. مع انها عارفه
ان صديقتها عليها قرض .. وديون بسبب المبالغة باللبس .. !!


5/ الحساسية الفائقة .
( وش قصدك ؟) هذي كلمة اللي ماعندها ثقه بنفسها ..
تلقين وحده صبت للجميع قهوه ونستهآ .. نطت وقالت : وش قصدك ؟ ما مليت عينك ؟ و...و....
وتقلل ادبها ويطلع شكلها سخيف علشآن موقف مايستاهل ...
افرضي انها فعلا تعمدت تنساك .. تقلبين الدنيا علشآنها !
بالعكس كذا تقولين لها : انك منقهره ومرتفع ظغطك ...
تجاهلي الموضوع وذكريها تصب لك وانتي مبتسمه ...

وتذكري ان الابتسامة تُفقد المنتصر لذة الانتصآر


6/ افتقاد روح الفكاهة .
( هل تسخر مني ؟) هذا رد اللي فيها نقص .. لو احد قال عنها نكته او علق عليها ...
خلي روحك مرحه وثقتك بنفسك عاليه ما تأثر فيك نكته ...





\
/
\
/
\
/




يقول مونتغمري في كتابه ' الحرب عبر التاريخ':
'أهم مميزات الجيوش الإسلامية لم تكن في المعدات أو التسليح أو التنظيم، بل كانت في الروح المعنوية العالية'





الثقة بالنفس ماتعني ( الغرور ) ابداً ..
الثقة بالنفس تعني : ايمآنك بقدرتك على النجآح .. وايمانك بقدراتك اللي اعطاها الله لك ..
ثقتك بنفسك تعني عدم خجلك من عيوبك .. او وضعك الاجتماعي او المادي ...
ثقتك بنفسك تعني افتخارك بكل شي يمسك وتنتمين له طالما مافيه عيب ولا ذنب ...

الفقر / الطلاق / العنوسة / البطالة / العقم / الشكل ....
مو سبب لفقدانك لثقتك بنفسك .. تعايشي مع هالشي وتقبليه .. ولاتخجلين منه ..
اذا احترمتي وضعك وماخبيتيه الكل بيحترمك
بس لو حاولتي تخبين الكل بيشوف هالشي اللي فيك عيب وغلط لانك حاولتي تخبينه .. والانسان مايخبي الا الاشياء المخجلة
فـ ليش تخجلين من اشياء ما تخجّل؟

اوعدي نفسك من اليوم انك راح تفتخرين بأهلك .. بوضعك .. بشكلك ... مهما كآن ..

انظري دايما للجانب المشرق من الموضوع ...







\
/
\
/
\
/




هذا يكفي اليوم ...

مآفيه ( تمرين ) اليوم .. لاننا جاوبنا في البداية ع الأسئلة ...
المطلوب نعيد النظر في تصرفآتنا .. نقرا النقاط مره ومرتين .. ننتبه لردود افعالنا ..
نتحكم بتصرفاتنا ...
من بكرا اوعدي نفسك ماتخضعين لأحد .. وماتخسرين ثقتك في نفسك ...
رآقبي تصرفآتك ...







نلتقي غداً بإذن الله ..

للجميع خآلص مودتي :26:

هلآ وغلا فيكم حبيبأتي جميعاً ..
اعتذر عن تأخر الدرس .. وانا معأكم للأخير .. بإذن الله ...


تكلمنآ في الدرس الأول و الثآني .. عن ( أسس الحياة السعيدة & الناجحة )

وتكلمنآ في الدرس الثالث عن ( الثقة بالنفس )





الجزء ( 4 )






قريت مره شكوى لوحده من الأخوات
كآنت اكتشفت رسايل بنآت بجوال زوجها و واجهته واعتذر وطلب السماح ..
مشكلتها وين ؟
تقول اني صرت ما اثق فيه .. واذا ارسل لي مسج حلو صرت افكر من وين له ؟... واني متضايقة وحاسة بالذنب


انا اقول لهآ :
ارفقي على نفسك ...
ليش تتحملين ذنب مايخصك ؟
خليه هو يحس بالذنب ويحاول يعيد ثقتك فيه طالما انك سامحتيه خلاص خلص دورك
مو معقوله يخطي عليك وانتي تتحملين الشعور بالذنب !!




فيه ناس كثير يظلمون انفسهم بالشعور بالذنب لأشياْ مو بيدهم ... او ماتخصهم ...



وكالعاده .. علشآن نحكم على انفسنا ( صح ) ..
نسوي اختبار صغييير .. ونجاوب بصراحة .. ونشوف النتيجة //





هل عندي عقدة الاحساس بالذنب واهانة النفس .. بلا ذنب ؟؟!!

جآوبي على جميع الأسئلة بـ ( نعم ) او ( لا ) فقط ::

1* هل تحبين ارضاء الآخرين وتفعلين ما يرغبونه ؟
2* تقدمين حاجات ورغبات الآخرين على نفسك ؟
3* تفقدين صبرك و هدو~ك بسبب رأي الآخرين ؟
4* تخافين من تولي القيادة في امر معين وتخافين من فقدان سيطرتك على الموضوع في نفس الوقت ؟
5* تتوترين اذا حسيتي ببداية مشكلة معينة ؟
6* احيانا ماتحطين عينك بعين الشخص اللي تكلمينه ؟
7* تحتفظين برايك علشان مايزعل منك احد ؟
8* تقلقين وتحسين انك ( قاسية ) ؟
9* يهمك الكلام اللي يقولونه لك الناس وتنتبهين حتى لطريقة نظراتهم اليك ؟
10* ماتردين على اللي يخطي عليك ؟
11* تقلقين وتنتظرين اللي متضايق منك لين ينسى وتتغير ردة فعله معك ؟
12* تعتذرين كثير ؟
13 * تهدين اللي متضايقه منك وتحاولين يرجع الوضع بينكم عادي و هادي ؟
14* اذا صار لك موقف ماتغضبين بوقته .. وتحطين حرتك باهلك او اولادك ؟
15* انتقامك مايكون عادي .. بالعكس .. تخططين وتلفين وتدورين.. بس ماتبينه يعرف انو انتي المنتقمه ؟
16* تتظاهرين قدام اللي انتقمتي منها انك مالك علاقه .. و تسوين نفسك متعاطفة معها ؟
17* تحسين ان الناس اجمل و اسعد منك ؟






اجمعي اجاباتك بـ ( نعم ) ...
اذا كانت 15 و اكثر : انتِ انسانة تحرقين نفسك بلا ذنب .. تذلين نفسك لغير الله .. توقفي حالاً ولاتدمرين شخصيتك
من 10 الى 15 : انتِ تبالغين بالتفكير بالآخرين ومشاعرهم على حساب نفسك .. اعيدي التفكير بتصرفاتك ولاتخسرين نفسك
من 5 الى 10 : في طريقك لتدمير ذاتك , اذا استمريتي ستكرهين نفسك
اقل من 5 : اهنيك .. ضميرك حي .. تفكرين بالآخرين بشكل معقول : )








اذا كنتِ من هالنوع تعالي نعالج هالمشكلة
لان الاحساس بالذنب ( بلا ذنب ) يزعزع سلامك الداخلي .. واللي تحتاجينه كـ اساس متين لشخصيتك و ثقتك ونجاحك وبالتآلي :
سعآدتك







~ تخلصي من قيود الاحسآس بالذنب ~



اول شي لازم تعرفين انك انتي المسئولة عن احساسك هذا ...
وانك انتي تكبرين كل شي وكل تصرف من الناس ..
زميلتك ما تكلمت معاك اليوم لأنهآ امس اتصلت عليك مرتين ومارديتي
تقومين تتضايقين وتحسين بالذنب وتعتذرين !!
لا .. لأنك مو مسئولة عن تفكيرهآ .. اذا كانت تزعل بسرعة وما انتظرت تسمع منك .. فـ هذا مو ذنبك ..
لا تحآولين تسترضينهأ .. بتفكر انهآ صح ..
وضحي لهآ الكوقف بكل صراحه وبكل هدوْ ..
: فلانه .. ماعليه ترا جوالي مفصول امس ماقدرت ارد عليك
: فلانه .. ماعليه ترا شفت مكالماتك متأخر لمآ جيت انام

بس تذكري ان ( عدم الاحسآس بالذنب ) مو معناته اكون متبلده وانسآ الادب والذوق ..
واتيكيت التعامل مع النآس ..
يعني مشغوله ماتقدرين تردين ع مكالمه .. ارسلي مسج ( عفوا انا مشغوله الحين اكلمك بعد ساعه )


ولازم تتجنبين وتكافحين العادات السيئة اللي تخليك
تعتذرين وتحسين بالذنب ...
يعني وحدة طويلة لسان .. اكيد بتغلط كثير وتظطر تعتذر
وحده عجازه وكسوله .. اكيد بتهمل اعمالها وتظطر تعتذر من رئيستها
وحده عصبية .. بتنفجر بالناس وتغلط عليهم وتظطر تعتذر


طيب..
فيه اشياء صغيرة وخفيفة بنبّه عليهآ .. علشان لاتلومين نفسك وتتضايقين منهآ ..






كيف اتجنب الاحسآس بالذنب ؟





* اعرفي متى تعتذرين ..
اعتذري بالمواقف الضرورية .. زي اللي ذكرتها فوق ..
واذا كنتِ مسئولة عن الخطأ 100%

لاتعتذرين من احد زعل لأنك قلتي رايك بصراحة
لاتعتذرين من احد زعل لانك قلتي له ( لا ) لان رغبتك هي ( لا )
لاتعتذرين من احد ماغلطتي بحقه بشكل مباشر ..



* تذكري معنى انك تعتذرين ..
اعتذارك يعني انك تطلبين من الشخص انه يسامحك
وهذا يتطلب منك جهد نفسي عظيم .. حرام تجهدين حالك نفسياً علشان موقف بسيط .. او كلمه تافهه .. لو قالها لك احد يمكن ما اعتذر لك .





* عطي الناس فرصة تعتذر لك ..
اذا كنتِ شخصية تحب السلام .. وتكره الصدام والمشكلات .. فهذا مو معناته دايما تقولين لنفسك ( اذا انا ما اعتذرت وخلصت الموقف هم ماراح يعتذرون )
لأن هالشي غلط .. اذا انتي تأنيتي .. وانتظرتي .. هم راح يعتذرون لك
لازم يكون لهم دور في علاقتك معاهم وماتكونين انتي اللي دايما تبنين الجسور : (




* اعتذري بطرق اخرى ..
الابتسآمة دليل على صفاء مشاعرك تجاه الشخص وانك مافي قلبك شي عليه
خليها تعبر عن هالشي بدل ماتعتذرين ويفهمون هالشي ضعف منك !

او حتى ابدأيها بالسلام .. بدون ماتحسسينها انك تسترضينها على شي ماغلطتي فيه ..










اربع نصائح عودي نفسك عليها :


* عبري عن مخالفتك لفكرة انتي مو مقتنعه فيهآ
وهذا مايعني تمسكك فيها والدفاع عنهآ .. فقط عبري عنها بكل بساطه



* اذا طلب احد نصيحتك .. صاحيه برايك ..
ولا تقولين له الراي اللي يفرحه .. وبس ..

وحده استشارتك بلون صبغتها .. كوني صريحة برايك
بشرط يكون هذا رايك .. وبهدوء وبدون تجريح ..


* انتقدي الشخص اللي يهمك اذا كانت عنده صفه تزعجك
بشرط يكون انتقاد هادف .. وماتكررينها عليه ..











وختاما \\

الاحساس بالذنب دليل الضمير الحي
لكن اذا استثمرنا هذا الشعور صح .. واستفدنا منه في تطوير النفس والترفع بها عن الرذائل
وتجنيبها كل مايظطرها لمذلة الاعتذار
وخير شعور هو الشعور بالذنب تجاه الله وواجباته علينا
( والنفس اللوامه )
فهو نعمة
لازم نلوم انفسنا على تقصيرنا في حق الله .. ونسعى لكمال التأدب مع الله






وفق الله الجميع لما يحب ويرضى
نلتقي باذن الله .. بالدرس القآدم ..

الجزء ٥





اليوم رآح تكون دورتنا دردشة وسوآلف عن الايجابية والنجآح
تغيير عن روتين الاسئلة والدروس ..

فيه مقولة احبها كثير واحب اتأملها تقول



الانجازات العظيمة تأتي من التضحيات الكبيرة










المآل ...

اعرف عائلة ماشآء الله عليهم من اغنى اغنياء الريآض ..
والدهم .. لمآ توفى والده .. كان يسدد ديونه ..
بس سبحآم الله .. مالبث ان كوّن ثروة هائله تبارك الله ..
ولأني اعرفهم عن قرب فـ انا اعرف حجم التضحيات اللي قدمها وآلدهم ...

عآشو قرابة ٣٠ سنه بتقتر ومنزل اقل من عآدي .. بدا تجاره صغيره مرّه ..
بس ماكانو يسافرون بالأرباح .. ولا يرممون بيتهم .. ولايلبسون اغلى المآركآت

كآن والدهم يحط الريال ع الريال ويكبّر تجآرته وبظرف ٣٠ سنه .. من وآرث للديون الى مورّث لملآيين ..
الله يبارك لهم في مآلهم ،

وما انسى اذكر ان الله مبارك لهم لانهم على قدر من الدين ماشاء الله ..



...... الفشل ما هو الى فرصة للبداية مرة أخرى بطريقة أنضج .......






الوظيفة

صديقتي تكحيلي عن اختها ..
انسانة متفوقة دراسياً .. اول مافتح قسم الطب بالسعودية ودخلو البنات دخلت معهم ..
وكآن بوقتها صعب لان الثقافة العامه الطبية شبه معدومة
والدراسة باللغة الانجليزية وكانوا الناس ضعيفين فيها بشكل عام
ولا فيه نت يساعدك بالبحث واللغة والمعلومآت
يعني داستك كتب * كتب
المهم .. تقول درست ٥ سنوات بمنعزل عن العآلم .. ماكانت تستمتع بوقتها ..
كانت من مذاكره لبحث ومن بحث لاختبار ومن اختبار لمذاكرة
وكانت تغرق بين القواميس ولبست نظاره ... والنتيجه !!
تقول بعد ماتخرجت .. كانت فيه اجهزه ماتعرف تتعامل معها والموضه ماتعرف فيها شي ،

ماشالله تبارك الله الحين هي من اشهر دكتورات السعودية بتخصص الاعصاب

ضحت بمتعتها و وقتهآ .. والنتيجه نجآح بآرز *


... اعمل من نفسك أقصى ما يمكن أن تكونه ....










الحياة الاجتماعية


قريبتي انسانة تزوجت بأول جامعه .. زوجها بمنطقه وهي عند اهلها تكمل دراستها ،
حملت وولدت وزي اغلب البنات تركت دراستها بمثل هالوضع ،
راحت عند زوجها .. وندمت ع تفزيطها بدراستها .. رجعت كمّلت دراستها كان باقي لها ٣ سنوات ..
رجعت عند اهلها وتحملت البعد عن زوجها .. وجابت طفل ثاني بآخر سنه ..
يعني طفلين وبعد عن الزوج ودراسه .. ونجحت ماشاءلله ..
ما انتهت قصتها هنا ..

بعد التخرج راحت عند زوجها سنه .. والسنه اللي بعدها طلع لها وظيفه بعيده ..
وقبلت فيها .. ورجع التعب والبعد + اطفال + بيت
وتحمّلت .. والحمدلله العام الماضي نقلت لمدرسه جنب بيتها ..

تحملت اشياء كثيره ٤ سنوات ..
والنتيجة :
حققت نفسهآ .. اخذت شهاده .. توظفت .. استقلال مادي ومعنوي

ماشاء الله تبارك الله .. الله يزيدها ويسعدهآ ..



.... العمل الجاد هو الثمن الذي ندفعه مقابل النجاح .....










كوكو شآنيل ،

صآحبة شركة (شآنيل ) التجميلية ..

ما اعرف التضحيات اللي قدمتها لكني اعتبرها انسانة مُنجزة
يكفي نعرف انها عآشت في ( ميتم ) وتربت فيه ...
وانجازاتها العظيمة خرجت من رحم معاناتهآ ..
اجمل عطوراتها ( شانيل ٥ ) اللي سمته على رقم غرفتها بالميتم ،

اليتم / العوز / الفقر
مامنعها تدور داخلها وتنجز وتبدع ،









النجاح جواتنآ .. يبدا من داخلنا ... من ملكآت انفسنآ ..
والظروف حولنا معونات .. ومساعدات لنا .. بس مو هي كل شي
كل شي يبدا من داخلك / من قلبك ونفسك وروحك ،




اللي بقوله لكم



نجآحك يتوقف عليكِ انتِ ..
كم من وحده تزوجت بدون رغبتهآ .. وتطلقت
وكم وحده دخلت تخصص تكرهه .. وفشلت
وكم وحده اعطت واعطت واعطت .. ولم تأخذ

كل هذا الفشل بسبب انهم ما تبعوا انفسهم //

من اكثر الأخطاء التي يرتكبها الإنسان في حياته …
كانت نتيجة لمواقف كان من الواجب فيها أن يقول ( لا ) … فقال ( نعم ) !!!






\
/
\
/





امس على قناة بداية ..
كان الشيخ ( ابراهيم الدويش ) يحكي عن امرأة فقيرة دائما ما تأتي اليه وتطلب المآل ..
فكّر ان يسآعدهآ .. سألها ماذا تتقنين ؟ قالت ( صنع القرصان )
فاشترى لها ( صآج ) .. و ( دقيق ) واتفق مع احد المحلات ان يسوقوا لهآ ..

وكآنت تنتج يومياً كيلوين .. ٣ كيلو .. وهكذا ...
اشتهر قرصانها لانه صنع بلدي وصار عليه طلب ...
يقول فزادت من انتاجها ..

يقول الشيخ ان صاحب المخبز اللذي يسوق لهآ قال لي ... تعرف كم ربحها الشهري الآن ؟
يقول انه ١٥ الف ريآل ..
بعد ان كانت تطلب الف والفين ليكفيها مئونة شهر ..


فسبحان الذي رزقها وسخر لها


من صميم الصعوبات تُخلق الفرص


\
/
\
/
\









اذكركم بقواعد النجآح //
* التوكل على الله .. وحسن الظن به
* الثقة بالنفس ارجعو لدرس الثقة بالنفس وطورو انفسكم
*الطموح / اذا عندك هدف سوي كل شي في سبيل تحقيق هدفك
* التفااااااااااااؤل






\
/
\
/
\







موظفتين في نفس البنك
وحده تتأفف من الدوام هناك .. وجو الدوام ..
والثانيه تقول لك مرتاحه فيه

وش السر ؟




السر في نظرتهم للدوام ..

الأولى /
ممكن تكون شخص يتأثر بالظروف المحيطه
او انسانة متشائمة



الثانية /
انسانة ما تتأثر بالمحيط العام .. مستقله .. تعرف وش هدفها بالدوام ..
متفائلة




وعلشان نكون كلنا مثل الثانية تعالوا نحفظ وننفذ بعض النقاط :

*فكري دايما بالأشياء اللي تملكينهآ دون غيرك
*لا تتوترين بسبب مشاكل العمل او الدراسة واعتبريها جزء من الحياة
*لاتلتفتين لمضايقات الآخرين وآرائهم المزعجة ، لانك ماراح تقدرين تغير سلوكهم او تربينهم من جديد
*تفائلي
*اجعلي الفشل درس للنجاح
*استمتعي بالحاظر واتركي القلق بالمستقبل لوقته
*اقرئي اخبار طريفة يومياً .. او اشتركي بخدمة ترسل لك هالاشياء
*خوذي قراراتك بجرأة بس بدون تهور او اندفاع
*خلي احد مصادر سعادتك هو مساعدتك لوالدينك ، ومساعدة المحتاجين او الاطفال
*عززي ايمانك بالقدر
*اعلمي ان ما اصابك لم يكن ليخطئك وما اخطأك لم يكن ليصيبك
*اعلمي ان النصر مع الصبر ، والفرج مع الكرب ، وان مع العسر يسرا
*نآمي زين وبعمق ،





\
/
\
/
\
/






تمرين اليوم :




نبي كل وحده ترد ..
تكتب لنا مقولّه واحده ايجابية تحفزّها للنجآح او التغيير //
زي اللي كتبتهم بلون موف بالموضوع



باقي لنا جلسه عن ( القلق )
وجلسه ختآميه .. وننتهي على خير :26: