زجاجات الجبن ... كيف أصبحت؟؟ حياكم

سلام بنات

قبل كل شي اني احترت وين انزل الموضوع في هالقسم او قسم الأعمال اليدوية، فقلت انزله اهني لأنه عبارة عن فكرة استغلال أشياء موجودة في البيا

طبعا معظمنا أو كلنا عندنا برطمانات الجبن أو العلب الزجاجية ويا كثرها في كل بيت ، وأغلبنا يرميها وما يستفيد منها وأولهم اني

فقلت ليش يا كافورة ما استغل هالعلب في شي يفيدني بدل ما ارميهم، وطبعا هذا أول عمل يدوي لي اكمله واعرضه عليكم لأن ما عندي ثقة بأعمالي وأن شاء الله يعجبكم وتقيموني

الأدوات اللي نحتاجها وموجودة في كل بيت



زجاجات جبن أو أي نوع آخر متوفر عندك - قطعة قماش - مقص - صمغ حراري - صحن - قلم - خيط وابرة - خيوط من القش أو اي نوع متوفر عندك

أول شي نفرش القماش ونرسم عليه دوائر باستخدام الصحن والقلم مثل ما هو موضح بالصورة



وبعد ما نرسم الدوائر نقصها وراح نحتاج لكل زجاجة دائرتين



وهذي الدوائر بعد ما انقصت

الخطوة الثانية نجيب الخيط والابرة ونمسك دائرة ونخطيها على طول طرفها مثل ما هو واضح بالصورة



وبعد ما نكمل من خياطتها نشد على الخيط شوي ونحط غطاء الزجاجة داخلها وبعدين نحط شوي صمغ ونكمل شد الخيط ونلصق القماش حتى يثبت ونكمل خياطة




ونحط الغطاء على الزجاجة علشان ينشد ويثبت>> أن شاء الله شرحي واضح لأني ما صورت كل الخطوات



نجي الحين للزجاجة وناخذ قطعة قماش ونخيطها بنفس الطريقة وبعد ما نكمل من الخياطة نحط صمغ في قاعدة الزجاجة ونحط القماش ونشده مثل ما هو واضح بالصورة



بعد ما كملنا شد نلصق القماش من الجوانب علشان يثبت وما يطيح >> هذي الخطوة يبغى ليها شوية صبر لأنها غلبتني

نجيب خيوط القش ونقص ثلاث خيوط بقياس محيط الزجاجة علشان نغطي الخياط ونلصقهم وبعدين نزين بالخرز



الصورة توضح طريقة تثبيت خيوط والخرز، نطبق جميع الخطوات على كل الزجاجات



وهذا نتيجة العمل ، زجاجات مزينة نقدر نستخدمها كطقم للبهارات أو أي شي آخر

أتمنى انهم يعجبونكم واذا استحق التقييم لا تبخلون علي

ما احلل لأي وحدة النقل