جددى الفوط (المناشف) بلمسات جميلة

السلام عليكم ورحمة الله وبركاته

أكيد كلنا زهقنا من شكل الفوط عندنا وخاصة فى حمام الضيوف، ممكن بلمسات بسيطة نجددها ويصبح شكلها مختلف تماما، يارب تعجبكم الافكار.



http://forum.hawaaworld.com/files/27373/flower towel.jpg



http://forum.hawaaworld.com/files/27373/woven1.jpg



http://forum.hawaaworld.com/files/27373/woven towel 1.jpg

الفوطة الاولى :

- قطع صغيرة من القماش بالوان مناسبة للفوطة- ممكن شرائط دانتيل
- أزرار بالوان مناسبة للقماش والفوطة.
- خيط - ابرة - مقص
- قصى القماش دوائر صغيرة وكشكشيها ( خيطيها بغرزتين من المنتصف لغاية ما توصلى لنفس الشكل) لو حابة تستخدمى شرائط الدانتيل فى شرائط فى السوق لها طرفين تشديهم يعملوا نفس شكل الوردة
وبالنسبة لورق الشجر قصى دائرة واثنيها نصين وخيطيها على الضهر وسيبى فيها فتحة صغيرة وببنسة شعر اقلبيها على الوجة واكويها
نسقى الورود وورق الشجر بنفس الطريقة اللى فى الصورة وثبتى الزراير فى قلب الوردة وبعد كدة ثبتيها على الفوطة.


الفوطة التانية:
قطعتين قماش مناسبين للون الفوطة ، ثبتيهم على الاطراف
مجموعة شرائط ستان،الحقيقة أنا معرفتش اعمل الفوطة بنفس الطريقة فحطيت شرائط بالطول والعرض يعنى على شكل كاروة( مربعات) وداخل المربعات بس مش كلها ثبت زراير.
وفواحدة تانية رتبت الشرايط بنفس طريق غرزة السراجة يعنى الشريط الطولى مرة يكون فوق وبعدها يطلع فوقه الشريط العرضى ( آسفة مش عارفة اشرح أكتر من كدة بس أنا متاكدة ان الفنانات خيالهم خصب ولهم قدرة على التخيل)

- وممكن بدل الشرايط تختارى ابليك يكون مثلا بالحرف الاول لك ولزوجك وتثبتيه على القماشة
أو ممكن شخصية كرتونية لطفلك يعنى الافكار كتيرة، ياريت تشاركونى بافكاركم الجميلة.
يارب الموضوع يكون عجبكم، لو عجبكم أدعوا لى بظهر الغيب.:44: