في ذكرى زواجي.. أكثر حركة اعجبت زوجي الحبيب!!! جربوها

أمس كان ذكرى زواجي..
وطبعا اختكم ما قصرت في الحركات الرومانسية اللي استفادت منها من منتداها الرائع (عالم حواء)
سواء الورود والشموع والمفاجآت والبحث عن الكنز والأكل المميز والمكياج والهدايا المغلفة بطريقة مبتكرة ..
باختصار..
طول اليوم كان مفاجآت في مفاجآت..
بس قبل النوم انا زوجي متعود يقرأ في كتاب (أي كتاب)
وأنا كنت محضرة نوتة كتبت فيها مقدمة رومانسية وباقي الصفحات (مليتها) مواقف لذيذة صارت بيننا من أول زواجنا..
وركزت على المواقف اللي حببتني فيه أكثر..
أما البقية فكانت مواقف طريفة..
وكنت في كل صفحة أكتب (أحبك لأنك)..
النوتة ما تعبتني رغم اني مليتها من أول صفحة لآخر صفحة!
والسبب انه بعض المواقف ما تاخذ سطرين واقلب للصفحة الثانية!
تدرون وش كان موقف زوجي يوم قرأها؟؟؟؟؟؟؟؟؟؟؟؟














حسيت انه الدنيا صارت حلوة في عيونه وحسيت بحب كبير في كلامه!
وقاللي:
صحيح انك تعبتي اليوم في كل اللي سويتيه .. من أول اليوم لآخره .. بس بصراحة.. هذي النوتة أروع حركة سويتيها.. لانها حسستني ان مجهودي في ارضائك كان له فائدة وانك تذكرين اشياء حلوة بيننا..
ولو كنتي ماسويتي غيرها.. كنت بصير (ايضا) اسعد زوج في الدنيا!
لانك حققتي عكس مايقال عن الزوجات.. (يكفرن العشير)!!!!!!!!!!!!!





ومافي داعي اقوللكم وش سوت هالكلمات في قلبي!




اتمنى انكم تحاولون ها الطريقة.. يمكن تذوقون الطعم اللي ذقته الليلة الماضية من اجمل انواع السعادة والرضا!