فكرة اهداء ليوم المعلم

فيه موضوع للأخت ميمي في المواضيع المميزه عن تعتيق الورق فكرته مره حلوه وغير مكلفه ممكن ترجعين لها 000

وومكن تسوين درع بعجينة السيراميك أو بقالب الجبس بعدين تكتبين عليه الكلمات الي تحبين000
أو حتى ممكن تختارين وحده من البطاقات المعروضه في النت وتكتبين عليها بعدين تطبعينها 0000

الافكار السابقه جميعها غير مكلف وأي سؤال عن الافكار السابقه تفضلي 000

سر الحياة
ياهلا فيك
في فكرة طبقتها العام الماضي لمعلمات أبنتي في الروضة
حيث أحببت أن أشكرهم على جهودهم في نهاية العام بكلمات جميلة و بطريقة غير مكلفة ..
فذهبت لمحلات أبو ريالين و أشتريت منها أكواب الفخار MUG بألوان غامقة لتناسب الدرع الذهبي , أي كحلي , زيتي , عنابي و هكذا

ثم عملت دروع من أغطية السي دي
حسب الطريقة التالية : دروع من أغطيه الـ C.D.
يمكن الاستفادة من أغطية أشرطة الكمبيوتر البلاستيكية بطريقة بسيطة و تحويلها إلى درع رائع تسطرين عليه أحلى الكلمات .
الخامات و الأدوات :
- عدد من علب الـ C.D..
- صمغ مسدس .
- بخاخ ملون .
- ولاعة .
- ورود مجففه أو خيوط للزينة.
الطريقة:
1- أمسكي العلبة و افصلي جزئيها عن بعض تماماً .
2- امسكي الجزء الأول من طرف وذوبي أطرافه بالولاعة من ثلاث جهات فقط حتى تلاحظين تغير في الشكل(متموج).
3- كرري نفس الشي مع القطعة الثانية.
4- ثم لونيهم بالبخاخ الملون الذهبي مثلاً .
5- أكتبي عليها عبارات جميلة أو قصيدة شعر أو إهداء أو تهنئة أو الطباعة على ورق الكمبيوتر ثم لصقها عليها .

بعد ذلك قمت بتثبيت الدرع بعصا من الخشب أو الفلين و وضعتها في الكوب و أضفت للكوب قصاصات من الورق الملون كمادة مالئة , و أخيراً غلفت الشكل العام بورق سولوفان شفاف .


هناك أفكار أخرى يمكنك عملها سأعود لأذكرها لك لأني مضطرة للخروج الآن

فكرتك حلوة وسهلة لكن مافهمت طريقتك ياأخت نيارة في تثبيت الدرع في الكوب .....
ثانيا / ماحجم الكوب

وياليت أشوف صورة ..... وأريد أفكارك الجميلة مثل ماوعدتيني لأني محتاجة لها بسرعة
والله يعطي الجميع العافية

الله يعطيك العافية ياأختنا عاشقة الجزيرة على أفكارك لكن ماعندي مانع تكون الأفكار تكلفتها أكثر من كذا .. أهم حاجة تكون فكرة جديدة مفيدة

انا عندي لك حركه مررره حلوه عملتها السنه الماضيه لمعلمات مدرسة اختي .. ووزعتها عليهم هديه وكانت كثير حلوه ..

تحتاجين ..

لوحه سوداء مقويه كبيره زي اللي نعمل عليها اللوح المدرسيه
اسفنج قطع وماتكون عريضه
لماع فضي
اعواد اذان بلاستيك ملونه

قصيت اللوحه مستطيلات كأنه سبوره مدرسيه لكن صغيره ..

وبعدين قصيت اعواد الآذان المنطقه البلاستيكيه كل وحده يطلع منها اربع او ثلاث اعواد .. وبعدين صمغت كل ثلاث الوان مع بعض .. وهذي صارت الطباشير الملونه

بعدين قصي الأسفنج وكأنه مساحه صغيره للسبوره

الحين .. حطي على اطراف السبوره صمغ ورشي عليه اللماع علشان يعطيك اطار للسبوره

الحين ثبتي الطباشير والمساحه على احد اطراف السبوره من تحت بالصمغ المسدس طبعاً

وتكوني عامله كلمه وتوقيعك على ورق ملون او ساده وغلفيها بالتغليف الحراري علشان تحافظ على مظهرها

وصمغي الكلمه في وسط السبوره

جيبي قاعده بلاستيك اللي تستخدم اسفل الدروع .. تلاقي منها احجدام مختلفه انا جبت اصغر حجم ..

وحطيته بوسط قطعة سولوفان ورشيت ورد مجفف وبعدين ثبت السبوره وولميت السولوفان وربطته بالشرايط الملونه

مافي احلى من المنظر :)

ان شاء الله يكون الشرح واضح