سؤال للفنانات عن أفضل ألوان للخشب

السلام عليكم ..
كيفكم أخواتي ..أنا أول مرة أكتب في هذا الركن بس دائما أطلع على أعمالكم .. لأني من هواة الأعمال الفنية (قبل الزواج) وكمان دراستي أشغلتني عنها .. يالله ثرثارة بحكي حكاية..

ما أطول عليكم.. أنا رحت السوق أدور مصابيح سقف تعليق لغرفة الإستقبال.. أكثر شئ عجبني كانت مصابيح حوليها ديكور خشب .. صراحة أشتريتها لأنها عجبتني مرة رغم أن لونها مو مناسب المجلس .. لأنها متوفرة بس خشب بني محمر ودرجاته فقط.. ومجلسي أثاثه سكري..
المهم أنا أشتريتها ومقررة أصبغ الخشب اللي فيها سكري .. علشان كدة أنا ما أبغى أصبغها بعدين لونها يتغير أو تتقشر.. ياريت الأخوات اللي عندهم خبرة بصبغ الخشب يكتبوا اسم أفضل ماركة ألوان خشب و فين موجودة..

كمان للي عندهم خبرة في تلوين الزجاج..أنا سبق ورسمت على الزجاج لوح كثيرة في الثانوية.. بس ما أعرف لو رسمت على زجاج المصباح .. تتحمل ألوان الزجاج حرارة اللمبة.. أو لا..

الله يخليكم لا تتأخروا عليه أبغى أخلص المجلس .. وشكرا