السلام عليكم ورحمة الله
خواتي كثير منا ما يعرف ما هي افضل نوعيه من الحف(( شيل الشعر ))
وكثير يقلون هذي احسن من هذا
أو
لا ترها مضره
لذلك
حبيت احط بين ايديكم
موضوع متكامل من مجاميعه
لعل وعسي تنتفع به كل عضوه
**********************************************************
أولا نبدأ مع
(( موس الحلاقه ))
v
v
v
هذا النوع أمر به نبينا الكريم
((( في صحيح مسلم من حديث أنس رضي الله عنه قال: "وُقت لنا في قص الشارب وتقليم الأظفار ونتف الإبط وحلق العانة أن لا يتُرك أكثر من أربعين يوماً". وعند أحمد والنسائي: "وَقت لنا رسول الله صلى الله عليه وسلم...". ))
طبعا يستخدم في حلق شعر العانة
أكيد بتقولون
v
v
لا يخلي المنطقه سوده وكمان يكثف الشعر
راح اقولكم من خلال تجربتي
أنه الأفضل
لأن الشيره تشيل الشعر وكمان تشد الجلد
وطبعا نتيجه لهذي العمليه تلقينه
\
لكن
الكثير من الإجانب لا يشتكون من هذا (( هذا قول دكتوره أعرفها أمراض نساء))
لأنهم يشيلون عن طريق الحلق
وحنا على كثر ما نشيل بالشيره تلقينها دايم سوده
ونشتكي من السواد
وبعد هو يقص الشعره ما ينزعها من جذورها
وخليكم على راحتكم
************************************************************
النوع الثاني :-
(( كريم إزالة الشعر ))------------------->> النير
طبعا هذا النوع تقدرين تستخدمينه بدل الموس
لأنه يحلق الشعر
وهذا الكريم شائع كثير عند الإجانب
وهم يستخدمونه في نزع شعر العانة
لكن
حاولي تبحثين عن الطبي
ولا تستخدمينه أبدا في غير منطقة العانة -------->> لأني ما جربته وما أبي أحط شيء بذمتى
أكيد فيه بنات بيقولون لا
النير مو زين ويسبب حساسيه
بقول
معاكم حق
لكن دوري الطيب والطبي وبشوفين أشياء تسرج وأنا أختج
**************************************************************
النوع الثالث :-
(( آله الحلاقة))
v
v
v
http://forum.hawaaworld.com/files/21019/Picture 020.jpg
هذا النوع يستخدم الكثير من الرجال
وبعض النساء عند نزع شعر الإبط أو العانه
لكن انصحكم لوجه الله لالالالالالالالالالا
لأنه يسبب خشونه في الشعر
وطبعا أضراره أنه
يزيدة سمك الشعر وتخرج الشعره فتسبب جروح من الجسم
وما هو نفس الموس يقص الشعر ما ينزعها من جذورها
وتطلع بقع بنيه مكان الشعره الخشنه
*****************************************************************
النوع الرابع :-
((ألة نزع الشعر ))
v
v
v
http://forum.hawaaworld.com/files/21019/Picture 021.jpg
والله هذا الأله عندي
وهي روعه
بس فيها عيبين---------------->> بس مالهم أضرار خخخخخخخخ
أول ما تستخدمينها يطلع الشعر بارز------------>> أبد على مسؤليتي ما تطلع بقع بنيه بس المكان تحسينه يؤلم فقط
بس بعدين
يخف ويصير عادي
وكمان ما ينظف الجلد يعني تلقين بشرتج سمره أو (( شهبه )) جافه
لكن أنا أتغلب عليها بعد ما خلص اشيل الشعر بشيره
بيقولون اجل ليش الشيره
بقول أنا أعرق بسرعه واتعب
علشان جذيه اول شيء استخدم الآله وبعدين الشيره فهي ما تعبني ابدا
لأن الشعر منزوع
وتراني مو دايم اشيل بالشره
يشهد الله مره كل 3 شهور
يعني كل شهر الآله وبعدين الشهر 3 آله وبعدها شيره
ترى الجفاف والسواد مو واضح ابدا بعد الشيل
أما ميزاتها أنها تخفف من الشعر مع كل حفه تشاهدين الشعر ينقص
ويطلع جسمج كأنج والله حافه شيره وناعمه لأنها تنزعه مو تقصه
وكمان مريحه وسهله مو تلزق وتعقدج مثل الشيره
طبعا الطيب منها مو الردي
وتراها انواع
مو يخشونكم مثل زوجة أخويه خخخخخخخخخخخخخ
******************************************************************
النوع الخامس :-
((الليزر ))
v
v
v
طبعا الليزر تقنيه حديثه
وبما أنها تعمل بالليزر فه تحتاج جدلسات
وكل جلسه ------------------->> تبي فلوس والفلوس عند العروس هههه
المهم
هذي النوع يصلح حق الذقن أو الوجه أو الشارب يعني منطقه شعرها شوي
مو الرجل واليد -------------------->> عز زاه يا الفلوس
لكن أختي جربتها حق اللحيه كانت مره كثيفه
يشهد الله عليه
3 أو 4 جلسات والحين ما فيها إلا الشعر عادي تصغير هي أصلا ما حاشته بالليزر
يعني
مجرب
لا تخافون بس يبلها دكتور يخاف الله مو نصاب
*******************************************************************
النوع السادس :-
((الشمع ))
v
v
v
طبعا الشمع مخصص للوجه
أنا من وجهة نضري ومن تجربتي يشهد الله أن الشمع للوجه رووووووعه
طبعا الشمع فيه الردي والطيب
بس ليه ميزات كثيره ---------------------->> الطيب منهم
أنه يشد الوجه
يسد المسام
يغذي البشره ---------------------->> الطبي منهم واللي بالاعشاب
واذا تبون تعرفون طريقة وضعه سهله
أول شيء تسخنينه ولما يدفأ على طول حطيه على وجهك
من الأعلى ونزلي للأسفل
ولما يجمد على الوجه انزعيه من الأعلى يعني صعدي فوق
طبعا لا يكون حار يحرق وجهك
وتحرصي بنزع شوي شوي علشان ما يبقع وجهك ويحبب
******************************************************************
النوع السابع :-
((الفتله )) ----------------->> الخيط
v
v
v
هذا النوع للوجه
ويتخدم بكثرهعند العرب
لكن هذا النوع لا انصحك به
لأنه يسبب فتح في المسام
وكمان يزيد من الشعر في الوجه
وتطول الشعر
لذلك انصحك لوجه الله بعدم استخدامها
وجربي الطريقة السابقه (( الشمع ))
وربي انه روعه
واحسن منه طبيا وصحيا
***********************************************************
النوع الثامن :-
((الشيره )) ----------------->> الحلاوه
v
v
v
هذا بلا منازع في الخليج
فهو المتصدر الأولويه في العرب
طبعا ميزاته كثيره
أنه ينظف البشره
يشيل الشعره من جذورها
تقل سماكة الشعره
مع الوقت يقل ظهور الشعر
وعيبه
أنه يسبب آلم
وخطر على منطقة العانه (( يسبب نزول في الرحم - ترهل المنطقه - اسودادها ))
وأي سؤال ولا يهمكم أنا تحت أمركم
عن أي نوع
لأني مجربتهم كلهم
وأي نقاش أو أعتراض تراه عندي يعتبر مدح ومقبول بصدر رحب
وحياكم الله
بالنسبه لي انا استخدم الطريقه الاخيره
صج تعور:06: بس شنسوي احسن شي
طيب عندي سؤال قريت وايد عن خلطة زيت القرنفل مع معجون اسنان
تنحط على المنطقه على اساس يسكن الالم
او حبتين بندول تخلطينهم مع ماي وتدهنين على المنطقه وتخدره
ماادري شرايج بالطريقتين وهل هي مجربه او لا
واسفه عالاطاله وجزاج الله خير :27:
وداعيه