إفطار على السرير لأبو العيال

حبيباتي المتزوجات، إذا بغيتوا اتفاجئون ازواجكن يوم من الأيام، علشان تبدون يوم يديد بعيد عن الروتين أو لإبعاد الملل، أو بيني وبينكم أستخدمها لما يكون عندي طلب معيّن...ما إلكن إلا صبح وليل، تقدم لكم ....إفطار على السرير....


كنت أسويها أسبوعياً يعني في نهاية الإسبوع وبعيد عن هم الدوام وفي راحة الإجازة... وهذا بالضبط اللي أسويه...وعلشان أحسس زوجي إنه مو في غرفته إنما في فندق...


عندي طاولة سرير يايبتها من إيكيا... مثل هذي بالضبط

وعندي أباجورة أسطوانية نحيفة وايد لو عندي الصورة كنت راويتكم إياها أحط فيها وردة وأحطها في المكان الدائري اللي على طرف الطاولة...

والحين عن الأكل...


أنا مشترية زبدة ومربى وعسل من الصغار مثل بالضبط اللي يحطونها في الفنادق...وأرتب الزبدة مع بعض في صحن صغير مجوف والعسل والمربى أحطهم على كلينكس من اللي يجي مزيّن في منه وايد في إيكيا وبأشكال تاخذ العقل...مثل هذا



والحين للشغلات اللي أطبخها...طبعاً الشغل كله شغلة فن فما أكثر في الأكل وأخلي كل شي صغير...
أييب الخبز السليس(المربعات) وأقطعه إلى أربع قطع متساوية مع التخلص من الأطراف...منها أدهنه من وراء وقدام بالزبدة وأطبخه على قلاية البيض، ومنه أغمسه في البيض وأطبخه، ومنه أحط زبدة ومربى على الوجه وأطبخه بعد...يطلع جنان جربوها...
وتقدرين اتسوين نفس الشغلة على الصمون بأنج اتقصينه دواير صغيرة بعد يطلع شكله يهوس...ولو كان عندج التوست الفرنسي كملت...


إذا عندج الخس البنفسجي قصقصيه للتجميل وباخبركم شو اتسوون فيه...ييبي 2 خبز سليس، جوفيهم من النص وحطيهم فوق بعض...وحطيهم على القلاية، وفي التجويفة أكسري بيض وحطيه... شفت مرة شيف ايسوويها...يطلع جنان مرة...وبعدين حطيه على الصحن وجملي الصحن بالخس وجيبس ومرتديلا مقصص صغير صغير...


والحين نرجع للطاولة مالتنا...حطيتي الزبدة والعسل والمربى على جنب بطريقة حلوة، ييبي دلة فخارية بيضة مع كوب حلو مثل هذا مثلاً...


بعد تجي من إيكيا بأسعار تهوس...مع كوب طبعاً حطي في بالج إنج ما بتشاركينه، الريوق له وحده...


وييبي كوب زجاجي صغير حطي فيه سكر من اللي يجي في ورق ينباع وايد منه في السوبرماركتات أو تروم تاخذين من الفندق يوم اتروحين تحسباً لمثل هذي الأيام...:42:
وحطي ليبتون الورق أو أي نوع شاي...وهذا كله ينحط مع بعض...

والصحن في النص وهو الوجبة الرئيسية، ومنوعات السليس( بالزبدة، بالبيض، بالمربى) على جنب مرتب ترتيب حلو...

ولا تنسين الوردة، ومجموعة كلينيكسات حلوة مرتبة في كوب ماي فاضي على جنب مثل هذا...

والشوكة والسكين مع ملعقة صغيرة للشاي، ومرشات الملح والفلفل الأسود...

فيج اتضيفين جبن كرافت مقطعة بطريقة حلوة، أو تتفننين أنت من نفسج في إفطار السرير...

وقدميها وإنت كلج ريحة دخون وبخور ومتعدلة تعديلة صبح مو تفجعينه كنج رايحة عرس، وافتحي الستاير والشبابيك خليه يحس بالتغيير، صحيح إنج ما بتاكلين وياه، لكنج بترتاحين لما اتشوفين المفاجأة في عيونه... وبالتوفيق جميع...:27:


هذا عاد وإبداعاتج... وحبايبي اللي اتسويها تدعيلي...


واللي عندها طريقة ثانية جديدة اتخبرني نتبادل الخبرات:cook:






***
يا ناس إلحقوني ريحة في أصابعي ماقدر أخوزها

يالسمينة حلج عند د.نيوتريشن...إلحقوا قبل لا يخلص العرض

لقيت أمي زعلانة وأنا أساساً مثلها...

سباركلينق من ديور

فكتوريا سيكريت

بنتي وأختي،،،،،،شو استوالهم

هداااااااااااااااااااااااااااااااااااااااااايا

وأنا بعد عندي تجربة حلوة مرة من خالتي أم ريلي

مشكلة ما تخلينا ننام لا أنا ولا زوجي ولا بنتي