nalooo

nalooo @nalooo

عضوة نشيطة

أفكار لسلات حلوة للهدايا

الفن والأشغال اليدوية

أبغي اسوي سلات حلللللللللللللللللللللللللوة .. وأهديها لعيال صديقاتي .. كأنهم هديه من ولد أخويه .. أنا اشتريت السلات والشوكولاته وألعاب قطنية مثل الدباديب والأرانب وأشكال ثانية .. ومعظمها لونها بين اللون الأزرق بدرجاته والبيج بدرجاته .. وأخذت بعض الشرائط المنوعة من الورق لونها بين الأزرق والأبيض تقريبا شكلهم مثل القش وبالونات لونم بيج وازرق.. وكرات صغيييييييييييرة لونهام أبيض وازرق مصنوعة من البوه .. وشرائط من القش والساتان اللي لونهم أزرق ..
لكن الحين كيف ممكن ارتب الأغراض في السلع عشان يطلعون حلويييييييييييييييييييييييين .. وابغي طريقة أزين فيها السلات بس تكون راقيه وحلوة مثلكم يا حلوات
8
4K

يلزم عليك تسجيل الدخول أولًا لكتابة تعليق.

تسجيل دخول

om elbanat
om elbanat
بإمكانج تحطين في كل سلة وسادة أو مجموعة أوراق تغطينها بساتان و ترتبين عليها كم لعبه بحيث تدخلين اللونين مع بعض الأزرق و البيج وتيبين قماش شفاف( تول ) على شكل مربع و تحطين حلاوة في الوسط و تربطينه بشريطه على شكل صرة وترتبينها مع الألعاب أو تخلين لعبه ماسكتنها حسب الحجم اللي عندج على شرط تكون الصره مب نفس لون الارضيه و الكور البوه ممكن تغلفينهن بورق هدايا لماع بعد ما تثبتين فيهن عصي فبيطلع شكلهم مثل مصاصات الحلاوه و ثبتي البلالين في عصي بعد حطي كل سله في مربع من التول و صريها و ربطي الصرة بشرايط و غرزي عصي المصاصات و البلالين في السلة مخترقة التول و زيني بالشرايط على ذوقج و على التول من برا الصقي بطاقة اهداء بعبارات حلوة وزيني البطاقة بفيونكه أو حبة حلاوة......هذا اللي طلع به مخي الحين بس إذا كنتي من دبي ممكن تسيرين مكسار في مركاتو بيساعدونج...و بعد إذا كنتي من دبي ممكن تقولين لي من وين اشتريتي الأغراض علشان ودي أسوي شي لطلوع البيبي
nalooo
nalooo
شكرا جزيلا عزيزتي أم البنات .. أفكارج حلوة وتقريبا أنا سويت معظمها .. الأغراض هذه خذيتها من سوق الجملة اللي ف منطقة الراس .. من محل اسمه الشفق .. عنده دباديب وأرانب حلوة .. ومحل اسمه ... شي ميرزا مقابل شويترام .. والسلات من محمصة ملك البن واللي جنبها ما عرف الاسم .. الأشرطة من سوق عكاظ .. وبعض الأشياء خذيتها من انترافلورا هو محل في شارع الرقة للورد الطبيعي بس فيه أشياء مخروطية نحط فيها الحلويات .. وفيه محل في سنشري مول اللي بجنب نادي الشباب .. محل لبيع أدوات الحفلات .. أول ماتدخل المركز على اليسار وبجنب الكافتريا .. خذت منه الكور البوه و الخيوط الورق .. والكاكاو من باتشي .. و محل في جميرا بلازا .. هذا اللي أتذكره
عذوبة
عذوبة
:27:
om elbanat
om elbanat
مشكوره يا Nalooo الحبوبة ويا بخت ولد أخوج فيج و الله يخليه لج ..ان شاء الله بس أكون فدتج كثر ما أفدتيني.. مشكوره الغاليه ما تقصرين..
عجيبه2005
عجيبه2005
تسلموا يا جماعه