**&^ اخيرا درس اللمعه بالجليتر ^&**

لتحميل الدرس

السلام عليكم اخيرا راح نعرف شلون نسوي لمعه بالجليتر بس بقولكم مقدمه لازم تفهمونها عدل والا ماراح تعرفون تشتغلون

اللمعه اللي تشوفونها عباره عن 3 صور مختلفه تتحرك بسرعه لدرجه انها تبين انها تلمع مثل فكره الرسوم المتحركه وعشان نصمم بالجلتر لازم نفكك الصوره بالايميج ريدي الى 3 طبقات عشان نقدر نشتغل

وهذا مثال عندكم لصور مفككه وبس تعرفون الطريقه بنزل صور مو مفككه وانتو فككوها وخزنوها

اللون البنفسجي
1-
2-
3-

خلوني اشرحلكم على هذا المثال اول وبعدين انزل جم جليتر مفكك والشرح بيكون على الكلمه بس واذا طبقتو بتعمق للاشكال والصور

ولايغركم طول الشرح لانكم تعرفوني اني اشرح بالتفصيل الممل لان هالدرس بالذات يبيله دقه بس صدقوني على كثر ماتطبقونه بتحفظونه صم بدون لاتردون للدرس
========================
1- افتحي صوره الجلتر الاولى مثلا رقم1 ومهم جدا التسلسل ctrl + o
2- نضغط ctrl + a عشان نحدد الباترن
3- بعدين نختار edit ===> define pattern وبيطلع مستطيل اضغطي اوكي على طول
4- سكري الصوره وبيقولج بتحفظين التغيير اختاري no
5- نفتح الصوره الثانيه رقم 2 ونكرر نفس الخطوات من 1 - 4
6- نفتح صوره رقم 3 وهم نكرر الخطوات
-------------------------------------------
-------------------------------------------
1- نفتح عمل جديد ctrl + n بخلفيه شفافه والحجم يكون اكبر من الكلمه بشويه الا اذا كنتي بتضيفين صور واشكال ( مو مثل توقيعي يفشل لاني اصلا كنت اجرب وماانتبهت للحجم ويوم شفته حلو تعاجزت اعيده :o )



2- نضغط حرف ال T من الكيبورد ونكتب اللي نبيه بأي لون مو مهم
ملاحظه : من الاول حددي حجم الخط لانج صعب تعيدينه من الاول اذا مااعجبج حجم التوقيع

3- الحين ركزو شوي ... ضاعفي طبقه الكتابه مرتين

- يااما انج تضغطين على الطبقه بالماوس يسار وتختارين مثل الصوره



- او انج تختارين من قائمة layer اللي فوق



- وفيه طريقه ثانيه سهله انج تسحبين الطبقه بالماوس للمربع اللي تحت اللي عليه الدائره



انا اقولج كل الطرق عشان تتعلمين لان مو هدفي بس تطبيق الدرس لكن هدفي انج تتعلمين الفوتوشوب من خلال تطبيق الدروس وانتي لج حرية الاختيار بأي طريقه تبين

بيطلع الشكل النهائي جذي



4- الحين نضيف طبقه فوق كل طبقه ... نضغط على الطبقه الاولى وبعدين

- اما نضغط shift + ctrl +n
- او نضغط على المربع الصغير اللي عليه دائره بالصوره اللي تحت اللي مكتوب عليه (" لاضافة طبقه جديده )

وبعدين نضغط الطبقه الثانيه ونكرر نفس الخطوه السابقه وهم نضغط الطبقه الثالثه وهم نكرر الخطوه

بنحصل على هالشكل ( لاحظو اني شلت العين من اول 4 طبقات من فوق وخليتها بس على اول طبقتين من تحت لاني بشتغل عليهم )



يتبع ...