من اساسيات اطباق رمضان عندنا هو الهريس والجريس
وقدمت لكم الهريس في موضوع سابق
http://forum.hawaaworld.com/showthread.php?t=972697
وطبقنا اليوم عن الجريش الكويتي
المقادير :
2 كاس جريش
قطعة صدر دجاج
1 بصله وسط مفرومه
2 طماط مفروم
1 علبة معجون طماط
ربع كاس زيت
ملح وكركم وكمون
الطريقه :
ينقع الجريش لمدة ساعه
وبعدها تحضرين باقي المقادير ... ثم نضع الدجاج والبصل على النار حتى يطلع ماء الدجاج وينشف ... نضيف الزيت ونقلب ... ثم نظيف الطماط ... وبعدها المعجون ... ويقلب على نار متوسطه ... مع الكركم والكمون
نضيف الجريش بعد تصفيته ...ونقلب فيه مع الخليط ... ثم نضيف الماء الساخن ... ونخلي الجريش يطبخ مع الدجاج .... حتى ينشف مائه وتستوي حبة الجريش...
بعدها نخلي الجريش على نار هاديه ونقلب فيه بالمضرب بين الوقت والاخر وراح نشوف ان الدجاج راح يتفتت بالمضرب بالشكل هذا
اخر ربع ساعه نضيف الكمون ... ونقلب فيه ..
يقدم بعدها وعليه زبده سائحه
وطبعا ممكن نسوي عليه الحشو وهو عباره عن : بصله مفرومه ... مع الليمون الاسود الناعم والقليل من الزبده او الدهن العداني
وان شاء الله يعجبكم
:42:
ام عزيزان @am_aazyzan
فنانة عالم حواء
يلزم عليك تسجيل الدخول أولًا لكتابة تعليق.
ياعينى ياسلام شنهوووووووووو هذى الروعه الريحه دوخت راسى من حلوتها كان من المفروض تطرشيلى صحن يا ام عزيزان
المره الجايه سوى احسابى
المره الجايه سوى احسابى
حيا الله الكويت كلها بصراحه شكله لذيييييذ
بس جريشنا غير عنكم حنا ابيض ومعاه لبن اوحليب اوزبادي يعني اي شي ان شاء الله اجربه مشكوره
بس جريشنا غير عنكم حنا ابيض ومعاه لبن اوحليب اوزبادي يعني اي شي ان شاء الله اجربه مشكوره
الصفحة الأخيرة
وافضل جريش هو الجريش الكويتي من المطاحن الكويتيه