24-08-1428 هـ, 07:13 مساءً
ـالسلام عليكم ورحمة الله وبركاتهـ

أدري أننا كلنا مانبي العرس .. بس الشكوى لله
<<من جنبها كككك




لاتحسبين العرس توفـي وكتكـات ....
ولا تحسبينـه تويـكـس والا بونـتـي
ولا تحسبين العرس كيكة وطرطـات ....
وصلـة قطعتيهـا ووصـلـة بلعـتـي
ولاتحسبين العرس تصفيق واصوات ....
وانت علـى صـوت الغطاريـف همتـي
ولاتحسبين العرس كوشـة ولمبـات....
وانـت كمـا الطـاووس فيهـا جلستـي
ولاتحسبين العرس احلام في الشات ....
يـامـا بنيتيـهـا ويـامـا هـدمـتـي
ولا تحسبين العرس روحة وجيـات ....
هيـا اقضبـي بيتـك عسـى مانهبلتـي
ليلة سعيدة وانت احلـى الجميـلات ....
تشخـص عيـون النـاس اذا حضرتـي
(واللاينر)حطيـه بــلا زيــادات ....
لا يـخـرب المكـيـاج اذا دمـعـتـي
(والمسكرة)تحتاج لطـف ومـدارات ....
حتـى يـبـان الـزيـن اذا رمشـتـي
(والاسبريه )رشيه حتى البصيـلات ....
يمسك شعـرك زيـن لـو كـان زدتـي
وترى(المحدد)فن يحتـاج رسمـات ....
يبـان رسمـه زيــن اذا ابتسمـتـي
العـرس يابنيـة ماهـو شعـارات ....
تفنـى مراسيـمـه وتبقـيـن انـتـي
ويبقى شريك العمر راعي الطويلات ....
هـذا هـو العـرس حقيقـه عرفـتـي؟
اول نصيحة لـك حفـظ الصلـوات ....
صلي العشـا والفجـر فـي كـل وقـتِ
وفي ليلة العرس الموفـق بالـذات ....
ادعـــي الـكـريـم إذا سـجـدتـي
والتعري لاترضين عند الكوفيـرات ....
ولبسـك يملـى العـيـن اذا لبسـتـي
واللي على زوجك تحرضك مـرات ....
ارجـوك شوتيهـا شـوتـت بلنـتـي
والصبر في العشرة حتى على فتات ....
ياماحـلا فعلـتـك يـومـك صبـرتـي
واذا حفظت السـر مـع المـدارات ....
زوجـك تـرى فـي عيونـه كبـرتـي
والسوق يعني هاه وقت الضرورات ....
والاتـرى زوجــك يــدور لمفـتـي
زيدي الغطاية وكثري في العبايـات ....
والله يـرضـى عـنـك اذا ستـرتـي
اوصيك بالكبسـة وكثـر اليدامـات ....
حتـى لوانـك مـن سببـهـا متنـتـي
وخلي الرجيم اللي فشلتي فيه مرات ....
سـويـه مــرة واحــدة لا ولـدتـي




صح لسـاني << وأنتي شدخلك


بهالمناسبه بقول لكم سالفه


أذكر وحده من بنات المتـوسـط ,,

تقول ياربي متى أعرس ؟!!

قلت ليش وش عندك مستعجله توك صغيره .؟

.. قالت لااااا ,, أبي أعرس علشان شيئين ..


أبي أركب قدام بالسياره


وأبي أشبع ببسـي ككككككـ
24-08-1428 هـ, 09:45 مساءً
هههههههههههههههههههههههههههههه ه
قال ايش قال تبي تركب قدام وتبي تشرب بيبسي خخخخخخخخخخخخخخخخخخخخخخ
{..: )~

ابتسـم
24-08-1428 هـ, 10:25 مساءً
هههههههههههه

رهيبه الله يقطع بليسك
اما هذي تبي من يغرمه عليه

وانـت كمـا الطـاووس فيهـا جلستـي>>
25-08-1428 هـ, 01:31 صباحاً
لاتحسبين العرس توفـي وكتكـات ....
ولا تحسبينـه تويـكـس والا بونـتـي

_________________________

حسبي الله على بليسك شهيتيني والبقالة مصكرة


لن نعدم خيرَا من ربٍ يضحك :”“)
26-08-1428 هـ, 03:19 صباحاً
هههههههههههههههههههههههههههههه
26-08-1428 هـ, 07:00 مساءً
اسعدتوني بـ ردودكم
وان شاء الله دايم ااضحكم
مـــا عدمتكم
مــيــمــو


الساعة الآن 05:47 .

جميع الحقوق محفوظة - عالم حواء - 2015