تعالوا نقرا تجربتي في انزال 12 كيلو :)

الله يمدك بصحه والعافيه يارب بس وين التجربه للانقاص

الله يعطيج العافيه والصحه .....


بس وين التجربه :)

التكملة

وشاءت الاقدار وقررت اني اضعف لكن هذي المررررررره برجيمي انا يعني مافي جدول بيقيدني وما في برنامج امشي عليه بحذافيره ..... خلونا بنات صريحات مع انفسنا شوي
كل وحده فينا وبدووون مخادعة انفسنا تعرف ما سبب زياااادة وزنها وشو الاكلات اللي اتسمن جسمها
وبلاش كل ما اندش موضوع عن رجيمات اتليقفنا وقرينا وفي قرارة انفسنا نعرف شو الصح وشو الغلط
وانا وحده منكن اول شي نحن ناكل مثل ما ياكل غيرنا:f226::f226:
لكن انزيد الكمية شوي بدون ما انحس او انحس لكن انطوف الموضوع ناكل بين الوجبات بعنى نتبهنس شوي شوي عيالنا ما خلصوا الصحن انساعدهم شوي بانه ناكل معاهم واخيرا وجبة العشا نأخر العشا او ناكلها جدام التلفزيون يكون طعمها احلى صح ؟؟؟؟ :rolleyes:


فأول شي اتسوينه انج تقررين برنامج بنفسج وما تحرمين نفسج من اي شي مهما كان لكن بحدود يعني تتريقين الصبح سنويشين غير عن يوم تتريقين نص سندويش بس شو في النهاية انتي كلتي صح وما حرمتي نفسج ونفس الشي الغدا كلي اللي تاكلينه كل يوم لكن ها شو قلنا حددي الكمية وانتي ادرى شو الكمية اللي خلت وزنج يزيد وشو الكمية اللي انتي مجبورة انج تاكلينها بس في النهايه كلتي :) واخيرا العشا بقدر الامكان يكون قبل الساعة سبع حتى ترقدين وانتي خفيفة مب عشان ترقدين وانتي محرومه بس مجرد انج اتغيرين افكارج اللي ودتنا قبل في داهيه ( اذكر قبل اذا رقدت وما اتعشيت ازعل خخخخخ ) واهم شي فوووق هذا كله امشي عزيزتي نعم امشي مب عشان الضعف ولا عشان الرجيم عشان صحتج شو احسن من الصحة فكري انه غيرج الله ابتلاهم بأمراض اللهم عافنا ما يقدرون يمشون او يمارسون اي رساضه لسبب او لأخر لكن انتي تقدرين لكن ها انا ما اقولج امشي ساعه او ساعه الا ربع لالا امشي من 20 الى 30 دقيقة بس تكفي المهم انتي حركتي جسمج اللي صارله فتره ما اتحرك وكله يخزن هذي الدهون اللي ودتنا في داهية :09:

عزيزتي المسأله شفتها سهلة جدا وحسبتها انا شو اريد في النهاية جسم انا اتقبله مهما كان ابغي احس اني انسانة عاديه:heart:

اهم شي شوفي انتي كم كيلو تبين تنقصين في الاسبوع هل من المعقول بتقولين 5؟؟؟؟؟ خلونا واقعيين ليش 5 ونحن نعرف انه لو سويناها بنردها دبل عن تجربتي وتجربة كثيييير من الاخوات ليش ما انخليها 2 مثلا والشهر فيه 4 اسابيع يعني 8 كيلو بالشهر شو احلى من هذا يعني 16 كيلو بالشهرين بعداربع اشهر بيكون 32كيلو نزلتي واو شو احسن من هذا الرجيم انا ما احرم نفسي وفي نفس الوقت بعد اربع اشهر وصلت الوزن المطلوب صح كلامي ولا انا غلطانه

انا اخواتي وبكل صراحة الى اليوم نزلت 12 كيلو في شهر ونصف على هذي القناعة وكنت اتمنى انكم تستفيدون من تجربتي الشخصية والحين وزني 95 الحمدلله وهدفي 32 كيلو بأربع شهور وانا بصحه وسعادة :icon28:

اتمنى اتمنى من كل قلبي كل وحده عانت مثل ما عانيت انها تفكر بنفس الطريقة
واتمنى الصحة والسعادة للجميع :26::2thmup::icon35:

كملي ياقلبي برد ثاني متابعينك

والله كلامك عين العقل يالغاليه

مشكلتنا نستعجل النتايج <<< دايم تنقالي هالكلمه :)

انا من خلال تخبطاتي الرجيميه جلست مع نفسي شوي

وفكرت بنفس تفكيرك ليش نحرم انفسنا من الاكل برجيمات انتحاريه واذا ماجاب نتيجه حطينا حرتنا بالاكل ورجعنا اللي نقصناه وزياده عليه

الحل بتقليل الكميات مع وجود اكل صحي وشويه حركه بتصير اجسامنا ولا احلى


مشكوره ياقمر على ذكر تجربتك وياليت الكل يستفيد منها