السعودية - الرياض
مدرس انجلش
مدرس حاصل على الCELTAجامعة ثانوى متوسط -منهج امريكى
              

السعودية - الرياض
مدرس انجلش
مدرس حاصل على الCELTAجامعة ثانوى متوسط -منهج امريكى
قديم 13-08-1428 هـ, 05:49 مساءً   #1
أم البنوته الحلوه

عضوة نشيطة
 
تاريخ التسجيل: 22-04-1427 هـ
المشاركات: 333



غسالة الصحون اريستون بالصور ( تجديد الصور )[ لايوجد صور ]

السلام عليكم .. بناء على طلب اختي كيفي مزاجي اعاده تنزيل الصور لموضوع غسالة الصحون اريستون ..
وهذا رابط الموضوع الأصلي مع الردود المفيده باذن الله ..

http://forum.hawaaworld.com/showthre...729122#Scene_1
ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــ

حياكم الله ... نورتوا موضوعي بدخولكم ..

هذا الموضوع اقتراح من الأخت الغاليه بريداويه .. وبيكون عن غسالة اريستون بالتفصيل وان شاااء الله اني ماانسى شيء ...

1. بالنسبه للغساله اول ماتوصلك لازم تركبي خرطوم التصريف بعلو ( 40 إلى 100 سم ) مايكون اقل او أعلى .. وإلا بيبقى في الغساله مويه ماتتصرف وماتنشف الصحون تماااام
وهذي الصوره من الكتالوج للتوضيح :




ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ـــــــــــــ

2. الأزرار على الغساله :



رقم1 لتشغيل واطفاء الغساله
رقم2 لمبه (مصباح انذار) خاص بالملح اذا نوَر يعني اضيفي ملح للغساله
وهذا مكان الملح



فكي غطاء خزان الملح وحطي المحقان داخل فتحة الخزان وعبي الملح حتى يمتلي " وبيكون فيه مويه اول ماتفتحي الغطاء عادي عبيه حتى يمتلي " وقفلي الغطاء ..

رقم3 زر الغسيل الشديد
رقم4 هذا اذا غسيلك مو كثير تجمعيهم في السله العليا واللي تحت تتركيها فاضيه وتختاري الغسيل اللي تبين وتضغطي هذا الزر رقم4 " على الغسالة مكتوب عليه "2/1" بيغسل الصحون اللي فوق فقط ..

ــــــــــــــــــــــــــــــ ـــــــــــــ
نجي للغسيل واختياره وكمية الصابون :
اولا مكان الصابون والملمع:



اذا تستخدمي الصابون المكعبات " لاانصح فيه ماينظف زين" حطي المكعب في الحجره رقم1 "الكبيره"
اذا تستخدمي البودره على حسب الغسيل بتكون كميته ومكانه وبيجي بالتفصيل مع كل غسيل :

هذي صورة مؤقت الغسيل واختياره :





رقم 1 زر الغسيل العادي : يغسل مرتين بمويه بارده وبعدها بمويه حاره55درجه ويشطف وينشف
كمية الصابون : تملي الحجرة الكبيره ونصف الصغيره ..
وممكن تختاري الغسيل هذا وتضغطي زر pulse اللي على يسار الغساله هذا للغسيل الشديد للصحون كثيرة الاتساخ بيزيد دورات الغسيل ..

رقم 2 زر الغسيل الخفيف :يغسل مره بمويه بارده وبعدها بمويه حاره 55درجه ويشطف وينشف
كمية الصابون : تملي الحجرة الكبيره فقط ..

رقم3 زر تنظيف الزجاج : ميزته انه سريع ويستخدم للأواني الحساسه "الزجاج" اللي مايتحمل درجة حراره عاليه يغسل مره وحده بمويه ساخنه50درجه ويشطف وينشف
كمية الصابون : الحجرة الكبيره اقل من مليها بشويه ..

رقم4 للشطف والتنشيف فقط : مايحتاج صابون .. فقط ملمع

رقم5 غسيل سريع واقتصادي للصحون قليلة الاتساخ وبعد استخدامها مباشره ، يغسل مره واحده 55درجه ويشطف وينشف .. ( وهذا اللي استخدمه دايما وماياخذ نص ساعه وتنظيفه جدا رائع )
كمية الصابون: الحجرة الكبيره اقل من مليها بشويه

رقم6 نقع الصحون اذا عندك صحون تنتظريها حطي الصحون اللي عندك داخل الغساله واختاري النقع يغسلها بمويه بارده بس حتى ماينشف أثار الأكل عليها حتى تكملي صحونك وتختاري غسيل ..
كمية الصابون : مايحتاج صابون ولايحتاج ملمع
ــــــــــــــــــــــــــــــ ــــــــــــــــــ

بالنسبه لعمل المؤقت وكيفية تشغيله : مثل ماهو واضح بالصوره باتجاه السهم تحركي المؤقت وتوقفي على الغسيل اللي تبيه وتضغطي زر التشغيل بيبدأ الغسيل وبتلاحظي المؤقت بيدور شوي شوي ولما يخلص من الغسيل والشطف والتنشيف بيوقف عند أحد علامات الوقوف" على الصوره عليها دائره وحرف S" يعني ان دورة الغسيل خلصت قفلي زر التشغيل وافتحي الغساله ..
مثال: لو اخترتي الغسيل العادي "رقم 1"بتدوري المؤقت عليه وبعدها هو بيدور حتى يوصل علامة الوقوف S اللي تسبق رقم5 .. يعني انتهت وافتحيها ..
ولو اخترتي الغسيل 5 بيدور المؤقت لعلامة الوقوف S اللي قبل رقم6 ..

ــــــــــــــــــــــــــــــ ــــــــــــــــــ
بالنسبه للملمع :

كل غسلتين او ثلاث حطي الملمع داخل الفتحه حتى تمتلي وانتبهي لايطلع من الملمع شيء برا .
بتلاحظي مثل المؤقت او الساعه داخل الدائره عليها ارقام من1 إلى6 هذا حتى تضبطي درجة التلميع بالعاده يكون4افضل شيء لكن حتى تعرفي جربي اذا صحونك بعد التنظيف يطلع عليها بقع مويه او قطرات مويه يعني زيدي درجة التلميع باتجاه الرقم الكبير
اذا لاحظتي عليها خطوط بيضاء يعني قللي من درجة التلميع باتجاه الأرقام الصغيره ..
انا بعد تجربتي أفضل شيء على 4 ...

ترتيب الصحون داخل الغساله :
السله العليا دايما فيها الأشياء الحساسه والخفيفه :الكاسات، فناجين القهوه والشاي وصحونها ،الصحون اللي مالها عمق ..
وعلى الرف الأخضر السكاكين الكبيره والمغارف وملاعق الخشب اللي تحركي فيها الأكل ..

السله السفلى : القدور، المقالي ، الصحون العميقه

وفيه سله للملاعق والشوك

ــــــــــــــــــــــــــــــ ــــــــــــــــــ

أتمنى اكون افدتكم واي سؤال انا حاضره

،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،

ملاحظة ::: هذي صورة الملمع والصابون .. للأسف الملح مالقيته في السوبرماركت هالأيام .. وانا استخدم الغسالة بدون ملح وتنظيفها رائع لذلك بستغني عنه ..
الملمع ماركه فانيش ايضا منقطع له فتره واستخدمت كذا نوع لكن اللي في الصوره افضل نوع جربته بعد فانيش ..


،،،،،،،،،،،،،،،،،،،،،،،

اي سؤال انا في الخدمه خواتي ..

السعودية - الرياض
مدرس انجلش
مدرس حاصل على الCELTAجامعة ثانوى متوسط -منهج امريكى


أم البنوته الحلوه غير متواجد حالياً إرسال الموضوع إلى الفيس بوك إرسال الموضوع إلى تويتر


قديم 13-08-1428 هـ, 06:08 مساءً   #2
صهيل الخيل

محررة ذهبية
 
تاريخ التسجيل: 02-04-1427 هـ
المشاركات: 4,090


شكرا يعطيك الف عافيه
توني ادري ان الفلتر ينظف
من3شهور شاريتها ولاعمري فكيته
رحت فكيته تو مالقيت شئ
نظيف
مافيه الا قشامتين فصفص!!!!!!!
ليش اجل أنظفه باستمرار؟؟؟؟
تراني استفدت من موضوعك ودعيت لك
الله يخلي لك احبابك

والملمع فانيش لقيته في هايبر بنده
والملح مهم
يطول عمر الغساله
لانه يمنع التكلسات
وملح سوملت رخيص ب7ريال
أحسن من فانيش22ريال



لو كنت متوكلاً عليه حق التوكل لما قلقت للمستقبل، ولو كنت واثقاً من رحمته تمام الثقة لما يئست من الفرج، ولو كنت موقناً بحكمته كل اليقين لما عتبت عليه في قضائه وقدره، ولو كنت مطمئناً إلى عدالته بالغ الاطمئنان لما شككت في نهاية الظالمين
صهيل الخيل غير متواجد حالياً

قديم 13-08-1428 هـ, 06:52 مساءً   #3
كيفي..مزاجي

عضوة فعالة
 
تاريخ التسجيل: 27-04-1428 هـ
المشاركات: 537


والله ماادري شقول لك يالغاليه

من جد فرجتي عني الله يفرج عنك...

ويسعدك ويخلي لك البنوته الحلوه يارب...

.............................. ....

بس عندي سؤال...

<<<<<ماراح تخلصين منها ابد

الصابون اللي تستخدمينه...مسحوق والا سائل؟؟؟وايهم افضل



أستغفر الله العلي العظيم وأتوب اليه
كيفي..مزاجي غير متواجد حالياً

قديم 13-08-1428 هـ, 08:29 مساءً   #4
أم البنوته الحلوه

عضوة نشيطة
 
تاريخ التسجيل: 22-04-1427 هـ
المشاركات: 333



هلا اختي صهيل الخيل .. الله يسلمك ويجزاك خير على الدعوه
فعلا احتمال الملح مثل ماقلتي يطول عمر الغساله اجل بروح اجيبه احسن .. شكرا لك

بالنسبه لتنظيف الفلتر انا احيانا بعد كم غسله وعلى حسب الغسيل طبعا تطلع لي الصحون وعليها قطع صابون بودره ولما افتح الفلتر اشوفها حوله ولما انطفه ترجع تنظف لي مضبوووط ...

اختي كيفي مزاجي عسى لقيتي اللي يفيدك في الموضوع اختي انا استخدم الصابون البودره ولاجربت السايل .. ومدري اذا فيه سايل او لا .. بس على كلامهم في الكتالوج يقولون الصابون اما بودره او مكعبات والملمع هو اللي سايل .. فما اقدر افيدك بهالسؤال لأني ماجربته ..
مشكوره والله يجزاك خير على الدعوه الحلوه ...

واي سؤال انا في الخدمه يالغاليات



أم البنوته الحلوه غير متواجد حالياً

قديم 14-08-1428 هـ, 12:28 صباحاً   #5
salan

محررة ماسية
 
الصورة الرمزية salan
 
تاريخ التسجيل: 04-07-1423 هـ
المشاركات: 5,240


الله يعطيك العافيه



الله يرحمك ياأمي

ويسكنك فسيح جناته
salan غير متواجد حالياً

قديم 14-08-1428 هـ, 12:33 مساءً   #6
أم البنوته الحلوه

عضوة نشيطة
 
تاريخ التسجيل: 22-04-1427 هـ
المشاركات: 333



الله يعافيك اختي salan


أم البنوته الحلوه غير متواجد حالياً

قديم 15-08-1428 هـ, 03:12 مساءً   #7
كيفي..مزاجي

عضوة فعالة
 
تاريخ التسجيل: 27-04-1428 هـ
المشاركات: 537



خلااااااااااااااااص الحين ودعت المواعين

الله يوفقك اختي ام البنوته الحلوه

ابشرك ظبطت غسالتنا

تدرين وين صارت المشكله؟؟؟

الخرطوم اللي يصرف الماء كان نازم بمستوى الغساله

علشان كذا المويه تبقى....

قمنا رفعناه...

والحمدلله بعدها ماصارت المويه تنقع بالغساله...

ورحنا اشترينا صابون خاص بالغسالات(مسحوق)بس ماحصلنا فنش....

واشترينا ملمع من فنش....

وعبيناهم بالغساله..بناء على شرحك

والحمدلله الوضع عااااااااااااااااااال العاااااااااااااااااال

بس الملح ماحصلته...

بليز يالغاليه اذا عندك صورته علشان ادور مثله سواء فنش والا غيره....


والفففففففففففففففففف مليوووووووووووون شكر يالغاليه

الله يوفقك ويصلح لك البنوته الحلوه وتشوفيها عروس يارب....

عقبال ماتظبطين غساله المواعين في بيت البنوته الحلوه وهي عروس ومبسوطه يارب



كيفي..مزاجي غير متواجد حالياً

قديم 15-08-1428 هـ, 05:36 مساءً   #8
أم البنوته الحلوه

عضوة نشيطة
 
تاريخ التسجيل: 22-04-1427 هـ
المشاركات: 333



الله يبشرك بالخير اختي كيفي مزاجي .. تتهنين فيها يااارب ..
غاليتي الملح له فتره منقطع وادور عليه من فتره بس اختي صهيل الخيل تقول ملح ماركة سوملت ارخص ومتوفر ..
اتوقع يكون موجود في التميمي / كارفور / هايبر بنده وباذن الله اذا جبته بحط صورته ..

الله يسلمك على الدعوه الحلوه والله يوفقك ويسخر لك يااارب ويرزقك ماتتمنين

واي سؤال خواتي الغاليات انا حاضره باذن الله .. ياما استفدت منكم واتمنى اقدر ارجع لكم شويه من جمايلكم ..


أم البنوته الحلوه غير متواجد حالياً

قديم 16-08-1428 هـ, 08:38 صباحاً   #9
أم علولي

عضوة
 
تاريخ التسجيل: 17-12-1425 هـ
المشاركات: 184


مشكوره لاهنتي




أم علولي غير متواجد حالياً

قديم 16-08-1428 هـ, 06:59 مساءً   #10
ملك2008

محررة
 
الصورة الرمزية ملك2008
 
تاريخ التسجيل: 18-06-1428 هـ
المشاركات: 1,071


الله يعطيكي العافيه




ملك2008 غير متواجد حالياً

موضوع مغلق







أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع

المواضيع المشابهة (العرض التجريبي)
الموضوع كاتب الموضوع المنتدى مشاركات آخر مشاركة
شوفوا غسالة الصحون حقتي>>>>وأخيرا لقيت المنظفات >>لبنات جده أنــا - نــجــو الأجهزة المنزلية والمشتريات 58 04-07-1433 هـ 10:27 صباحاً
احلى صور ورد مضيئه من الطبيعه الساحره - ازهار بدقه عاليه 2012 Flowers Wallpapers .JPG سلمى سليمان الهرم قسم الصور و التصوير 4 17-12-1432 هـ 11:30 مساءً
الى عشاق الانمي صور انمي رومانسيه وحزينه وبريئه Jewellry Anime Wallpaper 2012 .JPG سلمى سليمان الهرم قسم الصور و التصوير 0 24-11-1432 هـ 05:31 مساءً
هل أنت من عشاق أبداعات الصور ..أليك 4 تشكيلات من الصور الابداعيه 2012 Creative . JPG سلمى سليمان الهرم قسم الصور و التصوير 0 14-11-1432 هـ 10:44 صباحاً
الى عشاق الطبيعه المذهله واللذي لا توصف ولكن أتحداك تقدر تقاوم جمال الصور سلمى سليمان الهرم قسم الصور و التصوير 3 12-11-1432 هـ 02:39 مساءً


الساعة الآن 10:29 .


شات عالم حواء
تابعونا على Google+
تابعونا على instagram
تابعونا على twitter
تابعونا على Facebook