13-08-1428 هـ, 02:39 صباحاً
بسم الله الحمن الرحيم
اخواتي في هذا المنتدى المبارك ان شاءالله اليوم ابو العيال شاري كراتين تمر فيها رطب وفيها متمر
نقيتها وعزلتها وحطيت الرطب في علب كرتون للفيزر والمتمر خليته مكشوف علشان يجف ثم يكنز في اكياس
المهم اللي جاء على بالي ليش ماناخذ افكار ونتبادلها نفيد ونستفيد
احس اني طولتها وهي قصيره لاتزعلون علي
ارجو الفائده للجميع .............



الشهر عليكم مبارك .... جعلنا الله من صوامه وقوامه




http://www.no4denmark.com/ar/

تفضلي بزيارة الرابط ,
13-08-1428 هـ, 02:56 صباحاً
الرطب ما ينحط بكراتين
تحطينه بعلب بلاستيك وتسكرين الحواف بلزق بلاستيك
حتى ما تدخله الرطوبه ويتغير وعلى الفريزر على طول

السكري اليبيس بعلب بلاستيك من غير ما تختمين الأطراف ويفرز

المكنوز بالفريزر اذا كنت ما احتاجه قريب واذا فتحت الكيس خليته برا

بس عندي سؤال
وشلون تكنزين التمر
اذكر خالة زوجي عطتني مكنوز بالشمر يهبل ودي اعرف طريقته

لا إله إلا انت سبحانك إني كنت من الظالمين
لا إله إلا انت سبحانك إني كنت من الظالمين
لا إله إلا انت سبحانك إني كنت من الظالمين

ما دعى به مهموم ولا مغموم ولا مكروب ولا مديون ثلاث مرات الا استجيب له
(رواه الديلمي عن عبدالرحمن بن عوف)
13-08-1428 هـ, 01:03 مساءً
هلا والله وغلا اختي ذكريات الامس فرحت مرررررررررررررررررررره بردك جزاك الله الف خير اما بالنسبه لاستفسارك عن الكنز اباسال الوالد الله يحفظه او اللي عندها معلومات من بنات المنتدى تفيدنا جعله في موازين اعمالها الكل مايقصرون الله يديم علينا هالتعاون




http://www.no4denmark.com/ar/

تفضلي بزيارة الرابط ,
13-08-1428 هـ, 01:44 مساءً
السلام عليكم ،
الموضوع حلو وشيق لانه يفيد ولا عاد نعتمد على
المصانع في التمر لان المعيشة كل ما لها وتغلى ،
المهم انا عندي بعض اساسيات الكنز،
يعني اول شي تسوينه تغسلين التمر بعد ما يكون يابس
بس مو يابس مرره يعني شوي بحيث ما يتعفص او ما يخرب ويكون بعد منسق
يعني تشلين الخربان اللي ما يصلح للاكل وتشلين القمع حق التمره
اللي يجي فوقها اكيد تعرفونه عشان يطلع ولا احلى هذا كله قبل الغسل
بعدين تخلينه شوي يجف تحطينه مثلا على مناشف مفروشه على طاوله او اي شي تكون بعيده عن الارض
بعدين تحطينه باكياس نايلون قويه شوي
بعدين تحطين مقدار من الماء عليه على حسب الكيس اللي انتي مختاره وغالبا الماء ما يتعدى البياله واقل بعد وقلت لك على حسب الكيس
وفيه ناس تحط بعض النكهات مثل : الينسون وغيره...
بس بعدين تخلينه شوي وتربطينه برباط يكون قوي هذا اللي يجي بلاستيك يبيعونه في المحلات ما اعرف وش اسمه
بعدين تجيبين صندوق حديد يكفي كمية الاكياس حقت التمر
بعدين تحطين باخر الصندوق سماط او سفره بلاستيك
ويفضل يكون قوي لانه راح ينزل عليه الدبس حق التمر
بعدين تصفين الاكياس وتكون متخولفه يعني متعاكسة عشان ما يطلع جبال< ان شاء الله انكم فهموتو هذي
طبعا الصف يكون افقي
بعدين تحطين عليه ثقل اذا طبعا خلصتي من الصف ،...الثقل لازم يكون ثقيييل مررره بس ما يخرب التمر
يعني يكون موزون عليه بعدين تقريبا كل اسبوع تقلبينه لحد ما يزين ويطلع الدبس حقه ويطلع كنيز،
وبعد كذا خلاص تحفظينه بالفريزر وتاخذين منه قد حاجتك كيس مثلا عاد على حسب بس لازم اذا
دخلتيه الفريز تطلعينه قبل بفترة اذا احتجتيه
بعدين تاكلونه بالهناء والعافية ، وصحة على قلوبكم ،
مشكووووورة اختي على الموضوع ، وجعلها الله في موازين حسناتك،
بس هذا اللي عندي اتمنى اني افدتكم ،
بغيت انسى لازم تجربين على كمية بسيطة عشان ما يخرب التمر عليك وتروحين فيها لان التمر غالي
يعني سوي على قد كيس مثلا لانه يمكن يعفن من كثر المويه او يكون يابس اذا المويه شويه ،
لا تنسوني من صالح دعائكم ،
13-08-1428 هـ, 02:15 مساءً
Merci(ميغسي) شكرا

13-08-1428 هـ, 03:04 مساءً
لا شكر على واجب
واجبنا نساعد بعض في اللي نقدر عليه
واي سؤال راح اجاوب عليه معليش الموضوع للنقاش والا
13-08-1428 هـ, 03:19 مساءً
جايتكم ياللي تبون طريقه مضمونه للتخزين




http://www.no4denmark.com/ar/

تفضلي بزيارة الرابط ,
13-08-1428 هـ, 05:35 مساءً
اااااااااااااب
15-08-1428 هـ, 10:31 صباحاً
الله يعطيكم العافيه طرق رائعه
15-08-1428 هـ, 02:37 مساءً
الموضوع حلو ويمكن هالموضوع يفيدكم
طريقة عمل التمر بالبيت
http://forum.hawaaworld.com/showthread.php?t=966551
اتمنى ان الرابط شغال


الساعة الآن 06:58 .

جميع الحقوق محفوظة - عالم حواء - 2015