ألف حمد وشكر لك يااااااارب..نجحت العمليه ...

مراااااااحب بناااااات كيفكم؟؟
حبيت أقول لكم قصتي:)أنا حللت أمس ولله الحمد والمنه طلعت حاااااااامل(حقن مجهري)
أبقول لكم قصتي بالتفصييييييييييييل عاد الله يعينكم تحملوا الهذر الواجد.........
كتبت عن يوم السحب موضوع (رحلتي في عالم الحقن المجهري)واليوم راح أكتب من الترجيع حتى موعد التحليل الترجيع كان يوم السبت قبل أسبوعين في التخصصي الطبي في الرياض رحت الساعه8وعلى بال مايسوون الإجراءات صارت9حطوني في غرفه غيرت ملابسي وانتظرت شوي بعدين نزلوني تحت دخلت العمليات تقريبا"الساعه 10وربع الدكتوره طالبة لي بنج كاااااااامل لأنها عااااارفتني دلوعه وقلق لازم ترتاح وهي تسوي العمليه..طبيب البنج قال عادة" هذي بدون بنج بس أنتي أكيد خوافه حط البنج وطبعا" أنا رحت فيها...صح قبل البنج جاني مسؤول المختبر وقال لي إن الأجنه ولله الحمد وضعهم ممتاز هم كانوا ساحبين10بويضات ورجعوا لي 3..المهم أذكر إني صحيت الساعه11 والحمدلله كل شي خالص طلعوني غرفتي وقالت الدكتوره اربع ساعات لا تتحركين بعدين عادي أنا الحمدلله كنت رايحه دورة المياه قبل وقعدت أربع ساعات ورحت دورة المياه بعدين رجعت تبطحت أقصد إنسدحت ساعتين وطلعنا وبيتي الحمدلله مرررررره قريب من المستشفى..على طول رحت وريحت هذا كان يوم السبت ماأسوي شي أبدا" حتى الصلاة وأنا قاعده لأن كنت أحس بمغص وإنتفاخ ومن اليوم الرابع ملييييييييت من القعده طلعت لأهلي عشان النفسيه تزيييييييين وبعده رحت لأم زوجي يعني صرت أطلع عادي بس ماأجهد نفسي أبدا" سادس يوم من الترجيع كان يوم الجمعه موعد دورتي ماجت الحمدلله بس كان ألم فظييييييييييييع أسفل ظهري مو ألم دوره(قريت بعدين إن سادس يوم من الترجيع يكون هو يوم إنغراس البويضه الملقحه في الرحم)وكان الألم يتردد يجي ويرووووووح وإنتظرت اليوم الرابع عشر عشان أسوي التحليل رحت وسويييييييييييييته وطلعت النتيجه بعد نص ساعه يااللللللللللله لك الحمد كما ينبغي لجلال وجهك وعظيم سلطاااااااااانك..الأعراض إللي خلتني أحس إني حامل قبل التحليل طبعا" ألم الظهر ونغزات في البطن تجي وتروح...
بنات أنا كنت موووووووقنه بتوفيق الله وكنت أدعي وأنا واثقه من الإستجابه كنت أحط التحاميل وأنا أقول مو هي إللي راح تثبت لي ألله هو إللي يثبتها بأمره وكنت دايم أحط يدي على بطني وأقول أستودعكم الله الذي لا تضيع وداااااائعه والإستغفار طول الوقت والذكر طووووول الوقت وأهم الشي الصدقه أحسها نفعت كنت أبي أتصدق بس ماأعرف أحد ولا أبغى أحد يدري حتى زوجي :arb:وش سويت!!!
كنت أرسل يوميا" مسج للرقم5060لدعم مرضى الفشل الكلوي الرساله ب10 ريال هذي أسهل طريقه والحمدلله تحقق الحلم...تعبت من الكتابه:09: وإللي عندها سؤال لا تتردد.....واعذروني عالإطاله:)