السعودية - جميع دول الخليج
كتاب نكهة الاطباق
كتاب طبخ المبدعات وصفات شهية ومقادير مضبوطة وصور دقيقة 18قسما منوعا
              

السعودية - جميع دول الخليج
كتاب نكهة الاطباق
كتاب طبخ المبدعات وصفات شهية ومقادير مضبوطة وصور دقيقة 18قسما منوعا
إضافة رد
 
أدوات الموضوع انواع عرض الموضوع
قديم 25-07-1428 هـ, 10:38 صباحاً   #1
@بنت-القصيم@

محررة
 
الصورة الرمزية @بنت-القصيم@
 
تاريخ التسجيل: 24-01-1428 هـ
المشاركات: 1,990

مميزه 8-1428هـ
مميزه  8-1428هـ


Talking مرجع لكل شيء يوكل و يشرب يبيض ويجمل البشرة والشعر تفضلوا



بسم الله الرحمن الرحيم


السلام عليكم ورحمة الله وبركاته ....


اكيد كل وحدة تدور على الجمال بس فينا مشكلة وترى حجم المشكلة كبيرة لانها متفشية بشكل عجيب تدرون وش هي








العجز والكسل هذا اللي ذبحنا






علشان كذا خلونا نخلي هذا الموضوع خاص لكل شيء يبيض أو يجمل البشرة سواء كان يوكل او يشرب او يبلع اقصد حبوب أو كبسولات ....


المهم إننا نجمعها في هذا الموضوع ويكون مرجع لنا ونبي تعاون ونبي أشياء طبيعية فهمتوا ما نبي حبوب وابر التبييض وخرابيط فاضيه ...



راح ابدأ أنا باللي أعرفه واللي جمعته ......



سمعت عن :


الزعفران ( شرب ) يبيض ما ادري كيف طريقته ؟ بس أتوقع يخلط مع حليب

حليب النوق ( شرب ) يبيض بس انتبهوا لازم نظيف ومن مكان تعرفونه

سمن الغنم ( شرب ويكون مع حليب أو عصير ) يبيض بس انتبهوا لازم نظيف ومن مكان تعرفونه

حليب طازج مع سكر ( شرب على الريق ) يبيض ويورد الخدود

ماء دافئ مع ليمون ( شرب على الريق ) يصفي الوجه والعين لأنه ينظف الكبد والكلى وهذا الشيء يبين في بشرتك

خميرة البيرة وليست الخميرة العادية فيه فرق ! ( شرب أو حبوب ) تصفية البشرة وتحسين الشعر والأظافر

زيت كبد الحوت ( نفس الخميرة )

زيت زهرة الربيع ( نفس الخميرة )

زيت جنين القمح (نفس فوائد فيتامين أ )

ملاحظة / طبعا هذي الزيوت تحوي فيتامينات كثيرة وزيادتها تسبب أمراض بالجسم لذا يجب الحذر عند الاستخدام

جنين أو رشيم القمح ( أكل ) يقوي الشعر ويفتح لون الجلد

القمح كامل ( يعتبر كرتيزون طبيعي أكل أو شرب وله طرق كثيرة) يسمن

زيت الزيتون ( شرب على الريق ) يبيض ويحسن لون البشرة مو متأكدة من المعلومة ؟! بس يخفض الكوليسترول

الفواكه والخضروات عموما ( شرب أو أكل ) تحسين البشرة والشعر

الكراث ( أكل ) يكثر الشعر ويحمر الخدود

البصل والفجل ( أكل أو شرب ) يبيض و يقوي الشعر وفيه خلطة زين الاتات للتبييض وهي (فنجان قهوة عصير فجل - كأس لبن سائل - ملعقة خل تفاح ( تخلط في الخلاط وتشرب مره يوميا . ( ملاحظة يوجد فجل حار وفجل بارد أحمر وأبيض مدري وش المقصود ؟) أتوقع المقصود الفجل الأحمر

السفرجل ( أكل ) تجمل الوجه وتحمر الخدود

اليقطين ( نفس السفرجل )

بطاطس نيئ ( شرب أو أكل ) يسمن الوجه

البقدونس ( أكل على الريق أو شرب عصير بقدونس ) يبيض البشرة ويصفيها وينحف الجسم ويخفض الكوليسترول

عصير برتقال مع جزر ( شرب على الريق ) يصفي ويحسن اللون

التمر ( أكل ) على الريق تصفي الوجه وتنوره وتكبر الخدود

دبس التمر ( نفس التمر ) ويسمن

العسل ( نفس التمر )

غذاء الملكات ( نفس التمر )

عرق سوس ( شرب ) (مثل القمح كرتيزون طبيعي بس أقوى مفعول : لوجود حمض الجلسرهيزيك وهو نفس تركيب الكورتيزون ولكن طبيعي أي بدون أضرار جانبية ) وشربه بعد الأكل يسمن ويزيد من الضغط ( اللي عندها ضغط لا تشربه )

الحلبة ( شرب أو أكل ) يبيض ويصفي البشرة ويسمن

ماء الورد ( شرب على الريق ) يصفي ويورد الوجه


بالنهاية أقول إني غير مسئولة عن استخدام هذي الأشياء وأنا جمعتها وبس فاللي تبي تجرب هي تعرف نفسها واللي عندها مشكلة عضوية قبل لا تستخدم شيء تسأل الدكتور قبل تجرب ok

بكرا تجي وحدة تقول شربت فجل ومدري وش جاني بمعدتي مالي دخل ولا تشرب عرقسوس ويزيد ضغطها بعد مالي دخل وبعض الأشياء فيها فيتامينات عالية انتبهوا قبل لا تستخدمون شيء فأنا ما انصح بهن ولكن جمعتهن للفائدة وكل وحدة تاخذ اللي يصلح لها وتسأل وتبحث قبل لا تجرب شيء .


اللهم بلغت اللهم فاشهد ...،،

والحين وصلنا للنهاية والمطلوب إذا عندكم زيادة اكتبوها علشان كلنا نستفيد وإذا كنتي مجربة شيء منها اخبرينا بتجربتك

وصلى الله على سيدنا محمد عليه أفضل الصلاة وأتم التسليم ...،،






@بنت-القصيم@ غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر


25-07-1428 هـ, 10:54 صباحاً
#2
بنت القصيم ولا نرد مشكله

فووووووووووووق لعيون القصمان

الزنجيل رهيب لشعر والبشره مره مفيد للجسم
والشاي الاخضر المفروض هو والزنجيل نشربه كل يوم

موووووووووووووووفقه يا احلا قصمنجيه


رد مع اقتباس
محبة النبي محمد غير متواجد حالياً  

25-07-1428 هـ, 11:01 صباحاً
#3
مشكورة يالغالية جبرتي بخاطري ضاق صدري 9 دخلوا ولا رد علي الا أنتي

مير ربي يسلمتس ويسعدتس يااااارب ...

وصادقة الزنجبيل فوايده كثيره وخاصة للقلب والاوعية والشاي الأخضر للبشرة روووعة بس نسيت اكتبه ....

نورتي محبة وياهلا والله فيك وفي كل البنات اللي دخلوا ...،،


رد مع اقتباس
@بنت-القصيم@ غير متواجد حالياً  

25-07-1428 هـ, 11:02 صباحاً
#4
السلام عليكم

الخس يصفي الدم و مفيد للبشرة حيث أنه يسفر لونها و يبيضها
و مشكورة عالموضوع الحلو


رد مع اقتباس
شمعدان غير متواجد حالياً  

25-07-1428 هـ, 11:09 صباحاً
#5
شمعدان شكرا على اضافتك ويصلح بعد يشرب كعصير الخس اسعدني مرورك ومشاركتك وياااهلاااااا فيك


رد مع اقتباس
@بنت-القصيم@ غير متواجد حالياً  

25-07-1428 هـ, 11:17 صباحاً
#6
اختى مويه الجرجير تطول الشعر وتمنع تساقطه وتقله
وانا منزله موضوع عنه في ركن العنايه بلشعر
الحليب يقوى الاظافر وعن تجربه لان ظوافر ايدى كانت ضعيفه جدا جدا
http://forum.hawaaworld.com/showthread.php?t=835588

تونكات البشره الطبيعيه لبياض ونعومه وصفاء من تجربتى وده رابط الموضوع
http://forum.hawaaworld.com/showthread.php?t=954383


توقيع

خلطاتى كلها عن تجربه شخصيا واى وحده ما تناسبها ما تدعى عليا
رد مع اقتباس
ميااده2006 غير متواجد حالياً  

25-07-1428 هـ, 11:21 صباحاً
#7
ميادة مشكوووورة يا أحلى مياادة على اضافتك وعلى الرواااابط وانا دايم اشوف مواضيعك وتعجبني مرررة لانها من تجربتك ربي يوفقك ويحفظك لكل غالي ونورتي موضوعي والله وياهلااااااا فيك ...،،


رد مع اقتباس
@بنت-القصيم@ غير متواجد حالياً  

25-07-1428 هـ, 03:27 مساءً
#8
140 زيارة و3 مشاركات بس






ماشاء الله تخلون الواحد يتحمس يكتب مواضيع



انا


توقيع


رد مع اقتباس
@بنت-القصيم@ غير متواجد حالياً  

25-07-1428 هـ, 03:54 مساءً
#9
مشكورة بنت القصيم استفدت من معلوماتك

وماعندي أي أضافة


توقيع


رد مع اقتباس
قمة الشموخ غير متواجد حالياً  

25-07-1428 هـ, 03:57 مساءً
#10
العفو قمة الشموخ وياهلا والله فيك ..،،


رد مع اقتباس
@بنت-القصيم@ غير متواجد حالياً  

إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 01:32 .