شحم الغنم ... يخلي الشعر حرير ويفرده وماله ريحه بطريقة جدتي

الســلام عليكم

جربته الشحم 3 شهور

مع كل استخدام ينعمممممم اكثر من اول وربي
وربي الااستشوار معد يطول مثل اول بسرعه صرت استشوره

وقد شفت مره بنت تقول انها استخدمت سنه ومن بعده تركت الااستشوار

ويخلي الشعر فيه ليوونه حتى الي شعرها مجعد بتشوف التجاعيد بتخف مع كل استخدام

ويفرد الشعر ويبعد التقصف حتى اذا غسلته بشامبو مايجي في شعري ريحه
بس يبي له شامبو للشعر الدهني عشان ينظف الشعر اكثر

اكثر شئ جربته ينعم ومعرووف انه ينعم بس الي يقولون انه يطول ويخفف التساقط مدري

لاني انا عندي نقص بالغدة ويطيح شعري من الغده السبب منها يعني لو وش احط
على شعري مافي فايده بيتساقط الا اذا اخذت فيتامينات
يعني الي مافيها شئ من الداخل وسبب التساقط من بر من فروة الراس بتلاحظ تغير

ونتائجه وربي احسن من زيت دابر املا بكثيرر ولا له ريحة على طريقة جدتي ابدااا
طريقتها غريبه ولا احد يعرفها ادعو لها ربي يغفرلها ويرحمها



اقولكم الطريقة

^
^
^
^

تطلعين الشحم من الفريزر
وتقطعينه قطع صغيره
وتحطينه على نار هاادئه لين يذوب
ثم تجيبين كم عود من الدارسين = القرفه
4 حبات مسمار
وتحطينه عليه
ثم تجيبين 3 تمرات وتحطينهم معه
وتجيبين عجينة .. بر اسمر تتعجنينه بمويه وتسوينها مثل
المصابيع يعني تقطعينها اجزاء وتحطينه مع الشحم
يعني ربع كاس بر اسمر مع مويه وتعجنينهم
وملعقه نسكافيه
وتخلينهم على النار الين يذووبون مع الشحم

التمر والقرفه والمسمار والعجينه فائدتهم يسحبون الريحه
وخليه الين يذوبون مع الشحم ثم خليه يبرد والقدر مكشووف يوم كامل
ثم صفيه من بكرى من الاضافات واستخدميه بس لاتحطينه على قروة الراس
لانه ثقيل بس على الشعر واحسن شئ تخلينه 6 ساعات على الشعر

...
اكيد البيت بتنتشر فيه ريحة الشحم بس بتختفي الريحه خليه مكشوف الين يبرد
وعادي خليه بر مو بالثلاجه انا عندي من كم شهر ولا فيه ريحه ابداا
بس مره سوته لي الخدامه وبقى فيه ريحه بسيطه جدااا عشانها ماخلت الاضافات تذوب مره

واهم شئ سوي الشحم بقدر كبيرررر يعني يكون الشحم نص القدر