05-07-1428 هـ, 06:00 مساءً
السلام عليكم ورحمه الله

بنات الله عندها خبره كافيه عن رز باب الهند تجي الله لايهينها ::

وتخبرني كيف اطبخه ؟؟
وهل ينقع ام لا ؟؟ وهل التنقيع ساعات ام مدة بسيطه ؟
مقدار كميه الماء ، يعني يشرب ماء كثير والا عادي ؟؟

اللي عندي شريته بعد ماسمعت كثير من البنات يمدحونه ويقولوا حبته طويله طبعا هو رز عنبر ابيض مدري اذا كان منه احمر والا لا ؟؟؟



اللهم أنصر أخواني المسلمين بغزة وأيدهم بجنود منك ..
اللهم زلزل الأرض من تحت اليهود والنصارى ..
الجهاد ..............الجهاد.......... .........الجهاد
05-07-1428 هـ, 09:30 مساءً
هلا فيك اختي الصراحة انة هذا الرز فعلا خيالي تاكلي فية ماتشبعين منة .....انا طريقتي انة بعد ماعمل الكشنة والدجاج واثناء ماهو يستوي اغسل الرز وانظفة وانقعة مدة بسيطة واذا جيتي تكبسين الرز انتبهي ميكون المرق كثير ولا يكون ثقيل مرة وبعدين لازم تكثرين الزيت عشان تظبط الكبسة وان شاء تتهنين فيها..
06-07-1428 هـ, 03:32 صباحاً
رز باب الهند روعه ولا يحتاج نقع كثير انقعيه عشر دقايق بالكثير ولايحتاج مويه كثير فقط اللي يغطيه ومثل ماقالت الاخت اللي قبلي كثري زيته شوي
06-07-1428 هـ, 04:04 صباحاً
شوفي ياالطيبة
انا واهلي خبرررة فيه..ومن يوم ماطلع واحنا نجيبه,,
انا جربته كبس يعني اكبه على مرق لحم اودجاج علطول صار ممتاز بس جربت طريقة الوالدة ربي يحفظها مؤخرا صارت تسوي كذا
جربيها وبتدين لي ان شالله يالطيبة
ننقعه 10 دقائق فقط..وان كان 3او 4 كاسات فاكثر ننقعه ربع ساعه
تسوين مرقتك المعتادة حقة الكبسة من لحم اودجاج..المهم لاتكثرين موية ع اللحم لنك بتسلقين الرز نص سلقة فقط
يعني اذا سلقتيه وصفيتيه وجيتي بتكبينه ع المرق لايكون المرق كثير لانك سبق وسلقتي الرز.بس يكون فيه مرق يكفي تشريب الرز فيه
ان كبيتي الرز حركي القدر يمين وشمال من دون ماتستخدمي الملعقةعشان مايتكسر(ان شالله فهمتي)
نحركه عشان يتداخل الرز مع المرق واللحم ان كان فيه ..ونخليه على نار عالية الين يشرب المرق
ثمين نقصر النار ونخليه يترسى على قولة اهل الخليج
بكذا تاكلي رز خفيف لانك شلتي النشا من الارز..وهو اصلا العنبر خفيف فبيطلع روووعه

ان شالله فهمتي علي
اسألكم بالله رب العرش العظيم..انكم تدعون لي ان ربي ينحفني
مع الصحة والعافية وراحة البال..ولايعيد علي ماجاني في حملي
من ضيقة وخوف واكتئاب,,ويجعل بقية ذريتي ذكور صالحين..
10-08-1428 هـ, 12:27 مساءً
الله يسامحس يامشتاقة وراماعلمتيني عن هالرز اقل شي اطبخه واعزمس عليه
10-08-1428 هـ, 12:40 مساءً
روووعه بحقه قليله يكفي انه خفيف مرررة
انقعيه عشر دقايق ولاتكثرين المويه لانه بسرعة ينخبص ويتاثر بالمنكهات يعني بسرعه يمسك نكهة اللي تحطينه معة سوا فليفلة خضراء او اي شي




10-08-1428 هـ, 12:46 مساءً
اي والله ايهبل مشاء الله انا احب اسووويه ابيض مع ليموون اسوود وفلفل حااار يالله روعه احيانا مع ماجي بس والدجاج اتبله واشوويه بالفرررن شووي بدون سلق
بس انقعه ربع ساعه واجهز مويه مع ماجي وزيت اكثر من الرز العادي ودارسين وغار واكبه واغطيه بقصديررر يطلع رووعه بس بصراحه يشرب موويه وزيت
اللهم اصلح شأني كله في الدنيا والاخره
يارب عووظني عن اللي فقدته وانا بخير وعافيه عاجلا غير أجل
معرفي قاطين فيه ثلاث
18-08-1428 هـ, 12:19 صباحاً
ياهلا فيكم بنات والف الف شكر لكن ..
سلطانه : الله يسعد قلبك امين بجرب طريقتك واشوف ومعليش تجمليني ممكن ارجع واسألك .

الشكر موصول للجميع بلا استئناء ..
18-08-1428 هـ, 04:17 صباحاً
فكره تسلمووووووو
18-08-1428 هـ, 08:19 صباحاً
هلا فيك اختي الصراحة انة هذا الرز فعلا خيالي تاكلي فية ماتشبعين منة .....انا طريقتي انة بعد ماعمل الكشنة والدجاج واثناء ماهو يستوي اغسل الرز وانظفة وانقعة مدة بسيطة واذا جيتي تكبسين الرز انتبهي ميكون المرق كثير ولا يكون ثقيل مرة وبعدين لازم تكثرين الزيت عشان تظبط الكبسة وان شاء تتهنين فيها..


الساعة الآن 01:15 .

جميع الحقوق محفوظة - عالم حواء - 2015