أخبار حواء:
«    »

                    

قديم 09-06-1428 هـ, 10:47 صباحاً   #1
sara777

عضوة نشيطة
 
تاريخ التسجيل: 14-01-1427 هـ
المشاركات: 307


حذاري من كريم نورت..

هلا وغلا بالحلوات...شخباركم



بنات.. أكيد في منكم وايد سمع عن كريم نورت... يجيبونه من السعودية, وباعوه عندنه إهني في البحرين وايد عطارين, وسعره من 7 إلى 10 دينار, وفي حريم ربي يهديهم يشترون بالكميات من العطارين علشان يبيعونه على غيرهم بأسعار على كيفهم...



المهم.. وحده من معارفنه إستخدمته... وتقريباً في إسبوع إلى إسبوعين وجهه صار مرمر... ما شاء الله... والكل سألهه إشمستخدمه , وهي من النوع إللي ما يخش, فخبرتنه عنه, صديقتي ما كذبت خبر وشرته وإستخدمته, وقالت لي عنه, وأنا وسواسيه من هالسوالف, بس إللي خلاني آخذه مديحهم له, ووجه صديقتنه و الجو الحار إللي إحنه عايشين فيه, قلت في خاطري بآستخدمه كل ما أروح للسباحه علشان ما أسمر...



بعد جم يوم , حسيت وأنا أستخدمه إن بده حراريطلع بويهي, سيده وقفته... كلمت صديقتي , وقالت لي, حتى هي لاحظت يوم وقفت إستخدامه طلعت جم حراره في وجهه, والمشكله إن الحرار مب صغار, كبار وملتهبين ومالهم راس, وايد يألمون وشكلهم قبيح.. بعدين إللي خبرتنه عن الكريم إتصلت بصديقتي تحذرهه من الكريم إللي شوه لهه ويهه بمجرد إن وقفت عنه كم يوم, وتحلف إن طلع بوجهه فوق ال 30 حبه, ملتهبه ولهه روس بيض حتى ما تنعصر



راحت للدكتور وعطاهه كريم للحساسيه وحب الشباب.. والحمد لله إن تداركت روحهه وما صارت لهه مضاعفات أخرى...



تره في بعض البشرات يبين عليهه بسرعه , مثل بشرتي ولله الحمد ,إللي بيومين بشرتي رفضته... وفي بشرات يبين عليهه بعد مده أطول مثل صديقتنه إللي إستخدمت الكريم أول وحده...



وفي ملاحظه هامه ولا يستهان بها.. في بعض الكريمات تسبب الماء الأبيض للعين...فلا تستخدمين أي خلطه إلا عارفه مكوناتهه.. سألي الصيدلي عن أي كريم والمده إللي ممكن تستخدمينه فيه... في كريمات لو تستخدمينهه شهر ما تضر, ونفس الكريم لو تستخدمينه شهر ويوم يمكن يسبب لج حساسيه...



حطو بالكم على صحتكم وبشرتكم...



كريم نورت....حذاري منه...



وسلامتكم...


sara777 غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر



قديم 09-06-1428 هـ, 12:57 مساءً   #2
مرمررر

عضوة نشيطة
 
الصورة الرمزية مرمررر
 
تاريخ التسجيل: 02-01-1428 هـ
المشاركات: 344


لا تكونين تقصدين فير آند لفلي هذا هو اللي حاس الناس لانه يحتوي على زئبق وبعدين هومصنوع بالامارات العربيه ماهو سعودي


مرمررر غير متواجد حالياً رد مع اقتباس

قديم 10-06-1428 هـ, 02:05 مساءً   #3
sara777

عضوة نشيطة
 
تاريخ التسجيل: 14-01-1427 هـ
المشاركات: 307


لا إختي مرمررر.. إسم الكريم نورت.. وهو شكله خلطه. يجيبونه من الإحساء ...


sara777 غير متواجد حالياً رد مع اقتباس

إضافة رد







أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 07:13 .


تابعونا على Facebook
تابعونا على Twitter