28-05-1428 هـ, 11:15 مساءً
بسم الله الرحمن الرحيم

هلا فيكم ياحلوين زي ماوعدتكم بأنزلكم أطباقي الثانيه واليوم جايبه لكم وجبه غدا منوعه ومشكله والطعم ماأقول لكم عليه من جد روووعه (ماأمدح نفسي انتو جربوا واحكموا) اتمنى تعجبكم ...

والغدا مكون من :
بروستد دجاج + صينيه خضار بالجبنه + مكرونه بالمايونيز + محار بالفلافل(جيب التاجر) + سلطه فواكه









واللحين نتناول طريقه كل طبق ... نبدأ بالبروستد






المقادير :

دجاج حسب الكميه المرغوبه
بهارات التتبيله (ملح , فلفل أحمر , فلفل أسود, زنجبيل مطحون , كمون , ليمونه , ثوم مدقوق )
بيض
بقسماط
زيت للقلي

الطريقة:

تغسلين الدجاج وتتبلينه بالبهارات السابقه وتحطينه بكيس وتتركينه مده ساعه على الأقل .
بعدين تحمين زيت القلي ثم تهدين عليه يعني لحد مايسخن زين وبعدين توطين على النارشوي بس (الفكرة انه ما يحمى الزيت ويحرق الدجاج من برا وهو ماأستوىمن جوى >>> تفلسفت صح)
تجبين قطع الدجاج وتغمسينها بالبيض ثم بالبقسماط وهكذا لكل القطع ثم تقلينها بالزيت لحد مايستوي الدجاج.
تقلين جنبها بطاطس .
واذا كنت مستعجله بإمكانك تسلقين الدجاج شوي (مجربتها نفس الطعم تقريبا بس عشان الوقت)


نجي لصينيه الخضار بالجبنه





سهله مررررررررررررة
المقادير:
بطاطس مقطعه دوائر
باذنجان مقطع دوائر
فاصوليا خضراء طازجه مقطعة (هذي أول مرة أجربها ومن أختراعي بس طلعه رووعه والكل انهبل فيها والدليل انلحست الصينيه )
علبه قشطة
3 الى 4 ملاعق أكل جبنه سايله
3 ملاعق مايونيز

الطريقه:
تقلى الخضار(البطاطس والباذنجان) وتنشف من الزيت جيدا .
تسلق الفاصوليا بماء ومكعبه ماجي الى ان تستوي.
تصف الخضار بصينيه بايركس وتصب عليها الخلطه ( قشطه + جبنه+مايونيز) بعد خلطها جيدا
وتوضع بالفرن الى ان يتحمر الوجه .


واللحين نجي للمكرونه بالمايونيز






المقادير :
مكرونه على شكل فيونكه مسلوقه بماء وماجي و شويه زيت
علبه ذرة معلبه
علبه فاصولياء حمراء معلبه
فلفل أخضر وأحمر وأصفر رومي
3 ملاعق كبيرة زبادي
5 ملاعق مايونيز
شويه ملح (مو ضروري)

الطريقه :
تخلط المكرونه والخضار المعلبه والطازجة ثم يضاف اليها خلطه الزبادي والمايونيز ..


محار الفلافل (جيب التاجر)

بصراحه طريقتها المبتكرة بالتوست أخذتها من وحده من البنات هنا في المنتدى ناسيه اسمها بنزل الرابط في الرد الثاني ان شاء الله ان لقيته





حشوتها كانت عبارة عن فلافل خلطة جاهزه ومخلل وهذي صورة خلطه الفلافل




وطريقته مكتوبه على الكرتون وهي سهلة اضافة مقدار من الماء فقط للخلطه وطعمه حلو

وهذي سلطه الفواكه




وهي عبارة عن شرائح تفاح وشمام وكيوي وعنب أخضر وأحمر


اتمنى يعجبكم غدانا وجربوه ترى طعمه حلو
واللي يعجبها الأكل تدعي لأمي أن الله يشفيها ويعافيها ويسلمها من كل شر ..
28-05-1428 هـ, 11:28 مساءً
مااااشاااء الله روووووووعه
الله يشفي امك ويعااافيها ويخليهااااا لكم يااااااااااااارب
لآ شيء يدوم . .
فـ كُن حدثاً جميل الذكر : ﻓ آلدنيآ ممر ..

وَ ليست مُستقر

28-05-1428 هـ, 11:30 مساءً
تبارك الرحمن سلمت يداكى
الله يشفى امك ويعافيها ويحفضها من كل سؤ
29-05-1428 هـ, 12:36 صباحاً
الله يعافيكم

بنات هذا رابط جيب التاجر بالتوست لأم البكيراويين الله يعطيها العافيه


http://forum.hawaaworld.com/showthre...896436#Scene_1
29-05-1428 هـ, 01:26 صباحاً
ماشاء الله

شكل الاطباق شهى جداااااااا

تسلم ايدك
الله يرحمك يا بابا ويعفو عنك
ويجعل مثواك الجنه
وقبرك روضه من رياض الجنه
29-05-1428 هـ, 01:37 صباحاً
ماشاء الله تبارك الله فنانه


29-05-1428 هـ, 02:47 صباحاً
سكرة منورة
دانه الدنيا

أسعدني مروركم ويعطيكم العافيه
29-05-1428 هـ, 03:40 صباحاً
يعطيكِ العافية ..
استغفر الله الذي لا إله إلا هو وحده لا شريك له وأتوب إليه
استغفر الله ذا الجلال والإكرام من جميع الذنوب والآثام

29-05-1428 هـ, 03:45 صباحاً
29-05-1428 هـ, 03:50 صباحاً
اقتباس مشاركة  ({{الوتين}})
مااااشاااء الله روووووووعه
الله يشفي امك ويعااافيها ويخليهااااا لكم يااااااااااااارب


الساعة الآن 07:00 .

جميع الحقوق محفوظة - عالم حواء - 2015