حليب بيدياشور

[ام جحه]

وش رايكم في حليب بيديا شور يسمن ولا لا؟

[noon123]

كان فيه موضوع عن الحليب هذا سوي بحث وتلاقينه

[.*.أم عبد الله.*.]

كتبته الطبيبة لعبد الله حتى يحسن من صحته ويسمنه شوي ، بس ما عجبه طعمه
يقول لي حليب الممه الجديد هذا ما أبيه ، أبي حليب العسل لحاله !!
مدري كيف أقنعه يشربه ؟!!
حاولت أخلط له مكيال واحد مع حليبه المعتاد حس بطعمه ورفضه!!

[ert55]

السلام عليكم
الصرااحه افضـل حليب حاليا هو بيدياشور البنفسجي
روووعه
عيالي وايد ارتاحوا عليه
واحس انهم امتنوا ماشالله
والافضل ان الغازات راحت وهذا اهم شي
وجربته لان دكتور نصحني فيه وبعد التجربه الحمدالله احس انهم وايد ارتاحوا عليه
والاهم من هذا كله ان عيالي كل شوي يبون ياكلون ماشالله والسبب هذا الحليب لانه فاتح للشهيه وزجاجة الرضاعه الواحده تساوي 5 وجبات ونصحت وايد ناس فيه واستانسوا عليه
وطعمه فانيلا روعه جربوه ماراح تخسرون شي انتوا تبون صحة عيالكم واسئلوا اي دكتور عنه راح ينصحكم فيه
بيدياشور البنفسجي من سنه الى 10 سنوات
ومتوفر ايضا بيدياشور الازرق للغلي على النار يعني ينفع للكريم كراميل والمحلبيه واطباق الكيك للاطفال والرز بالحليب

[راس المعزّة]

انا جربته لبنتي وهي نحيفه علشان يسمنها وما فاد.. الحين عمرها سنتين وعشر شهور ووزنها عشره ونص كيلو !! بس حسيت شعرها طول بسرعه لما كانت تاخذه وحتى رموشها ما شاء الله زادت بس الوزن ما تغير للأسف !!

[نجوووووحة]

طيب هو أحسن من بليميل بلس؟؟؟؟؟؟؟؟؟؟؟

[.*.أم عبد الله.*.]

معناتها ممتاز للصحة إذا شعر ورموش بنت راس المعزّة صاروا يطولون بسرعة تبارك الله ..

طيب فيه منه نكهات غير الفانيلا ؟!!

عبد الله ما عجبه الفانيلا

[أسم عتيج]

انا جربته لولدي، صحيح انه ماسمنه، لكن ماشاءالله صارت صحته أحسن بوايد، وحتى آخر فحص للدم كانت كل المؤشرات تدل على ان صحته ممتازة، وكم من طفل تشوفينه سمين ماشاء الله بسبب حليب معين بس صحته تعبانه، يعني المتن مب كل شيء، أهم شي ان تكون مناعته وحركته طبيعية.
لكن الدكتوره نصحتني اني أعطي لولدي حليب مدعم لحليب بدياشور ضروري يمكن لأن حليب بدياشور مب مكتمل تماماً، خصوصا وان ولدي كان عمره سنه وشهرين.
بالنسبة لأم عبدالله أنا سمعت اته فيه بدياشور بنكهة الكاكاو بس ماشفته بنفسي

[سلللللللللوى]

أختي اسم عتيج
شو الحليب المدعم اللي نصحتك الدكتورة فيه؟

[sun smile]

بنات الله يعافيكم ...اختي تسأل عن هذا الحليب
يصير تسوي منه ملعقه صغيره مرررره مع الرز او المهلبيه لولدها لانه نحيييف مرررررررره
بس عمره 6 شهور