يعجبك المســـــــــــاج وتبين نوع وريحه على كيفك ...!تعالي اعلمك كيف؟؟؟

السلام عليكم يابنات :)
كيفكم ؟
ان شاءالله انكم بالف خير ومسرات وخيرات :26:
اليوم قلت جمعه ومصبحين على سبت والعطله جايه لازم يكون فيه نوع من تدليل النفس والترفيه عنها اكيد
في اواخر اليوم تحسين انك متعبه منهكه وطفشانه بس تدورين على السرير للنوم وتبين المكان هادي وبارد ويتمتع بكل وسائل الترفيه عن النفس واراحه الجسد
اليوم قلت انزلكم طريقة صنع زيت التدليك (المســــــــــــاج) في البيت وبالريحه اللي تحبين
وممكن تدلعين زوجك فيها في الليالي الخاصه وممكن هو يدلعك فيها
اذا كان عنده حلم :arb:
ادلكم على الطريقه اللي اتبعها من سنين لزيت المساج
اولا المقادير :
كوب زيت جلسرين نقي واذا طبي افضل
نصف كوب زيت معدني ابيض تلاقونه عند العطارين او في الصيدليات واذا مالقيتوه بديله زيت الاطفال نونو او جونسون زي ماتحبين
زيت عطري بضع نقاط يعني من خمسه الى سبعه نقاط والنوع اللي تختارينه انا احيانا احط مسك سايل
او زيت فانيلا او خزامى او بابونج والبعض يفضلون النعناع ضيفي بضع نقاط من زيت النعناع
طبعا اذا كان الزيت عشبي يفضل انك تضيفين له من العشبه اللي تعجبك ريحتها
مثلا خزامى حطي ملعقة خزامى مطحونه
الطريقه :
حطي الزيوت في غلاية او قدر لحد مايبدا يسخن
واذا تفضلينه بالبابونج او الخزامى اخلطيها معاهم على النار
ولمن يسخن ارفعيه من على النار لحد ما يدفى الزيت صفيه من البقايا حقت العشبه وحطيه بقارورة زجاج وحطي عليه نقاط المسك او زيت البابونج او زيت النعناع او اللي انتي تفضلين
ورجي القاروره لحد ما يمتزج الخليط واتركيه لحين الحاجه اليه ويفضل انه يوضع في مكان بارد وجاف بعيد عن الرطوبه والحراره ولا بيخيس ريحته
ممكن في الثلاجه وقبل الاستخدام يسخن في حمام مائي ساخن
ويتم التدليك به
ملاحظه :
الحلو فيه انه ما يوسخ الملابس بريحته
ويرخي الجسم ويخليه في اتم الاستعداد لاستقبال النوم
ان شاءالله عجبتكم الطريقه وودكم تسوونها يله طيران سووها الاربعاء عشان الخميس تدلعون ابوان الشباب :arb:
ويدلعونكم
اللي يعجبها الموضوع ترفعه عشان غيرها يستفيد
واللي تجرب ويعجبها تدعيلي دعوه من اقصى قلبها في ظهر الغيب
اختكم ومحبتكم في الله :
نــــــــور الهــــــــــدى:)