تعالوا نتفق على الدكاتره الممتازين والي ممكن يساعدونا (تعبنا والله)

بسم الله الرحمن الرحيم
الله يرزقني واياكم الذريه الصاحه عاجلاً غير اجل
اش رايكم يابنا ت ان كل بنات منطقه يذكرن تجاربهم مع الدكاتره علشان نعرف منهم افضل الدكاتره وكذلك نعرف بكذا الكلام اللي اتفقوا عليه علشان نعرف نمشي على الطريق الصحيح ماهو كل يوم واحد معطينا تشخيص وادويه وخساير وحوسه

اولاً ابدا بنفسي انا في المنطقه الشرقيه
انا عندي اجهاض متكرر +هرمون حليب
1-د. امل (مستوصف الروضه)ممتازه بالنسبه لتأخر الحمل وتشخيصها كويس وماتعطي جرعات كبيره من المنشطات
2-د. عماد ( مستشفى المانع)هو كويس لكن نصب علي وكرهته

3-د0 هدى داود ( مستشفى سعد)كويسه لكنها استقالت

4-د0 سهام العاكوم( مستشفى سعد)تعاملها كويس لكن انا عندي اجهاض وعنق الرحم مايتحمل واحد وهي تبغاني احمل بثلاثه فأعطتني جرعات مضاعفه من المنشط ومثبت و ماكتب الله يصير حمل مع ان فيه تبويض والدوره صار لها لخبطه شديده وتعب اثناء الدوره علشان المثبتات وصارت تحاول فيني اسوي انابيب وانا مشكلتي واضحه(يعني مايصير ابدا اكثر من واحد)

5-د0فاطمه الزهراء (متشفى المآساه قصدي المواساه )ماتتحرك من الكرسي ولاتتجاوب مع المريض صراحه الي عندها مشكله تبعد عنها ماتفهم ,انا كنت حامل وقلت لها سويلي تحاليل علشان نتطمن على كل شي وخاصة تحليل الاجسام المضاده وسوتلي التحاليل قلت كل شي سليم واكتشف بعدين انها مسويه فقط التحاليل الروتينيه والاجسام المضاده ماهي مسويتها وللاسف طلع عندي نوع من الاجسام المضاده في حملي الاخير ونزل مع اني شارحه لها وضعي ومنبهه عليها (حسبي الله عليها )

6- د0 نجوى (المآساه قصدي المواساه )كويسه بس عصبيه مره وماتبغى احد يسألها وبس ماسكه التلفون يخلص الموعد وهي تكلم وماتعطيك الادقيقه اودقيقتين واذا كتبت دواء ماتغيره حتى لوماناسبك حتى لو الدكاتره قالوا لها يعني يتعارض معاك *الله يهديها تقدم مصلحتها على المريض *

7- د0حنان السبيعي (سعد )ممتازه ولاتكلف عليك مره وتخليك تستفسرين عن حالتك وتفهمك كل شي وهاديه ولما شفت ان مشكلتي ماهي عندهاحولتني لغيرها

8- د0وت مان*كندي* (سعد)ممتاز ويستفسر عن كل شي ويقولك كل شي بصراحه ولا يخسرك على الفاضي ويحترم خصوصيتك كمسلمه تشيخصه ممتازومايستعجل عليك ولا يكتب ادويه على الفاضي

اما بالنسبه اش اتفقوا عليه وهو ان الواحده لازم تأخذ قبل الحمل بستة اشهر حمض الفوليك والبيبي اسبرين
لان حمض الفوليك يساعد على تقويه عضلت الرحم ويساعد في ثبات الاجنه يمنع تشوهها ويحميك من الانيميا
والاسبرين يساعد على القضاء على الاجسام الغريبه التي تهاجم جسمك سواء من فيروسات او اجسام مضاده ويساعد جسمك على تقبل الحمل حتى لو كان فصيلة دم زوجك مختلفه

لكن لابد من اخذ الادويه يومياً وبأنتظام تام حتى تعطي مفعول *طبعا الاسبرين وقت الدوره مايستخدم *
وانشالله اذا الله كتب الله لك الحمل لازم تستمرين على الفوليك والاسبرين للثامن طبعا الفوليك راح يتغير بالرابع الى حديد وكذلك عند الشهر الثاني والسادس اخذ مضادات حيويه عاشان فيه التهاب يحصل للحامل من دون اعراض يتسبب في اجهاض الاجنه وبالنسبه لوضعي ولي مثل حالتي لابد من الربط عند الشهر الثاني ونصف والالتزام في السرير الى الولاده
طبعاً كله بعد ارادة الكريم انشالله مايحرمني واياكم من الذريه الصالحه يارب
هذي تجاربي يالله اعطواني تجاربكم (علشان بعدين نسوي تجمع للحجامات والمعالجات والي يقرون )