15-03-1428 هـ, 04:39 مساءً
السلام عليكم

أهلين بنات

ودي اللي حالتها مثلي دمها سالب وزوجها دمه موجب تحكي لنا عن تجربتها مع الابرة اللي اخذتها بعد الطفل الاول وهل صار لها اي مشاكل في حملاتها اللي بعد كذا

راح اقدم هنا شرح مبسط عن الحالة:
طبعا مثل ما الكل عارف انه فصيلة الدم السالبة هي اللي تعطي وما تاخذ
لذلك اذا كان فصيلة دم الزوج موجب طبعا يكون في احتمال كبير انه فصيلة دم الجنين تكون موجبة ويرفضها الجسم لذلك المفروض الام تاخذ ابرة خلال الاسبوع 28 من الحمل وبعد الولادة ب48 الى 72 ساعة هذا في الحمل الاول أو حتى لو صار اجهاض في أول حمل أو حتى نزيف بسيط لازم الام تاخذها

طيب هذا كله ليش؟
اللي يصير يا عزيزاتي انه عند ولادة الطفل اول وانفتاح المشيمة راح يختلط دم الطفل الموجب مع دم الام السالب ويكون جسم الام أجسام مضادة تستمر في جسم الام حتى اذا حملت مرة ثانية وكان دم الطفل موجب الاجسام المضادة هذي ممكن تسبب مشاكل لا سمح الله أو جهاض
لكن اذا اخذت الام الابرة راح تمنع باذن الله طبعا تكون الاجسام المضادة

طبعا هذي المعلومات جمعتها من بعض المواقع ويا ليت لو الدكتورات اللي معانا يفيدونا كمان اذا عندهم اي اضافة
15-03-1428 هـ, 04:56 مساءً
ان شاءالله البنات يفيدونك
15-03-1428 هـ, 05:30 مساءً
انا بعد فصيلة دمي او سالب وزوجي او موجب واللي اعرفه اني لازم اخذ ابر بس ليش الله اعلم خخخخخخخخخخخخ اشكرج على الشرح اخيرا فهمت
اللهم لك الحمد والشكر كما ينبغى لجلال وجهك وعظيم سلطانك....



15-03-1428 هـ, 05:50 مساءً
دايما اسمع عن الابرة بس ماحصل سمعت السبب بالزبط
الله يعطيكي العافية
15-03-1428 هـ, 06:14 مساءً
انا بعد معاكم فصيلتي او سالب ووو وزوجي بي موجب

جبت توأم من شهر البنت طلعت او موجب ووو الولد بي موجب على ابووه لكن من هلاختلاف صاده انيميا الفوول

انا اخذت ابرتين في الحمل و ابره بعدد الولاده
15-03-1428 هـ, 06:23 مساءً
أنا اقولكم تجربتي

فصيلت دمي ب - وزوجي موجب
طفلي الأول بعد ولادتي حللو دمه طلع سالب فما أخذت ابره ..
وحملي الثاني سقطت وماأخذت ابره لأن الجسم مابعد كون اجسام مضاده فمايضر اذا كان عمر الحمل شهر
وحملي هذا الله يتمم على خير مابعد اخذت فيه ابره واذا ولدت اعلمكم..

وسلامتكو وهذي قصة حياتي..
15-03-1428 هـ, 06:29 مساءً
انا فصيلة دمي او موجب وزوجي او موجب.. تكون نفس الحالة اللي ذكرتيها؟
وهل هالشي عادي وما يأثر ؟؟

قال رسول الله - صلى الله عليه وسلم - ( أنكم لن تسعوا الناس بأموالكم فليسعهم منكم بسط الوجه وحسن الخلق ) رواه مسلم


15-03-1428 هـ, 06:33 مساءً
انا معاكم ..

فصيلة دمي B- وزوجي O+

وعيالي كلهم يطلعون علي B-
(سبحان الله )
ولا اخذت الابر بعد الولاده لان عيالي كلهم سوالب مثلي ..

لاكن آخذها خلاال الحمل ..



...اللهم الهم ذريتي رشدهم وارزقني برهم...
15-03-1428 هـ, 06:36 مساءً
انا فصيلة دمي -B وزوجي+A وبعد ولادتي الأولى كان ولدي نفس فصيلتي وماأخذت الإبره وفي بنتي كانت فصيلتها موجبه مثل أبوها وعطوني الإبره بعد الولاده تقريبا ب5 ساعات
15-03-1428 هـ, 06:36 مساءً
رين دانس

فقط اذا الام سالب و الاب موجب قد تحدث المشكله وتحتاج الام الابره بعد الولاده اذا كان الجنين موجب



...اللهم الهم ذريتي رشدهم وارزقني برهم...


الساعة الآن 12:24 .

جميع الحقوق محفوظة - عالم حواء - 2015