السلام عليكم ورحمة الله وبركاته .....
وشلونكم بنات والله .. اشتقت لكم وخصوصا اني انقطعت أسبوع كامل يمكن اكثر مافتحت النت كله
أحس أنه شهر
هذا الطبق (( شعبي )) اسمه الرغيف ,,,,, فيه ناس يسمونه مصابيب ,,,,
وهومعروف عندنا بالسعودية مررررررررررة
ويمكن تناوله كإفطار ,,,, ويحبونه الكبار لأنه طبخة قديمة وزي ماقلت شعبية ........ هذا التوضيح لأخواتنا اللي ما يعرفونه
وانا حبيت اوضح لكم طريقتي في صنعه..والحمدلله دايم تضبط معاي ((ماشاء الله ))
وخصوصا في ناس يطلع معاهم قاسي أويطلع طعمه مو مرة أو لونه ابيض ما نضج ألخخخ
فقلت أفيدكم ... واعذروني إذا طلع الموضوع مكرر لأني ما أدري إذا فيه أحد كتب عنه أولا
بسم الله نبدأ
في البداية نضع الصاج على النار حتى يحمى على بال ما نجهز العجينة
أولا :: المقادير ::
3 كوب طحين عادي (( يعني أسمر .. )) مو الأبيض حق الكيك
فنجان سكر
1ملعقة صغيرة خميرة فورية
1 ملعقة صغيرة ملح ناعم
ماء يكفي لأن تكون العجينة رخوة مثل مقدار الجيك الموضح بالصورة يمكن يساوي لتر ماء
ثانيا :: الطريقة ::
أولا ننخل الطحين جيدا ويوضع في إنــاء للعجن ثم نضع عليه الملح والكر والخميرة ونقلبهم مع الطحين ثم نعجنه بالماء عن طريق المضرب اليدوي
والي عجزانه تعجنه بالخلاط الكهربائي ...
وهذا الخليط
ونشوف الصاج إذا كان حامي مرة نبدأ ونصب العجينة عليه بشكل دوائر مثل الصورة
وهكذا حتى نملي الصاج
:26: يتبع :26:
إذا نضج الرغيف من الوجه الثاني .. نشيله من الصاج وندهنه (( بالدهن / أو الزبدة ))
وممكن تخلين بعضه بدون دهن إذا عندك احد فيه سكر او ما يحب الدهن ولكن أعزليه في إناء آخر أنا أخلي جزء منه ناشف بدون دهن ولا زبدة عشان أمي فيها سكر الله يشفيها
وهكذا تسوين في كل دفعة لين يخلص المقدار ..
وهذا شكله بعد ما خلص وحطيته بالحافظة علشان ما يبرد
ويقدم مع الشاهي والحليب وياسلام مع العسل
وبالعافية عليكم اتمنى تسوونه و يعجبكم
هذي صورة للرغيف بدون دهن
وهذي مدهونة ... تشوفنها تلمع :hahaha: