29-02-1428 هـ, 04:37 صباحاً
السلام عليكم ورحمة الله وبركاته
اخواتي ابيكم تساعدوني بأفكار مميزة لإقامة ركن او معرض يتحدث عن تراث المملكة
أي فكرة ممكن تخطر على بالكم حتى لو تشوفوها قديمة. يمكن تفيد
بنات الله يجزاكم خير لا تهملون الموضوع
03-03-1428 هـ, 12:46 صباحاً
وانا ايضا احتاج لافكار؟؟؟؟؟
03-03-1428 هـ, 04:27 مساءً
up
03-03-1428 هـ, 11:03 مساءً
ممكن تفرشين سدو أو خيزران في الركن وتحطين ملابس قديمة مثل السروال
والثوب المطرز والمشط وأي شي يخص الحريم وتحطين بعد ملابس الرجال
والأطفال البنات والأولاد بعد وحطي بعد الدلال القديمة والفناجين والفنر والدوه
ومحمسة القهوة وغيرة من اغراض البيت القديمة ولا تنسين السيوف
أيه بعد لا تنسين الاكلات القديمة واذا حصلتي وحده تسوي الاكلات قدامكم احسن
07-03-1428 هـ, 03:42 مساءً
جزاك الله خير
07-03-1428 هـ, 05:26 مساءً
انا اعتقد ممكن تسوين مشغولات من قماش السدو وتلصقينها على بعض الاشياء وممكن تبيعينها بسعر رخيص وممكن تضيفين رقصات شعبية واكلات شعبية بعد وادوية شعبية ايضا مع وحدة تقدم فكرة عن الادوية الشعبية
12-03-1428 هـ, 11:42 صباحاً
ممكن تعملين مشهد عن الكتاتيب ( التعليم في الماضي) عملناه بالمدرسه ولله الحمد لاقى إقبال كبير
وممكن مسابقة أفضل طبق شعبي وتكون فيه لجنه لاختيار افضل طبق وتكرم الفائزة
وممكن تعملون حفلة زواج قديمه (بيكيفون البنات) أو ليلة الحناء.
وممكن تسوين الألعاب القديمة أحنا سويناها بالمدرسة بساحة المدرسة الداخلية وتركناها لمدة أسبوع وكانوا الطالبات يلعبون فيها وقت الفرص
تثبيت صور عن الماضي في المدرسة
وممكن تعملين المعرض في بيت شعر (خيمة) ولاتنسين الأدوات التراثية وياحبذا تحضرين ماعز وتربطينها عند باب الخيمة
وممكن توزعين على الحضور القهوة العربية والتمر
والله يوفقك
12-03-1428 هـ, 12:48 مساءً
بقولك فكرة سويناها في المتوسطة


الغرفة قسمناها قسمين قسم للماضي وقسم للحاضر


قسم الماضي فرشنا سدو وخلينا في ربعه بنت جالسة وعندها ضيفة جاية تزورها وبعدين راعية البيت تحمس القهوة وتزينها طبعا تسوي نفسها تزين وتصب للضيفو ويتقهوون

وحولهم بنت معها عيش تزينه يعني توخر الخربان

وحولهم بنت تخض اللبن وتقصد

وقدام هالبنات اكلات شعبية يبيعونها

وعند الباب مجموعة بزارين يلعبون العاب شعبية




وطول ماهم جالسين يرددون قصايد تجدذب الحضور لهم


وقسم الحاضر يبيعون اغراض كمبيوتر وجوالات


بس كان الاقبال عالماضي أكثر



وكل البنات يلبسون ملابس شعبية احنا كنا لابسين ثياب روز وشيال الي مخرمة حقت الاولين الظاهر اسمها منيخل

ولابسين النعال حقت الاولين ومجدلين شعورنا جديلتين
13-05-1428 هـ, 04:16 مساءً
جزاكن الله خير
21-03-1433 هـ, 12:50 صباحاً
الله يجزاك خير على هالافكار


الساعة الآن 08:21 .

جميع الحقوق محفوظة - عالم حواء - 2015