أول شي بدي قول أنه يلي عندها هالات وراثية يعني من صغرها عندها هالات يمكن ما تستفيد من هالموضوع ....أما يلي الهالات عندها حديثة العهد فتابعي معي الموضوع وباذن الله بتلاقي الفائدة...
بالنسبة لي أنا ما كنت اعرف شو يعني هالات من كم سنة بس من كترالتفكير و السهر يلي سهرته وطبعا ندمانة كتيييييير أني ما بطلته من زمان صار عندي شوية تعب تحت العين أزعجني منظره وخاصة أنه بشرتي بيضاء فكان يبين أي لون تحت عيني حتى لو كان خفيف...
وبالنسبة للخلطات بتكاسل أعملها وخاصة لتحت العين بحب الأشياء الجاهزة والسريعة بحيث اذا في مناسبة يكون شي فوري وسريع ولهالسبب بحثت وجربت كتير وحبيت فيدكن بخلاصة تجربتي...
طبعا استخدام ماسكات العين كتير بساعد على الحفاظ على رونق منطقة تحت العين وفي ماسكات نتيجتها فورية لتمحي مظاهر الارهاق وفي منها علاجية وتستعمل عادة مرة الى مرتين بالاسبوع حسب الحاجة طبعا مع المحافظة على استخدام الكريمات اليومية بانتظام..
نجي للماسكات:
أول ماسك جربته وكانت نتيجته ملطفة نوعا ما بس غير كافية هو من Clarins اسمه:
Skin-Smoothing Eye Mask وهي صورته:
❤❤★★★★❤❤❤❤★★★★❤❤❤❤★★★★❤❤
تاني ماسك جربته من Clinic واسمه Moisture surge eye gel ما حسيته فادني أبدا بس يلي خلاني اشتريه وقتها انه قالتلي البياعة أنه ممكن يستعمل ككريم وممكن يستعمل كماسك اذا وضع لمدة 10 او 15 دقيقة بس ما حبيته بكل حالاته...بشكل عام الجل أخف مفعوله من الكريم وهي صورته:
❤❤★★★★❤❤❤❤★★★★❤❤❤❤★★★★❤❤
ثالث ماسك جربته من la Colline واسمه Cellular Vital Eye Mask مشكلته هالماسك أنه سعره غاااااااالي جدا 39 دينار كويتي...لما شفت سعره وقتها قلت بركي بما أنه غالي معناتا أكيد مفيد بس المشكلة اني لما جربته كنت بنفس الوقت موقفة السهر وعم نام بكير وأعتني بغذائي وأشرب ماء كتير لذلك وقتها احترت اذا التحسن يلي صار كان بسببه أو بسبب نظامي...بعدها رديت اشتريته مرة تانية لأتأكد ولقيته مفيد الى حد ما بس ما بيستاهل كل هالسعر وهي صورته:
❤❤★★★★❤❤❤❤★★★★❤❤❤❤★★★★❤❤
رابع ماسك من DECLEOR واسمه Hydra Floral Eye and Lip Moisturizing Mask هو برطب فعلا بس ترطيب بدون أي شي تاني:
❤❤★★★★❤❤❤❤★★★★❤❤❤❤★★★★❤❤
خامس ماسك هو من الصيدلية عبارة عن لصاقات توضع على العين....الشي المغري فيها أنها سهلة الاستخدام بدون لا غسل ولا شي ولا بتترك أي أثر وسعرها معتدل..مفعولها مو خارق بس شكل العين بصير مرتاح نوعا ما وهي للانتفاخ والسواد والخطوط الدقيقة (هيك مكتوب عليها) فيها 4 حبات يعني تستخدم 4 مرات فقط أول أسبوع توضع مرتين بالاسبوع لمدة 30 دقيقة والاسبوع يلي بعده توضع مرة وحدة وهي صورتها:
❤❤★★★★❤❤❤❤★★★★❤❤❤❤★★★★❤❤
اخر ماسك اشتريته ولقيته الأفضل ومفعوله أسرع من الباقي وخاصة للسواد والخطوط الدقيقة هو من Shiseido واسمه Pure Retinol Instant Treatment Eye Mask وهو عبارة عن قطع مبللة بالريتينول توضع على العين لمدة 15 أو 20 دقيقة وتقريبا هذا أكتر ماسك من بين يلي جربتن لقيت مفعوله فوري الى حد ما وبنفس الوقت هو علاجي بس برجع وبقول يا بنات أنا ما عندي هالات وراثية يعني من 5 سنين كان لون تحت عيني بالظبط متل لون خدي بس من كتر السهر والتفكير والارهاق تغير الوضع ولهالسبب جربت كل هالماسكات يلي شفتوها
وهي صورته:
في بداخله 12 قطعة مختومة كل قطعة فيها 2 لصقة لكل عين على الشكل التالي:
نصيحة على الماشي: اذا كنتِ بتسهري بالليل لوقت متأخر وعم تعاني من الهالات فاتأكدي تماما أنه مافي شي بالدنيا ولا ماسك ولا كريم رح يأثر بالهالات وعن تجربة شخصية لما بطلت السهر بلشت حس بالفرق +استخدام الماسكات والكريمات شفت نتيجة مرضية نوعا ما بالنسبة لي
انشالله يكون الموضوع عجبكن وتستفيدوا منه...لا تنسوني من صالح دعائكن :26: