05-02-1428 هـ, 06:07 مساءً
السلام عليكم ورحمة الله وبركاته
بنات ياليت تساعدوني تعرفون تاكوهت عنده مكرونه روعه مجننتني طعمها روووووووووووووعه وعجزت أعرف مكوناتها بضبط لكن فيه بعض الأشياء عرفتها البصل والفلفل البارد والجبن خطيره صح
وكذلك الدجاج ألي عنده روعه الوجبه أسمها على ماأعتقد فاهيتا لأني على طول أطلبها بشكل ماأقراء أسم الوجبه بنات تكفون أبغى أعرف طريقتها كيف الله يجزاكم الجنه
05-02-1428 هـ, 09:34 مساءً
خبز تاكو الدجاج
و ساندوتش الفاهيتا
و البهارات اللي تخلط مع البطاطا المقليه

يا ليت اللي عندها خبره تعلمناااا


وشكرااا



05-02-1428 هـ, 10:43 مساءً
والله ماعندي فكرة

بس دخلت عشان أقولك أني مرة اكلت منه انا وأختي وأخوي وجتنا نزله معوية

الله يبعد عنك الشر



06-02-1428 هـ, 01:02 صباحاً
المكرونة ماذقتها

بس الفاهيتا انا اعمل مثلها بالبيت بالضبط بس بالدجاج

اول شي ايب صدور دجاج واكون مقطعتها اصابع رقيقة واشوحها على النار مع زيت زيتون وخليها لين ماتبيض وتستوي وتبدا تحمر وهذا ياخذ من 10 دقايق ل15 دقيقه على نار هادية عشان ماتنحرق من برا وجوا مااستوت
اجيب بصل احمر او ابيض المتوفر اكون مقطعته جوانح واضيفه على الدجاج واقلبه لين مايبدا يذبل
اضيف فلفل رومي اخضر مقطع لجوانح واقلبه شوي
اضيف الملح والفلفل الاسود وملعقة كبيرة ماسترد((((الخردل))) واعصر ليمون واضيف البابريكا ملعقتين كبيره انا احب طعمها فيه وفيه ناس تضيف بهارات الفاهيتا مجمعة من السوبرماكت في علب
اخر شي اضيف طماطم مقطعه جوانح واخليها بس شوي لين ماتنخلط مع كل الماقدير وارفعها من النار
اكون مجهزة خبز الفاهيتا ةادهن شوي جبنة سايلة وشوي مايونيز واحط من الخلطة واللفها
احمرها في الشواية الكبس او تاكلينها كذا براحتك


البطاطس مافيه شي غير انه مقلي عادي واول ماطلع وهو حار رشوا عليه بابريكا

وبالعفية على قلوبكم
06-02-1428 هـ, 04:09 صباحاً
السلام عليكم
خذي مني الطريقة المضمونه إن شاء الله أكيد وأنا واثقه منها
للمعكرونه لأني بعدأحب تاكو هت
أولابالنسبه للدجاج صدوردجاج مقطع أصابع ووبعدين تعصرين عليها شوية ليمون وخل وملح علشان الزفروتتركينها نص ساعه وتغسلينهم مرة ثانيه وبعدين في قدرحطي زبده وبصل وقليل ثوم وحمسيهم وبعدين خذي الدجاج وحطيه عليهم وحركيه وبعدين الفليفله وبعدين البهاربس حطي(قليل كمون وقليل فلفل اسود وملح وأوجينو موتو قليل جدا)ونجي للسرحطي عليهم أوريجانولأن نكهته باينه بالدجاج بس لاتكثرين حطي قليل وحركي وذوقي كل ماأحتاج زيدي وبس
نجي للأهم المعكرونه
طريقتها ياعزيزتي هي أنك
1**تسلقي معكرونه أصابع (خليها مستويه بس شوي صلبه لأنها راح تتبخرعلشان ماتعجن معاكي)
2**في قدرثاني حطي طماطم معصورة شفتي اللي يجيك معلب بالسوبرماركت مقشرومحطوط مع مائه
أشتري علبه وبعدين أهرسيها مضبوط وبعدين حطيها على النار وحطي عليها فلفل أسودقليل وكمون قليل وأوريجانو قليل وملعقتين صلصل وحركيهم مضبوط حتى يثقل
3**السرحطي عليهم نص علبة كريمه مخفوقه (أوعلى حسب كمية المعكرونه أنا أستخدم معكرونة العلالي أصابع كيس ونص وأحط علبه كامله تطلع لك غنيه بس تأكدي الكريمه ماتكون للحلويات) وخلطيه مضبوط وبعدين اذا تحبين لونها أحمرزياده زيدي صلصل وحركي
4**صفي المعكرونه وحطيها على الصلصه وحركيها مضبوط وخليهم على نارهادئه حتى تتبخروبعده قدميها مثل طعمهم بالضبط وأحلى
(ملاحظه) ممكن تستخدمين القيمربدل الكريمه بعد يطلع لذيذ لكني أكثرشئ أستعمل الكريمه
ولاتنسيني من دعوة حلوة الله يسعدك أن الله يحقق أمنيتي عاجل غيرآجل وأي سؤال حاضرمن عيوني وإذا سويتيها عطيني خبرلاتنسين وطمنيني وان شاء الله بتعجبكم
وصلى اللهم على نبينا محمد وعلى آله وصحبه وسلم
06-02-1428 هـ, 06:47 صباحاً
انا كمان اموت على تاكو هت بس مين تعرف طريقة البطاطس المهروسه عندهم
06-02-1428 هـ, 03:08 مساءً
الله يجزاها خير كل وحده ردت
أخت عبير بنفسج مشكوره لكن المكرونه فيها فلفل بارد وبصل وألي ذكرتي تختلف عن تاكوهت وياليت ألي عندها معلومه تساعدنا
09-02-1428 هـ, 07:35 مساءً
للرفع
11-02-1428 هـ, 05:19 مساءً
حرام عليكم ساعدوني
01-11-1428 هـ, 07:08 مساءً
upupup


الساعة الآن 06:31 .

جميع الحقوق محفوظة - عالم حواء - 2015