السعودية - شرق الرياض
معلمه ابتدائي ومتوسط
معلمه تاسيس ومتابعه كل المواد وحل الواجبات وشرح رياضيات وE ابتدائي ومت
              

السعودية - شرق الرياض
معلمه ابتدائي ومتوسط
معلمه تاسيس ومتابعه كل المواد وحل الواجبات وشرح رياضيات وE ابتدائي ومت
قديم 07-02-1428 هـ, 05:23 صباحاً   #21
ديباج الجنان
عضوة شرف في عالم حواء
 
الصورة الرمزية ديباج الجنان
 
تاريخ التسجيل: 12-07-1422 هـ
المشاركات: 4,057




جايه اليوم توقعت ان الناس تنتظر لقيت الموضوع واصل للصفحات الأخيره

شكل البنات يقرأون بدايه الموضوع عن المنكرات ويطلعون مايعجبهم

الله يهدي الجميع لكل مافيه خير
والموضوع كل هدفي من وضعه هو اعطاء كم افكار تساعدكم
بتنسيق وتنظيم حفلاتكم باقل الأسعار للتشجيع على عدم الأسراف والتكلف وتضييع الوقات بمالا يفيد




أفكار عديده لتنسيق حفلة داخل المنزل
ممكن تكون ملكه أو خطوبه أو حفله عائليه يعني ألأفكار تنفع للجميع

في البدايه
سمي بالله وأدعي الله بتيسسر أمورك تراها خطوه مهمه عند عمل أي شئ
وايضآ لا تنسي أشغال نفسك بالتسبيح والاستغفار وانتي تشتغلين حتى لا يضيع وقتك بهالأمور

كل النساء بطبيعتهن يحبون الزين ويدورون عن الزين
وتضيع فلوسهم بسبيل هالزين
ودايمآ يبحثون عن المتميز والغريب وووو
وللأسف اننا نعتقد يعتقد البعض أن الأابداع هي صفة من وحي الخيال
أو أنها حصر على بعض الأشخاص


هنا أقول لا
هم ناس مثلنا مثلهم وبشوي شطاره وتصميم وصلوا الى القمه
ولو لا حظتوا انتشار البنات اللى الأن بدوا يكسبون ذهب ماشاءالله من هذه الأعمال

والله انها مشروع ناجح بعد توفيق الله واللى بتستثمر هالفرصه
تراها مكسب هههههه رحنا بعيد عن الموضوع



واحب الفت نظركم لأمر مهم
هو انك كل ماشفتي تنسيق او حركه
حلوه بمكان بحفله بصوره بأي محل
احفظيها بعقلك وصممي على تنفيذها ,,


مع الوقت راح يصير عندك افكار متنوعه وكل فكره تجيب الثانيه
اقل شي تكفين نفسك وبيتك وماتحتاجين لصرف هالفلوس بهالامور


نرجع للشغل والتجهيز ليوم الحفله واللي عندها حفله اكيد راح تفيدها هالأفكار

واهم نقطه انك تكونين مجهزه كل ماسبق ذكره بغرفتنا اللى ذكرتهابالأعلى
بس تدخلينها تنشرح نفسك وتتشجعين للتنفيذ.
وهذا كوم واذا شفتي البيت بعد تنسيقك راح تزيد فرحتك
دعي لمساتك تزين حفلاتك





ملاحظه
بالنسبه للصور الموضوعه في الموضوع هي حصيلة محرك
البحث واحيانآ تطلع مواضيع للمنتديات وعليها اسم العضوه
حبيت انبه انها غير منقوله ولكن هذا كله نتيجة محركات البحث



ديباج الجنان غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر

قديم 07-02-1428 هـ, 07:59 صباحاً   #22
ديباج الجنان
عضوة شرف في عالم حواء
 
الصورة الرمزية ديباج الجنان
 
تاريخ التسجيل: 12-07-1422 هـ
المشاركات: 4,057




قبل مانبدأ بداخل البيت
أهم شي حديقة المنزل(الحوش)وهذا تعرفونه اكثر ههههههه



أول مايقابل المعازيم هو حديقة المنزل ولمسات بسيطه
راح تخلينها روعه بأبسط التكاليف وهذا المطللوب


وخاصة لو كانت الطاولات بالحديقه بتطلع أحلى واحلى



الكل أو الأغلبيه عندهم أشجار بحديقة او مدخل البيت الخارجي



والمطلوب الأنوار الصغيره وهاذي متوفره عند محلات ابو عشره وبأطوال مختلفه
يعني اشتري كميه واحفظيها عندك وراح تخدمك بكل المناسبات



وحسب ماسمعت ان فيه اشكال تشتغل بالبطاريه
وهاذي تناسب المكان اللى مايكو ن فيه فيش للكهربا




انتهينا من الفكره الأولى وهي تزيين الأشجار بالأنوار وهاذي غير مكلفه نهائيآ

الفكره الثانيه

الطاولات وتنسيقها



اذا كانت المناسبه كبيره لازم تستأجرين طاولات من محلات تجهيز الحفلات وهي عادة رخيصه
مع الكراسي حقتها
وان كانت الحفله لداخل البيت ايضآ تستأجرين الطاولات ألأقل بالحجم ماتكون كبيره

ولو عندك الطاولات الدائريه الخشبيه افضل تقدرين تزينينها بنفسك
وانا مره سويت حفله من الطاولات الموجوده عندي لعدد قليل 16 شخص فقط
ولبستها شيفونات واقمشة ستاير قديمه عندي واستغليتها بالتزيين
يعني كل شي ينفعك المهم

طاولات المحلات يجي معها المفرش السكري انتي ابدعي بالمفرش اللى فوق الطاوله وهنا ألابداع راح يضيف لمسة فخامه ملكيه

واللى لها خلق تفهم تركز معي
افضل شي لتزيين الطاولات الخامات المخمليه الموشاة باللون الذهبي
ولو اخترتي اللون اللى تحبينه وسويتي لك كم مفرش ماراح تكلفك اكثر



ولأن عندي خبره كافيه بأسعار الأقمشه المخمليه القطيفه والأورجنزا المطرزه بالخيوط الذهبيه
راح اعطيكم نموذج لأسعارها وراح تتفاجاون أكثر أذا شفتوا غلاء اسعارها بمحلات الثاث

القطيفه اللى تناسب الطاولات سعرها بالمتر 12 ريال والفخمه ب20 ريال موجوده بشارع الظهيره

هنا نموذج لقماش القطيفه



وسعر الأورجنزا المطرزه بخيوط ذهبيه وهي مثل اللى نحطها للستاير
سعرها احيانآ 10 ريال واحيانآ 12 ريال,ولو تشوفونها ماتصدقون تقريبآ مثل كذا
بس التطريز يكون ذهبي


وعندك خامات كثيره ورخيصه ولو تاخذينها بالجمله جدآ رخيصه
اللفه الكامله ماتكلفك اعتقد اكثر من خمسين ريال وتلاقينهم بشارع الظهيره بعد

وبالنسبه للكراسي تستفيدين من خامات التول والشيفون
والأورجنزا





تربطينها بكل بساطه على ظهر الكرسي بهالطريقه


مع غصن ورده اللولبي تلاقينه بريالين ولكن بالجمله ارخص بكثير



يعني حتى الشالات لو شريتي مثل ماذكرت لك بألأول اللى الدرزن ب18 ريال
تقدرين تسوين حركان بسيطه بالكراسي من خلال الأفكار اللى عندك فوق


تابعوا الموضوع




ديباج الجنان غير متواجد حالياً رد مع اقتباس

قديم 08-02-1428 هـ, 05:33 صباحاً   #23
ديباج الجنان
عضوة شرف في عالم حواء
 
الصورة الرمزية ديباج الجنان
 
تاريخ التسجيل: 12-07-1422 هـ
المشاركات: 4,057





حياكم الله
ولو اني ماشفت احد لكن بأكمل الموضوع
لأن هدفي منه مساعدة البعض وتخفيف التكاليف الماليه بوضع بعض الخبرات المناسبه
والموضوع طويل ومتشعب ويحتاج وقت ودعم لكن تستاهلون

تابعوا الموضوع لا يتراجع للأرشيف بغمضة عين
نتابع الموضوع


نكمل الجزء الخاص بتنسيق الطاولات



تحدثنا عن المفارش وهلحين بنتكلم عن الفازات


وهنا اشكال مختلفه




والأستاندات واالشمعدانات




وكل مايوضع فوق الطاوله
طبعآ الأفكار كثيره ومتنوعه..



لكن من اجمل وانعم الأشكال
هي اللى يكون فيها الخرز والكريستال والاغصان والريش
لأن فيها تنوع وماتخسرينها مثل الورد الطبيعي اللى ماتستفيدين منه
لكن مافيه مانع مو بعض الحبات تضيف رونق للطاوله

واحب اقول لكم شي بالنسبه للخرز والكريستال
لأن البعض يعتقد بأنه غالي وهو رخيص جدآ

وسوقنا السويلم الله يسلمه يعج بأشكال وألوان منها
اللى بعشره واللى ب15 ريال
والكريستال اللى تجي قلوب ونص هلال ودوائر تلمع
الكيس الظاهر اخذته ب3 او ب5 ريال والله مااذكر

مثل هنا



وفيه عندنا بعد الأغصان اللولبيه وهاذي منتشره بكثره تقريبآ مثل هنا


والأغصان الورد المجفف تلاقون اشكال حلوه عندهم وتنفعك بكل المناسبات




والشمعدانات تلاقين اشكال رخيصه واحيانآ تحتاج للمسات مثل تعتيقها باللون الذهبي حتى تطلع احلى وتناسب جميع الألوان والديكورات وتقدرين تستغلينها بأشياء كثيره يعني ماهي بحسافه ابد

شوفوا هنا شمعدان فضي عادي لكن مع الشموع يعطي شكل ثاني



وهنا فازه بسيطه ومثل هاذي بعشرة ريالات
وفيها اغصان متفرقه وحوامل الشمع الجانبيه متوفره ورخيصه
ويمكنك ان تضيفين لها قطع من الشيفوت او التل او الأورجنزا وتلفينها حولها بشكل انسيابي وراح تعطيك شكل احلى







وعندكم بعد الكور الزجاجيه
اللى تتعلق بالحوامل وشفتها كثير عند زهرة الربيع اللى يعبونها مويه ملونه
او قش مذهب وهاذي صراحه ابداع وايضآ شفتها عند محل بالسويلم
وهي مو غاليه ولا رخيصه لكن بالجمله ماراح تكلف وتنفعك بكل وقت






تااابعوا



ديباج الجنان غير متواجد حالياً رد مع اقتباس

قديم 08-02-1428 هـ, 09:53 صباحاً   #24
ام ريوف ورواء

عضوة فعالة
 
الصورة الرمزية ام ريوف ورواء
 
تاريخ التسجيل: 24-09-1426 هـ
المشاركات: 717


السلام عليكم
اول شي ماشاء الله تبارك الله بجد بجد بجد موضووع اكثثثثثثثثثثثر من رائع الله يبارك فيك ولك ويجعله في ميزان حسناتك قريت اول صفحتين مره تجنن الافكار ماشاء الله عليك بكره ان شاء الله اكمل مره تعبت الله يعطيك العافيه وكلامك صح ميه بالميه والله يصلحنا ويهدينا يارب لما يحب ويرضي واسلوبك اكثر من رائع انا متابعه معاك وان شاء الرحمن ارد كل كم يوم ارفع الموضوع لانه بجد مهم ومره حلو ومفيد والله يبارك فيك بس عاد ما اقدر ادخل كل يوم بحكم غربتي ومشاااااغل انا اموت بالحركات دي بس المشكله الغربه مافي وقت لشي لكن ان شاء الرحمن لما ارجع السعوديه واسوي حفلة تخرجي استفيد من الافكار الرائعه الي اعطيتينا هيا وارجع واقول تابعي انا معاك


ام ريوف ورواء غير متواجد حالياً رد مع اقتباس

قديم 08-02-1428 هـ, 10:33 صباحاً   #25
ديباج الجنان
عضوة شرف في عالم حواء
 
الصورة الرمزية ديباج الجنان
 
تاريخ التسجيل: 12-07-1422 هـ
المشاركات: 4,057




حياكِ الله اختي ام ريوف ورواء



بصراحه كسرتي حاجز الصمت...وعطتينا شوي كلمات مشجعه



الله يباركِ فيكِ..ويسعدني متابعتك للموضوع
وباذن الله تجدين كل مايسرك


ديباج الجنان غير متواجد حالياً رد مع اقتباس

قديم 08-02-1428 هـ, 10:53 صباحاً   #26
ديباج الجنان
عضوة شرف في عالم حواء
 
الصورة الرمزية ديباج الجنان
 
تاريخ التسجيل: 12-07-1422 هـ
المشاركات: 4,057




نكمل تنسيق الطاولات وافكار كثيره

احيانآ نشوف طاولة ديكوريه رائعه وتعجبنا ونوقف قدامها منبهرين
لكن بقليل من التركيز نجد ان حسن اختيار الألوان وشوية حركات
مثل اوراق الورد المنثوره او حبات الكريستال المتلالئه او اغصان لامعه

شوفوا هنا الصوره ماعليش كبيره شوي مااعرف للتصغير



لو دققتوا النظر الهيكل هذا جدآ متوفر وأي شجره تعطينا النتيجه الرائعه
فكل ماطلعتوا يمين او يسار بتشوفون الأشجار مرميه بهالشوراع
تحتاج لمسات بسيطه مثل تنظيفها من الأوراق ورشها ببخاخ الذهبي
وشوية ترتر لامع


بعد كذا حطوها بأي قاعده سواء خشبيه او فازا
وبعدين يجي الأبداع شوية سلاسل من اللولو الذهبي والأوف وايت أو
وقطعة من الريش الأحمر حطيها بطريقه متداخله على كيفك





شوية اكسسورات كريستاليه او خرز او عقود اللولوعلقيها على الأغصان




ويبقى الهيكل الداخلي عندك كذا فكره

عندك قش ذهبي لامع الكيس بالريال رووعه ويعطي تأثير حلو بمحلات الجمله
أو قطعه من الريش وتنزلينها على جوانب الفازه او القاعده


او قطعه من الأورجنزا بلون سكري بذهبي تقريبآ مثل هنا




وانثري اوراق من الورد الصناعي او الطبيعي على الطاوله





ووزعي قواعد الشموع سواء بفازات صغيره مره او بقواعد من الورد
حسب ماتحبين








او هنا




يعني كل مانوعتي بوضع الديكورات على الطاوله تعطينا منظر احلى


ديباج الجنان غير متواجد حالياً رد مع اقتباس

قديم 08-02-1428 هـ, 11:13 صباحاً   #27
مفهيه

عضوة فعالة
 
الصورة الرمزية مفهيه
 
تاريخ التسجيل: 19-04-1427 هـ
المشاركات: 918


الله يعطيك العافيه

كملي

متابعينك



مفهيه غير متواجد حالياً رد مع اقتباس

قديم 08-02-1428 هـ, 11:14 صباحاً   #28
عزيزة
المشرفة العامة
 
الصورة الرمزية عزيزة
 
تاريخ التسجيل: 16-06-1421 هـ
المشاركات: 14,569




ياسلالالالالالالالالالالالالال الالالالالالالالام

طحت بالصدفة على هذا الموضوع

وصراحة الفضل لله ثم للادارة اللي خلت آخر موضوع يظهر على
واجهة المنتديات والا ماكان عرفت فيه


ديباج الجنان (الله يجعل الجنة من نصيبك ياقلبي)

بصراحة مثل ماعودتينا

مواضيع راقية جداً
ومفيدة


وانا اول المستفيدات لانه بزوج بنتي الثانية

وراح ينفعني موضوعك جدا جدا

على انه الزواج مو علينا على العريس

بس الواحد ياخذ افكار من هنا ومن هناك

راح اتابعك حتى لو مارديت



الله يعطيك الصحة والعافية















عذراً
ان كان لديك اي شكوى توجهي الى قسم الشكاوي
لاني لن ارد على اي رسالة تخص حذف المواضيع او تغيير الاسماء
على الخاص
علما ان تغيير الاسماء ممنوع







أم فيصل ستبقى دائما في قلوبنا



الله يرحمك ويدخلك فسيح جناته
عزيزة غير متواجد حالياً رد مع اقتباس

قديم 08-02-1428 هـ, 12:30 مساءً   #29
ديباج الجنان
عضوة شرف في عالم حواء
 
الصورة الرمزية ديباج الجنان
 
تاريخ التسجيل: 12-07-1422 هـ
المشاركات: 4,057







مفهيه

الله يعافيكِ *****الله وانا معك على طول الخط الموضوع طويل وتابعيينا


لحظه اشارة مرور لأني احناج تركيز شوي باتأكد هي عزيزه موجوده والا انا بحلم



لأن وجودك هنا يعني لي الكثير



أولآ
العين ماتعلى على الحاجب مثل مايقولون
ثانيآ
وجودك راح يخليني اتحمس اكثر من غير قصور بالموجودين

لكن والله يعلم بفرحتي بشرف وجودك هنا ومتابعتك للموضوع
فوجودك هنا تعني لى بصمة الجوده هههههههههههههه
يعني حصلت على علامة الأيزو

حياكِ الله يالغاليه وأسعدك الله في الدارين



ديباج الجنان غير متواجد حالياً رد مع اقتباس

قديم 09-02-1428 هـ, 05:48 صباحاً   #30
ديباج الجنان
عضوة شرف في عالم حواء
 
الصورة الرمزية ديباج الجنان
 
تاريخ التسجيل: 12-07-1422 هـ
المشاركات: 4,057




السلام عليكم ورحمة الله وبركاته
نكمل على بركة الله تنسيق الطاوله وتوابعها




من الأفكار الغير مكلفه واللى تعطي
شكل جذاب وحلو

التأثيرات بالأقمشه فقط يعني تختارين مفرش للطاوله من التل والأورجنزا
شوفوا الصوره هنا نسوي كرمشه(عفوآ للكلمه)ههههههه بس عشان تفهمون
حنا قلنا نتكلم بالعامي اسهل للشرح ويدخل القلب



يعني شوية تاثيرات بخامة القماش ونثر اوراق
بسيطه من الورد
مع فازات شموع صغيره بتطلع الطاوله مره حلوه وماتحتاج جهد




واذا اخترتي لون مناسب راح يطلع احلى بالتأكيد
خاصة لو دمجتي لونين شوفي هالفكره عنك هنا لون هالمفرش مثلآ
تخيلي لو جبنا متر واحد بس من التل اللمعه وحطيناه فوق
المفرش الأشاسي بشوي حركات متموجه وش بيطلع!!



يعني الخيال واسع هنا وتخيلي بعد اللون العنابي مع الذهبي ملوكي هذا عاد
أو الفوشي والذهبي




وعلى فكره بالنسبه للشموع لها افكار عديده تقدرين تستغلينها
اي قاعده زجاجيه او ورد او حتى البرطمانات الموجوده عندك بالمطبخ تقدرين تغيرين شكلها

شوفي هالنموذج



بنشوف ان الهيكل الداخلي مو واضح ولا احد يقدر يشوفه
يعني اي علب زجاجيه عندك واحجام مختلفه جمعيها واحفظيها بكرتون بالمخزن مثلآ



شوفي هنا بالخلف اشكال الشموع بالزجاجيات شلون تعطي شكل



وعند المناسبه راح تبدعين فيها مثل

تلبيس النموذج بقطعه مربعه من الورق المستخدم في تغليف
الهدايا اللى يكون مثل المناديل ناعم شوي
وفيه بشارع العطايف بالمكتبات الوان خيال


وبعد ماتلبسينها تربطينها بشريطه من القش وهذا
مستهلك كثير عند محلات الهدايا وهو يعطي لمسة لأي تغليف
تلاقونه بالسويلم بعد لفه كامله ب25 ريال تقعد اشهر حسب الستخدام



وبعد ماتربطينها انتي
وخيالك الواسع تقدرين تحطين فوق الربطه اي اكسسوار عندك قديم
تراه يعطي شكل عشان تفهمون قصدي تقريبآ مثل
هذا بس الصوره لنموذج كبير بس انتم خذوا الفكره وابدعوا فيها




وانتي عاد تقدرين تنوعين بالربطه قش او شرايط اورجنوا او قطعه
من التل المستخدم في مفرش الطاوله نفسها يعني الخيال واسع انتي بس فكري وبتلاقين خير

شوفي مثلآ هنا ورق التغليف الذهبي مناسب لتلبيس اي جسم وحلو للحفلات




يتبع



ديباج الجنان غير متواجد حالياً رد مع اقتباس








أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 11:11 .


شات عالم حواء
تابعونا على Google+
تابعونا على instagram
تابعونا على twitter
تابعونا على Facebook