جهاز تكسير الدهون الـ LPG تجـاربكم افيدونـي - منتديات عالم حواء

السعودية - جميع دول الخليج
كتاب نكهة الاطباق
كتاب طبخ رائع يحتوي 16 قسما منوعا كل ماتتمنينه وأكثر ..جربيه لن تندمي
              

السعودية - جميع دول الخليج
كتاب نكهة الاطباق
كتاب طبخ رائع يحتوي 16 قسما منوعا كل ماتتمنينه وأكثر ..جربيه لن تندمي
قديم 02-02-1428 هـ, 10:54 مساءً   #1
عـــواشـــه

عضوة
 
تاريخ التسجيل: 16-10-1425 هـ
المشاركات: 164


Unhappy جهاز تكسير الدهون الـ LPG تجـاربكم افيدونـي

سلام عليكم
كيفــكم يا حلـوات


بنات انا طولي 159 ووزني 62
الحين انا بادية ريجيم وان شاء الله اخف عليه
بس مشكلتي اني حتى لو وصلت للوزن اللي ابيه راح تظل عندي منطقه الارداف مليانه ومعقدتني

[

فيالـيت من كل وحدة جربت الLPG او احد من معارفها جربـه تخبرني بالنتايج
خصوصا لو كنتي من نفس نوعي عندج سمنه مرتكزة في الارداف



1.شكثـر استفدتي ((يعني النتايج)) جم سم نزلتي من المنطقه اللي سويتيها؟؟
2. هل حسيتي ان المنطقه اللي سويتيها انشدت أو صغر مقاسها؟؟
3. كم جلسه سويتي ومن اي جلسه بدت النتايج تبين ؟؟
4. شكثر الزياده في وزنج؟؟
5. سويتي رياضه معاه؟؟
6. رجعتي عقب ما وقفتي جلسات لوضعج السابق ولا لاا واذا رجعتي هل تحسبنه بسبب اهمال منج او انه اهو يعطي نتائج مؤقته ؟؟
7. كم سعر الجلسه وفي اي مركز سويتيهاا
8. تنصحينـي اسويها اذا كل منطقه بجسمي عاجبتني ماعدا اردافي ؟؟


سامحوني على كثر اسئلتي و استحملووني بس والله اني متعقده وااااايد من اردافي وودي اسوي الال بي جي بس متردده .

واللي ترد لها دعوة مني في ظهر الغيب

السعودية - جميع دول الخليج
كتاب نكهة الاطباق
كتاب طبخ رائع يحتوي 16 قسما منوعا كل ماتتمنينه وأكثر ..جربيه لن تندمي


عـــواشـــه غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر


قديم 03-02-1428 هـ, 12:01 صباحاً   #2
عـــواشـــه

عضوة
 
تاريخ التسجيل: 16-10-1425 هـ
المشاركات: 164


بنـات انا بإنتظـار ردودكم وسويت بحث في المنتدى وطلعت معاي هلنتايج حق اللي داخلين الموضوع وعندهم نفس مشكلتي

بعض تجارب العضوات

um fofo
عن تجررررررررررررررررررررربه روووووووووووعه والله العظيم يحط جسمك متنااسق وابعد عندي السيلولايت .....عملته مع ريجيم وعن جد النتيجه واااااااااااضحه..بس اتوقع انو على حسب اللي تعمله لك ....انا عملته بمركز الصبحي

وهذا موضوع مجرببته الاخت جوجو وتقول نفعها وطامعه في تجارب اكثر عشان اتطمن
http://forum.hawaaworld.com/showthread.php?t=331841

وفيه موضوع للدكتورة راس المال بس بعد متردده ياليت تنوروني

http://forum.hawaaworld.com/showthre...&highlight=lpg

بانتظــار ردودكم


عـــواشـــه غير متواجد حالياً رد مع اقتباس

قديم 03-02-1428 هـ, 08:13 مساءً   #3
عـــواشـــه

عضوة
 
تاريخ التسجيل: 16-10-1425 هـ
المشاركات: 164




شدعـــوة بنات موضوعي وصل رابع صفحه وولا رد

للـرفع


عـــواشـــه غير متواجد حالياً رد مع اقتباس

قديم 03-02-1428 هـ, 10:29 مساءً   #4
عـــواشـــه

عضوة
 
تاريخ التسجيل: 16-10-1425 هـ
المشاركات: 164


بعد البحث :


روز الحمراء :
شوفي السلولايت اللي عندي كان بشع جدا واتنكد منه ونفسيتي تعبت للاخر

ورحت لمركز مايز وانا كلي امل انه يرووح ولو ربعه وكان ودي بشيووول يشيله ويشييل اللشحمم معه مع ان وزني شوي 50 كيلو بس لكن مشهوني بدرجه فضيعه متعرفط عرفطه وقشرة برتقال على سنع وترهل شديد وععععععععععع

والله اني صادقه بكلامي ورحت لمايز والحين ياسلااام احمد ربي واشكره والله من كثر ماتعبت نفسيتي والله اني ادعي اذا طفت بالكعبه واشرب مويه زمزم وانا انوي انه يروووح

وفعلا بعد صبر وجهني ربي لهالمركز

والحين الحمدلله راححح بالمره مع اني ماطولت بس تسع جلسات والعادي لازم 12 جلسه

وشد جسمي لانه يشد هالجهاااز

والعرافيط رااحت صاير املس وصغرت المؤخره وتناسقت

والله اشكر من كتبت الموضوع بالساابق وادعي لها بالجنه

والجهااز عبارة عن تدليك قوي ويشفط بالهواااء من برا زي المكنسه ويدللك في وقت وااحد
وصدقوني مافيه كيمااوياات ولاشئ يدخل جسمك ابدا بس تجريك للانسجه المتراكمه عشاان يتحرك المويه اللي مسبببه السلولايت وتختفي بعدها السموم

لكن

























مهم جدا لازم بعدها تحااافظين على اكلك لازم صحي ومعتدل وتمضغين زين عشاان تمووت السموم بالاكل
وصدقيني ماراح يرجع لك للابد واقرب مثال شوفي الغرب كيف اجسامهم

والبنات يقولون يرجع زي اول اقوول نعم يرجع اذا اكلتي دهوون وسموم مثل اكلات سريعه وعدم اكل الفاكه والخضار الطازه

وتقولون مافيه فايده
اقولوكم انتي مثلا سويتي رجيم عادي ونحفتي وشفتي جسمك زين هل ياترى بتقولين خلاص جسمي زين رااح اكل ماابي وكل مااشتهي رااح يرجع جسمك زي اول او اخس بعد
ليش يسبون بالالبي جي؟؟؟؟ العيب مو فيه العيب فينا ما نحط حدود لااكلنا
لاتنسسسسسسسسسسسسسسيييييييييييي ييييييييييق ولا نظام

بس
انا كتبت اللي اعرفه
وارجوا ان الباقي يسدتفيدون

وملاحظه مهمه
لازم تكثرين شرب المااااااااااااااااااااء >>>>>>>>>>>>>مهم جدا واقوله لين ينبح حلقي

واذا تبين الجلساات تظبط معاااك لاوم تشرب كثير



imay:
انا جربتة بصراحة خطيرررررررررررررررر
بس هم قالوا لي لو زدتي فوق 5كيلو او حملتي مو مسؤلين غير كذا لو رجع نسوي لك جلسات مجانية بس الحمدلله صار جسمي خطير لا سيلوليت ولااااا حاجة وتنسق اكثر بس بعد الحمل والولادة رجع بس مو مثل قبل اخف وناوية ان شاء الله ارجع لهم بعد ماينزل وزني

واهم شئ الموية



anamona:
انا شخصيا جربته وكان ممتاز معاي
ولا تحسين بشي ياخذون مقاساتك بالمتر ووزنك وبعدها تداومين عليها يوم بعد يوم مره بايدها مساج وحركات دائريه قويه ومره تعرضك للجهاز وتحسين بحراره وبعدها على عينك بتشوفين السوائل اللي تطلع
والنتيجه رائعه اختفاء السيلولايت
انا من الدمام وسويتها بصالون افنان بالخبر
واسعارهم مره حلوه لاني سويت جرد للمحلات وطلع هذا انسبهم سعر وكانو مسوين عرض
وبالتوفيق للجميع



[U]الفرفوشة:[/u]
شوفي عيوني....انا سمعت انو هذا الجهاز ما يشيل السيلوليت يشيل الأردااااااااااااااااااااااااا اااااف......وطبعا انا هالمنطقة عندي كبيييييييييييييييرة....فرحت طيران لمركز اوباجي....قسم الحريم....طبعا اوباجي ما يختلفون عليه اثنين احسن مركز تجميلي بالشرق الأوسط....دخلت على الفليبينة...حتى نسيت اسمها بس في عضوة هنا جزاها الله خير دلتني عليها....اعتقد اسمها عبلة...المهم.... .... رحت للفليبينية هاذي....وشافت جسمي بالملابس...وقالتلي انتي لازم اثنين كورس....يعني مدة شهرين والكورس 12 جلسة... في الأسبوع ثلاث مرات..... ورتني لبس عندهم اعتقد مجاني....تلبسينه على جسمك... وتتمددين على السرير... وطبعا تغطين المناطق اللي ما راح تشتغل عليها....وأهو مثل التدليك....قالتلي بعد ....جسمك راح يطلع تحففففففففففة.....تقول راح يصير منحوووت....وقالتلي انتي في زي برتقالة(سيلوليت)...هذا في جهاز ثاني... .....اسمه PG.....قالت هذا الجهاز طبعا على الجسم مباشرة يكون.... يشيل السيوليت....وقالت نفس الشيء...نسويلك الجهازين سوا....وخلتني اشوفه.....ما ادري شلون اشرحلك شكله..فيه مثل الأبر مدببة...وبس....طبعا سألتها عن القيمة....وقالتلي يا طويلات العمر....الكورس ب4300ريال طبعا قصدهم الجهازين سوا....ولازم ادفع فلوس الكورس كامل....فقررت انا...اني إذا نزلت وزني ووصلت للستين كيلو...بأذن الله رايحتلهم...لأني ارتحت للفليبينة مرررررررررة...وحسيتها امينة وخبيرة...



تواضع الكبرياء:انا جربته
وماستمريت عليه بس 4 جلسات وطلع جسمي خراااافي اجل لو استمريت كيف باكون؟؟؟
ودي ارجع اسويه بس ماادري فين اروح بجده


شجون الماضي:
اخواتي الحبيبات ابي اعطييييييييكم معلومه مهمه..
انا قبل شهرين قابلت وحده جربت جهازlpg ونصحتني بعدم استخدامه..

تدرون ليه؟؟؟؟؟؟؟؟؟؟؟؟؟




لأن هذا الجهاز خلا بأجزاء من جسمها بقع زرقاء يعني ندب وحجمها كبير... والله العظيم يابنات يوم ورتني ذراعها اني اصبت بخوف وهلع من شكل الندب الله يشافيها ويعافيها.. هذا بالنسبه لجهازlpg اما باقي الاجهزه اللي قلتوا عنها ان ماسمعت عنها بس نفسي اجربها والله يسسسسسسسسسسسسسسسسسستر





louldy:
مرحبا
انا جربتو وكانت النتيجة جيدة بس انا بلبنان الجلسة ب 22 دولار بس فعلا يشد الجلد بس لازم رجيم مع شوية رياضة



عطروزهر :
مرحبا بنات
الاخت شجون الماضي
كلامك اتوقع انه صحيح انا زوجة اخوي كان وزنها وشكلها معقول المهم اقسم بالله في ظرف شهر كلهم ارتاعوا من شكلها نحفت نحف مش طبيعي المهم كانت تقول اني حاااااااااااااارمه نفسي اذا حسيت اني شارفت على الهلاك اكلتلي اصبع كتكات ونمت
المهم سالتها اختي بعد فتره قالتها كنت اكثر عصيرات وشوربات ومويه سالتها وحده من قريباتنا قالتلها اني كنت اخفف المهم في تضارب في الحكي المهم بعد فتره طلعت ندب في يدينها عند الاباط واعلى صدرها المهم تحولت الى بهاق تخيلو قلتلها ماعالحتيه قالت مااهتميت فيه عموما هو في البدايه طلع في وجهها عند شفايفها المهم الان اختفى فاللي اتوقعه انها سوت ال بي جي
لانها بشهادة اهلي كلهم تدق في الحلا والعشاء بدون محافظه فكيف نحفت الا من هالجهاز بس حكاية الندبات ودي استفسر عنها بزياده



بعيدة عن اهلي:

انا سويته وخطير ويشكل الجسم بس ياخسارة ياليت احد يدلني بجدة وين
عموما احسن مركز بالرياض هومركز الرياض الطبي واحسن ممرضة عندهم تسوية نسيت اسمها بس تراها هي الوحيدة الي سسمينة وسرة 1800 مع البس وياريتني بالرياض كان ماتركتة بس اتمنى بنات جدة يدلوني مع اني ماقد سالت وجاوبوني مدري لية



البسمه الباكيه :أنا جربته وصراحه ينحت الجسم ويشده والدكتوره الي سوتلي الـlbg ورتني نتائج مبهره بس المهم المتابعه مو تسون زي اسبوع اروح واسبوع لا وانصحكم تجربوه وخاصه الي عندها سلوليت وبالتوفيق ..............


alam_rose:
ألي أعرفه أن الفنانه أليسا تستخدمه يوم وترك وهذه طريقة باريس جاليري عندنا فى الامارات ....والي تطلع بقع وورم ما تعرف تسويه .....حرام تخرب لكم جسمكم ...هو ينحت الجسم ولازم يوم وترك ....وشوفي النتيجة خلال شهر ألي شهرين .....



عطروزهر :بنات انا كلمت اليوم مايز والسعر للجلسه 150 والبكيج ارخص
اما في راسان الجلسه 250 والبكج في الالف وزياده اما عن البقع قالت ابداااااااااا ولا يسوي ولا شي
قلت والبهاق قالت البهاق نتيجة عدم تصبغ الجلد وش دخله بتكسير الدهون والله اعلم
ها من نوت تسوي على العموم انا حجزت يوم الخميس وباشوف وش ربي كاتبلي
الله المستعان يارب



دلع_بوظبي :السلام عليكم اخواتي.... انا جديده في هذا المنتدي
واحب اشارك معاكم في موضوع LPG انا ابصراحه وايد سمعت عنه
وبعدين وصفولى مركز فيه خبيرة وايد شاطره ورحت عندها واستفسرت عن
الجهاز وعدد الجلسات ومتى اتبان النتائج ... وبعدين سويت اشتراك
والحين صارلي تقريبا امسويه (6) جلسات بس ما في حد شافني الى واستغرب
من شكلي لانه جسمى صار وايد احسن وانحف من اول.... واول ما رحت كان
وزني 102 كيلو والحين 92 كيلو وكل يوم ايكون عندي جلسة لازم بعدها امشي
تقريبا 40 دقيقة .... وكنت طبعا اخفف في اكلي... وبالنسبه للندبات ما صارلي
اي شيء والحمد لله بس اعتقد يرجع الموضوع للخبيرة وطريقتها لانه المناطق الى فيها
سلولايت وايد تألم لما يحركون الجهاز عليها.... والجهاز لهو قوة او درجات لزيادت
قوة الشفط او انخفاظ القوة ويمكن اتكون الخبيرة اتعلى على القوة فبالتالي تظهر الندبات....



والمركز الى رحته اسمة مركز الامير الطبي... هاتف :6415533 - ابوظبي ...

]عطروزهر : السلام عليكم ورحمة الله وبركاته
اخواتي الحلوات
انا اليوم رحت لمركز مايز وبديت الجلسه مع مادلين الفلبينيه جداااااا ممتاه تبداء تشرحلك ايش هو الجهاز وتزوريك صور اللي نحفوا وكم جلسه سووها على شان نحفوا بهذا الشكل المهم اعطتني لبس ابيض زي الكيلون ومعه كلوت من نفس القماش وبدت معي تعرفون كيف يشفط بعدين يمشي على الجسم بالرول والاماكن اللي فيه دهون ومترهل يوجع بس هي تخفف المهم بعد ماجلسن نصف ساعه وكم دقيقه وقفته وعادي ماحخسيت بشء الحين احس ان جسمي معضل يعني كاني مسويه سبور ومتعبه نفسي عموما انا دفعت البكج 7 جلسات مع سعر اللبس 1050 ريال
عموما هذا كل شي عن الجلسه او الزياره الاولى
والله يكتب اللي فيه الخير
على فكره انا ماعلمت الا بس اختي على شان ماتفقدني وصديقتي لانها نفس معاناتي
ماودي اعلم الناس وانا ماادري وشهي النتايج ؟؟؟



أم البتيل:
السلام عليكم,

lbg يسبب كدمات لو كان فيك الدوره بس اذا فيك الدوره المفروض ماتسوينه او توقفينه لين تروح وال g5 مايالم مره زي lbg بس احس انه مايسوي شي زي lbg مايفرق جسمك مره,

الlbg بالضبط وصفه زي المكنسه حتى العاملات على الجهاز يسمونه شي بعدين باكيوم
لما تحطين يدك وتشفطها المكنسه هو نفس الفكره بس شفط اقوى شوي وتحركه عليك وهو يشفط ويمشي على جسمك ويوزع التجمعات الدهنيه في باقي الجسم فتروح الكتل وتحرقينه بالمشي بعده على طول ,
وأكثر شي يعور عند البطن والاماكن الخفيفه زي الورك , اتمنى اني قدرت افيد.



الحلووووه:يابنات ياحلوين فيه بجده في صالون جاك ديسانج واذكر انه البكج كان 1800 ريال 12 جلسه اختي سوته قبل فتره وهو رووووعه وهي كمان ماكملت الجلسات كامله يعني تقريبا راحت 9 جلسات والله العظيم انه بين عليها ونزلت في القياس مقاسين وكانت تااكل يعني ماسوت رجيم بس كانت تسبح (سباحه)وعشان اللي بتسال هي ترجع بعد ماتخليها ؟ طبيعي بترجع مع الاهمال في الاكل واختي رجعت اللي نزلته لانها حملت وصارت تاكل كثير بس هي ناويه تسويه مره ثانيه وسلامتكم .

أصاله الشرق:بنوتات جده ياعسل الجهاز انا لقيته في مشغل ريمااا المعروف فيه فرع ثاني جنبه اسمه ريما 2 او شهد ونا سويت عندهم 6 جلسات وقفت بسبب الاختبارات لكن ناويه **** الله اكمل بالنسبه للبس هو صحيح مرره ضيق لكن مو شفااااف ابدا يعني انا كان لون البدله حقتي رمادي والله مايبين شي من تحتها بس محدده لتفاصيل الجسم من برا عشان يعرفون اماكن الترهلات زين واللي تسوي فلبينيه زي العسل تسمي وتذكر الله بالنسبه للالم مرره خفيف بعدين تتعودين والحمد لله لاكدمات ولا شي بس تحسي بخموول وتعب بعد الجلسه كانك كنت تسووي رياضه وهذا اللي صار معااي اتمنى اكون افدتكم بشي

كيرلس :بنات ... انا نصحت فيه قبل واسحب كلامي الا اللي بتستمر عليه فهو ممتاز ....
لانه وزني زاد وجسمي ترهل شوي عقب ماتركته .... لانه يزيد خلايا الدهون بالجسم ... وقت مايكسرها


موكا كراميل:السلام عليكم ورحمه الله

انا احب اقولكم تجربتي عن ال lpgهو جهاز عادي وطبيعي ولا يعوور ولا شي ولا يترك ندبااات ولا اي اثار بالجسم انا سويته لي شهر تقريبا وهوو رررهيب صراحه يشد الجسم...

بس لازم تسوينه معه ريجيم ولا ما ينفع حرام تروح فلوسك كذا لازم دايت اهممممم شي..
وبعدين اللبس مره حلووو وساتر جداا ومريح ولونه ابيض.. وكامل بأكمام طويله وشراب كله كامل
انا سويته في اووباجي ماشاء الله عليهم روووووعه شغلهم وغير اوباجي لا تروحووون لا نهم هم من زمان عندهم هذي الاجهززه وشغلهم حلوو ومتقن مره يعني ببدايه الجلسات تخفف لك وبعدين شوي شوي تعلي على الجهاز لما تتعودين عليه,,

انا اقوللكم اللي تبي تسويه وخايفه تتوكل على الله بس اهم شي تسويه عند المراكز القديمه اللي فاهمين بالشغلات هذي ...
وانا اليوم ****الله باقي لي 16 جلسه وببدا اكملهم اليووم لاني باديه ريجيم من اسبوعين مع مشي

وبقولكم النتائج اول بأول ****لله

واللي عندها استفسار انا جاهزه...


رابط الموضوع
http://forum.hawaaworld.com/showthre...419320&page=21

هاذي تجارب البنات بالمختصر المفيد


عـــواشـــه غير متواجد حالياً رد مع اقتباس

قديم 04-02-1428 هـ, 01:52 صباحاً   #5
عـــواشـــه

عضوة
 
تاريخ التسجيل: 16-10-1425 هـ
المشاركات: 164


كلمة لو جبـر خاااطرر


عـــواشـــه غير متواجد حالياً رد مع اقتباس

قديم 04-02-1428 هـ, 03:20 صباحاً   #6
نور الرياض

عضوة نشيطة
 
الصورة الرمزية نور الرياض
 
تاريخ التسجيل: 29-07-1423 هـ
المشاركات: 376


مشكوووره ياعسل

في انتظار تجارب الاخوات ..



حسبنا الله سيؤتينا الله من فضله ان الى الله راغبون
استغفر الله العظيم الذي لااله الا هو الحي القيوم واتوب اليه
نور الرياض غير متواجد حالياً رد مع اقتباس

قديم 04-02-1428 هـ, 03:19 مساءً   #7
عـــواشـــه

عضوة
 
تاريخ التسجيل: 16-10-1425 هـ
المشاركات: 164


نوور الرياض اهلااان نورتي والله اخيررا احد رد على موضوعي

ليش لما نخلي تجربتني ما نلحق من الردود !!!
ولما نسال عن تجارببهم يبخلون عليناا جذي
شدعوووه بنات حوواء خبررري فيكم متعاونات

!!!!


عـــواشـــه غير متواجد حالياً رد مع اقتباس

قديم 05-02-1428 هـ, 03:14 صباحاً   #8
عـــواشـــه

عضوة
 
تاريخ التسجيل: 16-10-1425 هـ
المشاركات: 164


!!!!!


عـــواشـــه غير متواجد حالياً رد مع اقتباس

قديم 05-02-1428 هـ, 04:04 صباحاً   #9
أبغى هدوء

محررة
 
الصورة الرمزية أبغى هدوء
 
تاريخ التسجيل: 25-11-1426 هـ
المشاركات: 1,595


الله يجزاك خير عوااااشه أنا والله ماسمعت لها الجهاز إلا من كم يوم بس<<<وين عايشه !!

وتحمست له مرررررره,,

وأعتقد تجارب البنات اللي ذكرتيها ماشاء الله عليك كافيه جداااااا..

الله يكتب لي ولك اللي فيه الخير..





أبغى هدوء غير متواجد حالياً رد مع اقتباس

قديم 05-02-1428 هـ, 02:46 مساءً   #10
عـــواشـــه

عضوة
 
تاريخ التسجيل: 16-10-1425 هـ
المشاركات: 164


أبغى هدوء يسلمووووو حبوبة على مرورج
مادري يا اختي يعني اهو فيه كم وحده ما عجبهم وقالوا انه رجع اكثر من قبل عشان جذي كان ودي بتجارب العضوات عشان هذا جسمنا وصحتنا ماودنا نلعب فيهاا

لكن


للأســـف


بس ثنتين دشوا على الموضوع وردواا
اشحت الردوود وتجارب البنات يعني !!!


عـــواشـــه غير متواجد حالياً رد مع اقتباس

إضافة رد







أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 05:11 .


شات عالم حواء
تابعونا على Google+
تابعونا على instagram
تابعونا على twitter
تابعونا على Facebook