Isotrexin...وما ادراكم ماهو Isotrexin؟؟

هلا شحالكم بنات حواء

ان شاء الله طيبين مع السنة الجديدة


وبشرتكم بعد طيبة مع السنة الجديدة

والا بعد ماطابت من السنة الماضية

المهم جبت لكم علاج فتاك



تبغون تعرفونه















انزلوا شوي







:42: <<<فرحانه اول مرة تنزل موضوع






لاتاخذون علي
لاني اول مرة استخدم شي وينفع معي

خلاص ماراح اطول معكم
راح اقولكم الزبدة

قصتي يابنات اني بايام الثانوية كنت اعاني من الحبوب بس في ظهري ويديني اما وجهي فكان
صافي مع حبتين تطلع ايام الدورة او الاختبارات وتروح....المهم كبرت وسرت بالجامعة
قلت لازم اني اروح عند دكتور...رحت عند دكتور ومشهور بعد<<والله اني كنت في غنى عنه
شاف وجهي فيه وكان فيه حبوب من ايام الاختبارات واختار احلى حبتين في وجهي وفقعها
الله لا وريكم بغت روحي تطلع...قسما بالله ماعاد شفت العافية بوجهي نسيت ظهري ويديني من كثر مالعبت الحبوب في كامل وجهي...استخدمت علاجه ومافادني غير اسبوعين ورجعت الحبوب
وبعدها فقدت الامل

تعرفون يابنات وش سبب اللي سار لي؟؟

فقعلي الحبتين بدون مالبس قفازات ...وهو اصلا دكتور جلدية وتناسلية... وشوفوا من كان عنده
قبلي يعالجهم:30: .... واكيد انه نقلي فيروساتهم في وجهي...والله كل مااتذكر ادعي عليه
الله لايسامحه .... نتيجة علاجه حبوب حمراء وتألم مرة حتى السجود ماكنت اقدر اسجد
وقعدت اعاني يابنات من هالحبوب يمكن سنه كاملة تجنبت الناس وصرت استحي اقابلهم

لين جا الفرج من عند الله:) ....الله يوفقه وين ماراح ووين مادار بوجهه<<ادعوله لان هو السبب
بعد الله سبحانه وتعالى في شفائي
عطاني Isotrexin gel لعلاج حب الشباب وهو عبارة عن جل من مشتقات فيتامين أ
راح اقولكم عند كل شي بالتفصيل عشان توضح الفكرة

اول شي مكتوب في النشرة حقته انه يساعد على:
تقليل نسبة الدهون بالبشرة وعدم تماسك البثرات الرؤوس السوداء والبيضاء وبالتالي يسهل ازالتها
وايقاف تكون البقع والبثرات وتقليل البكتريا المسببة لحب الشباب وتقليل عدد بقع حب الشباب
الحمراء الملتهبة.....شفتوا وش يسوي قسما بالله انهم صادقين يالله لك الحمد والمنة ماعاد فيني ولاحبة حمراء ووجهي صافي من الحبوب تماما...

طيب نجي عند طريقة الاستعمال:
تحطين كمية قليلة من الجل على الاماكن المصابة في وجهك او ظهرك او اي منطقة هو راح يجف
وكانه مسك تستعمليه لمدة ثلاث شهور مرة او مرتين يوميا على حسب اصابة بشرتك بالحبوب
وهو في وجهك لا تتعرضين ابدا للشمس يعني اغسلي وجهك قبل لا تتطلعين اي مكان..

المهم شوفوا انا كيف استعملته:
استخدمته لمدة شهر واسبوعين..وهي المدة اللي اختفت فيها الحبوب من وجهي
الاسبوعين الاولين استخدمته مرتين يوميا مرة بعد مااجي من الجامعة ومرة قبل لاانام
الاسبوعين الثانيين استخدمته مرة يوميا قبل لاانام
الاسبوعين الاخيرين استخدمته بايام متفرقة يعني كل ماشوف حبة حطيت عليها من الجل

وعلى فكرة بنات لازم تغسلون وجيهكم زين بالصابون لاني كنت بعد مااصحى الاقي الجل تقشر
وكانه مسك تماما...

وش لاحظت بعد استخدامه:
بصراحة يابنات الحبوب الحمراء خفت لين اختفت ..ووجهي صفى وفتح ..ومكان الحبوب قشر
يعني اقشر مكان الحبة وتطلع قشرتها بسرعة...وبرضه الحبوب اعصرها ويطلع اللي فيها بسرعة وماتبقع بعد ماعصرها

والحمد لله الحمد لله اختفت الحبوب نهائيا تعرفون وش معني نهائيا والله العظيم ولاحبة
<<قولوا ماشاءالله تبارك الرحمن
والحين قاعدة استخدمه ليديني وظهري ...ومو مستعجلة لاني اعرف نتايجه

اللي مازالت تعاني من الحبوب وعجزت من الاطباء والادوية والمراهم في تخفيف معاناتها
انصحها انها تستخدم الجل هذا والله انه رهييييييب وفتاااااك بالحبوب

واتمنى انكم تدعولي بالتوفيق في دراستي ووكل اللي في بالي
مع تمنياتي لكن ببشرة جميلة ومخملية