12-01-1428 هـ, 10:57 مساءً
مساااااااء الخير

شلونكم يابنات والله وحشتووووني بس شسوي ماعندي وقت اقعد عالنت ......

طبعا انا ومشكلتي المستعصيه من سنوات وهي السواااد ,,,, اااااااااه منه

طبعا مافي شي ماجربته من الخلطات الطيبعيه والكيميائيه ومااااااااااافي فايده والله طقت جبدي بس شسوي

وكم مره اقرر واقول اني بستخدم خلطه الرتن ايه والالدوكين والكوم وديرموفيت وكيلي ......

لكن اخاف ازيد الطين بله

ملاحظه ( ما رح استخدمها لويهي بستخدمها للمنطقه الحساسه والاكواع والركب والابطين )

وان شاء الله ما بحط الا كميه قليله من الرتن عشان ماتتسلخ البشره


يااابنات امانه الي جربت هالخلطه تبرد قلبي وتقولي شنو نتيجتها وهل استفادت اوووو لاااا ؟؟؟

والي تعرضت لاضرار جانبيه هم تقولي ..... وكم مره استخدمها باليوم مره او مرتين ؟؟؟؟؟


يالله ناطرتكم ولاااااتخذلوني وردووو علي ولاتنسون المثل الي من تأليفي والي يقول لااااا للتطنيش



ناااااطرتكم
12-01-1428 هـ, 11:32 مساءً
بناااااااات حرام عليكم هالتحطيم
ليش ما تردون ؟؟؟
ارجووووووكم فيدووووني ترا مالكم الا الاجر والثواب
12-01-1428 هـ, 11:53 مساءً
تأخذين ثلاث كريمات الدكوين +رتن A+الوكوم
تأخذي مساء شوية من كل كريم وتخطلطمع بعض وتوضع على الوجه قبل النوم وفي الصباح تغسل وتضعين واقي حماية عالية
12-01-1428 هـ, 11:57 مساءً
انا جربتها وياليتني ماجربتها طبعا قريت بنات كثير جربوها على وجيههم ونفعت وانا بصراحه وجهي ماجربتها فقررت اجربها على الاباط وبن الفخذين والركب طبعا الاباط كانت نتايجها ماشي الحال اما بين الفخذين والركب غمق الون وصار اكثر من اول مادري ليش يمكن ماناسبت بشرتي تخيلي كانت درجه الغموقه قبل تقريبا درجتين عن لوني الاساسي والحين صارت خمس درجات عن الاون الاساسي المكان الي تقشر صار احمر ثم انقلب اسود وكاني اتعالج من اسبوعين بدون اي تقدم ملحوظ وترى بشره عن بشره تختلف ولاتقدمين على الخطوه الابستشاره طبيه؟؟؟؟؟؟؟؟؟
سبحانك اللهم وبحمد أستغفرك ربي وأتوب إليك

اللهم أشفي مرضانا ومرضى المسلمين اللهم أرحم والديا كما ربياني صغيرا
13-01-1428 هـ, 12:24 صباحاً
هلا حبيبتي والله اني حاسه فيك من كل قلبي ولا ابي تضرين نفسك بالخلطه هذي .. لانها قويه مره على المناطق الحساسه بالجسم .. اما على الركب والاكواع تأثيرها بطيء .. مدري انتي جربتلي جيلوتون؟ خاص للركب والاكواع وله طريقته لازم تتقيدين فيها ولا يزيد السمار .. وسمار الاماكن الثانيه شرايك تجربين خلطه البودره مع زيت الزيتون وماي الورد انا راح اجربها باقرب وقت وهذي لك
13-01-1428 هـ, 12:28 صباحاً
لمسه حنان
حبيبتي مابي اجربها للوجه ... جربتيها ولا لا؟؟

فقدتك a
خرعتيني من هالكلام مو ناقصه اصير سوده اكثر من هالسواد ... كنتي تحطينها كم مره باليوم؟؟؟

مادام معاي القمر
حبيبتي صار ماعندي ثقه في الخلطات بس قوليلي هاي الخلطه الي قلتي عنها شنو مكوناتها وكم اخليها على البشره وكم مره باليوم ؟

مشكورين يا بنات على المرور جزاكم الله الف خير والله يجبر خواطركم
13-01-1428 هـ, 12:29 صباحاً
ايييي صح اذا شلت الرتن ايه من الخلطه ممكن تعطيني فايده ولا لا ؟؟؟
13-01-1428 هـ, 12:40 صباحاً
حبيبتي
بيني وبينك الله لو بكذب عليك

شوفي
خذي ريتن اي
والدوكن
والكوم
والفاهيدروكسي

اخلطي كل الكريمات مع بعض الا الالفاهيدروكسي خذي منه من 4 ملاعق الى 6 ملاعق
وحطي منه قبل النوم على المناطق الحساسة والابط بس بس بس ما تصلح للوجة
وشوفي النتيجة الخرافيه
انا وصديقاتي وقريباتي وكل من يعز علي وكل عروس اعرف انها بتتزوج اعطيها هل الخلطه لوجة الله
وانتي جربي بس اسبوعين وربي ان تدعي لي من قبلك

وعن الركب والاكواع
جربي الي بقول لك لمدة اسبوع بس ما بتخسري شئ
خذي ماء الاكسجين حق الصبغات وبودرة التشقير واخلطيهم مع بعض كانك بتشقري حواجبك
وحطي على ركبك واكواعك لمدة نص ساعة بعدين اشطفيها بالمويه وحطي بعدها مباشرة
الكريم السحري للركب والاكواع من النهدي وهي خلطه خاصه بالنهدي

بس لمدة اسبوع وشوفي النتيجة
وربي شاهد على ما اقول ان يمكن اكثر من 50 بنت من الي اعرف جربوا الي اقول لك ويدعون لي وللي علمتني عليها
وعن خلطة المناطق الحساسة هذي بنت من المنتدى اسمها سارونه كتبتها من 4 سنوات تقريبا
وخلطة الركب والاكواع صاحبتي مغربيه قالت لي عليها

وسلامتك
الحمد لله حمدا كثيرا طيبا مباركا فيه
16-01-1428 هـ, 02:42 مساءً
مشكوره يا طيات الزمن الغادر على الرد جزاج الله مليون خير
زين عندي كم سؤال
يعني اخلط الكريمات مع بعض واحطهم بعلبه او وقت الاستعمال ؟
متى احط الخلطه قبل النوم او متى ؟؟؟؟
الفاهيدروكسي مافهمت الطريقه الي كتبتيها عنه ممكن توضحين لي وسامحيني على الازعاج
16-01-1428 هـ, 02:52 مساءً
اقتباس مشاركة  (~&لمسة حنان&~)
تأخذين ثلاث كريمات الدكوين +رتن A+الوكوم
تأخذي مساء شوية من كل كريم وتخطلطمع بعض وتوضع على الوجه قبل النوم وفي الصباح تغسل وتضعين واقي حماية عالية
أنا استعمل هذي الخلطة لي شهر تقريبا وأحس حصل تغيير ايجابي ومافي أي تغيير سلبي حصل معاي





أدعوا لي وبنات المسلمين بالزوج الصالح عاجلا غير أجل


الساعة الآن 12:26 .

جميع الحقوق محفوظة - عالم حواء - 2015