جيت اركض وتكرفست على وجهي من الدعوة !!!
اللي عندي ال جي بس مو كويس مززززعج وصوته عالي
الزامل اتوقع احسن
ـــــــــــــــــــــــــــــــــــ
الا على طاري الرجال يقولون اللي ينزل بيت جديد يعرس على حرمته لانه تعب من العمار ويبغى يرفه عن نفسه ؟؟ هل تصدق هذه المقولة؟؟؟

السلام عليكم .. مساكم الله بالخير ..

وفاء ..
زين ما سويتي احسن لك تسوين مطبخ للقلي والطبخ وواحد للاشياء التحضيرية بس ما تحسي ان المساحه اشويه ضيقة ؟؟ ولا ؟ انا شوفي عندي مطبخي مفتوح على غرفة الطعام ومساحته 5 *3ونص .. واما الديرتي كشن 2*2 .. ومع هذا صغيرة المساحه لكن انا يا حلوة لا اطبخ ولا شئ ؟؟ ولا استخدمه كثير ؟؟ يعني انتي على حسب طباخك اذا كنتي طباخه ولك بالطبخ والنفخ نصيحه سكريه كله وسويه مطبخ مغلق واذا خاطرك في المطبخ المفتوح سويه فوق في الصالة العلوية اذا تقدرين ..

ام عموري ..
هذا الجهاز صار الاغلبية يركبونه وسعر تركيبه تقريبا من 50 الى 100 دينار ؟ كأن انتو اغلى ولا ؟؟
على العموم هذا الجهاز انصحكم فيه لانه عن جد مريح درجه اولى وفوق هذا الماي تختلف حلاوته ..

ايه صح تذكرت اللي اقصده بس ينحط على مغسلة المطبخ ويكون له صنبور خاص فيه ؟ طبعا هذا الجهاز يستخدم بس للشرب والطبخ ..

اما الجهاز اللي اتوقع انك تقصدينه على ما اتوقع في شركة تعطينهم مخطط بيتك عشان يشوفون مواقع الحمامات والمطابخ ومسالك المياه و تركبه لج لكل الحمامات والمطبخ بعد يعني تسبحين تغسلين بماي حلو يقولون صحي واحسن للجسم وللشعر ..
وعندي ورقة اعلانهم اخذت من معرض البناء والديكور من كم سنه ..

قمرا ..
انا بعد خايفه والله وقلبي مرتاح ومو مرتاح ... خايفه نتعطل وياه ونتوهق بعدين عشان جذي ابغى شوركم ..
الرجال سمعته زينة واسعاره رخيصة ما يأخذ ارباح وااايد وبنيانه مضمون ... بس البنك بيشيكون علينا عقب 3 شهور من نزول المبلغ اذا بنينا لو لا ؟؟ واذا شافونا تأخرنا في البنيان يأخرون وااايد في تنزيل الدفعات الباقية من المبلغ ؟
والمقاول الثاني اللي حصلانه وااايد غالي فرق بينه وبين الاولي 3 الاف دينار ؟؟
شنو رأيكم ؟

عدت من جديد ,,<<<<<<<<< اصلا من فقدك
اتوقع ال جي وانا مجربته لاننا ناوين عليه
نشميه وش هالعلم صراحه خوفتينا ياطويلة العمر
الله لايقوله وتجعلنا حنا ازواجهم بهالدنياء مايجربون غيرنا

بنات وشرايكن باسطوانة الغاز الكبيره زوجي اليوم كلمني عنها هي صح مريحه لكن لازم تكون بالحوش قريب للباب وانا ماحبيته احسه تضيق

ما ادري كتبت رد شطوله وين راح ؟؟؟؟؟؟؟؟؟؟؟؟؟

هالمنتدى طقت فيوزاته ؟؟ ولا ايش ؟؟

نشمية ..
اتصدقين زوجي دايم يمزح وياي يقولي اللحين نبني طابق واحد لج ولعيالك وانا فوق ابني لي شقة اقعد فيها المدام الجديدة . .. اقوله عساك ما تلحق تموت ارحم لي من تجيب وحده على قلبي تقعد .. والله وساعات اتخيل لو صدق يسويها >> ما اظن اصلا بس تخيلات هبلان ..؟ اقول لو يسويها وتقعد تناظرني وانا قاعده مبسطه في حديقتي .. وهي من فوق البلكونه ولا دريشة حجرتها تنغزلي ولا تهاوشني ؟؟ الله لا يحطنا ولا يحطكم في هالموقف ..

ورود ..
انا بعد ابي دعوة حلوة لي ولريلي .,, يمدحون الجنرال .. وال جي واااايد زين مكيفاتنا كلها منهم ومرة مريت على بيت جديد توه مركبين فيه ال جي سبليت اللي نوعيتهم تجي اللوان .. بس رهيبة ديزايناتهم .. شوفيهم وما بتخسرين شئ ..

>>> على فكرة الرد اللي طار مش راح اعيده خلهم يتأدبون هالمرة وما يعيدونها ؟؟ والله ذلونا كل مرة نكتب الرد ويطير مو حاله >>> ويه طقت له فيوزاته بعد

سوري توني شايفه الرد خخخخخ الظاهر يسوي لنا تخويف وترهيب هالمنتدى ولا سبراااااايز
تصبحون على خير يا وجوه الخير وجمعه مباركة مقدما ان شاء الله ..