19-01-1428 هـ, 03:23 صباحاً
اقتباس مشاركة  (المهاfa)
باركولي ح نبدأ نعمر بيت العمر بأذن الله..

جعله الله بيت عامر وبيت صلاح ودين وعفه وخير علينا..بأذن الله.


يعني اللي ابيه منكم..كيف اصمم البيت الي ابيه..تصميم الغرف والمجالس
اعتقد في مواقع تصممي فيها..البيت اللي تبيه..بس بالله تعطوني رابط الموقع

وشكرا..لكم على الديوانيه..واذا بدانا فيه ح رد لكم..ونتناقش في اشياء اخرى..

مع السلامه.انتظركم
ألف مبروك عزيزتي الله يجعله عامر بذكر الله

بالنسبة للمواقع اعتقد موقع المهندس ممكن يصمم لك وهذه صفحة من موقع فيه تصاميم كثيرة

http://www.mzunh.com/home/home_plans.htm

في المنتدى هنا أخت اسمها ملكة الحسن تصمم لك وهذا رابط موضوعها
http://forum.hawaaworld.com/showthread.php?t=746448
19-01-1428 هـ, 03:38 صباحاً
وفاء الجداوية يابختكم انتي ورتوش بالجيرة الحلوة ياريتني جارتكم

مشكورة عزيتي لرأيك في الدرابزين وتصميمه وهذا من ذوقك

بالنسبة لأطقم خزفية دام انها عاجبتك ليه ما تأخذين منهم وخاصة انهم عندكم في ينبع مصنعهم والله انا حتى بانيوهاتهم عجبتني بس قالوا انهم حيتأخروا علينا على بال ما يجيبوا الطلبية من ينبع فأخذنا من البدر والجاكوزي فكرت فيه بس حسيت أني ما حستفيد منه كثير وغيرت وبأخذ كابينة بخار أحسه يفيدني وبناتي أكثر يعني عندي بانيو بزاوية إضافة لكابينة بخار
وعلى فكرة مصنع البدر نفسه يعمل جاكوزي بأسعار ارخص بكثير أنتي روحي المعرض اللي قلتلك عليه وتذهلي من أسعارهم وعلى فكرة نحن أخذنا الكتالوجات منهم وتفرجنا على الأشكال عندهم بس ورحنا مباشرة للمصنع لإنهم كمان ارخص من المعرض ايه رأيك


غلا الروح : الف سلامة لك يالغالية والله خوفتيني عليكي إن شاء الله عارض بس وينتهي طمنينا ما ادري ليه كنت مني مرتاحة لليزر هذا والحين بعد شفت كلامك وحالتك خفت اكثر ما تشوفي شر
19-01-1428 هـ, 03:43 صباحاً
اقتباس مشاركة  (awrad)
عزيزاتي :
انا الحين أدور على ثريات جميلة ولها إبليكات نفس النوع ياليت مين تعرف محلات إنارة جميلة وسعرها ممكن تقلي خاصة اللي منجدة
ولها دعوة في ظهر الغيب
سوق غراب فيه محلات إنارة كثيرة وشوفي محل اسمه كرستال عصفور
19-01-1428 هـ, 04:01 صباحاً
اقتباس مشاركة  (غلاالروح)
في صورة مدخل وفي صورة جبس للمطبخ .. بس بسألكم ؟؟ هذا الجبس ما يخترب من الدهون والرطوبة اللي في المطبخ مثلا ؟؟

يعني شنو نوعية الجبس اللي لازم انسويه في المطبخ وفي حمام الضيوف ؟؟

كأن الجبس الفرنسي غاااااااالي ؟
بالنسبة للجبس اللي يتحط في المطابخ والحمامات يقولون انه لازم يكون جبس فرنسي عشان يتحمل الرطوبة والحرارة

وحسب ما سمعت من زمان أن كيس الجبس الفرنسي 50 ريال والجبس السعودي 5 ريال شفتو الفرق كيف



المهم قلنا لنفسنا ليه ما نعمل حركة ثانية وتوفر شوي وهو اننا نضيف لها مادة اسمها اسكودورا وهذه تضاف للجبس الخارجي ( الديكور الخارجي ) حتى تحميها من الرطوبة والمطر والحرارة يعني نفس العوامل وعملنا كده في المطبخ والحمامات

ترى ما ادري هل هي طريقة صحيحة ولا لا نحن الحين بس نبغى نخلص ونحول وندور على اي شيء توفر معانا فجاتنا الفكرة هذه ونفذناها على طول بس سألت واحدة خبيرة بالديكور قالت انها صممت لبيوت كثيرة جبس عادي في المطابخ والحمامات وماتغيرت معاهم وقالت لي حتى أنه لو تغير لونه ودهنتيه بويه 5 مرات كل سنتين ثلاث بيطلع معاك ارخص مما لو عملتيه بالفرنسي فنحن صرفنا نظر على طول عن الفرنسي
19-01-1428 هـ, 04:09 صباحاً
في 99 حياك الله معانا في الديوانية

ومعلوماتك حلوة بالنسبة للدواليب والتخزين بس لو ما عندك مساحة مرة حتحسي انها تضيق عليكي كثير لإنه بيت اهلي اول كانت غرفهم صغيرة ومعمولة في كل غرفة دولاب جداري بصراحة مع الترميمات الجديدة هدوها وطلعت الغرف أحلى بكثير منها انا برأي احسن ينعمل غرف خاصة للملابس ومستودع للكراكيب في السطح ومستودع خاص بالمطبخ جنبه احسن

بالنسبة للتعتيق أنا مثلكم ما احبه كثير ايه رأيكم انا وانتي وروتووش نعمل ديوانية اللي ما يحبون التعتيق
19-01-1428 هـ, 04:28 صباحاً
سارة 1000 عزيزتي ولا تزعلي بالنسبة للصور الجبس شوفي هذه الصور وحتلاقي صور أكثر في السي دي اللي طلبتيه اكثر من خمسمائة صور للأسقف الجبسية
وهذه بعض الصور





19-01-1428 هـ, 08:28 صباحاً
السلام عليكم ورحمة الله وبركاته

الحمد لله رب العالمين

بدينا ببناء بيت العمر... ولسه ما خلصنا من الساس ... بس تدرون محتارة في مدخل البيت ... أبد مو مقتنعة بالمدخل وحابة أغير من شكل المدخل بس ما محصلة موقع يفيدني أبداً

بالنسبة لبيتنا راح يكون كالتالي

المدخل ... بعدين على جهة اليمين مجلس الرجال + قاع الطعام + المغاسل + الحمام ( الله يعزكم ) وله بابين خارجي وداخلي.... وعلى اليسار مجلس الحريم من غير مدخل مفتوح على الصالة التحتية

وفيه لوبي بالنص وراح أستغلها جلسة ... وبعدين تجيكي غرفة من اليسار للضيوف ومن على اليمين مطبخ + المخزن... بعدين تنزلي من بعد المطبخ لبره لغرفة الخدامات + المخزن الخارجي لأغراض البيت

الطابق الثاني

بعد ما تدخلي الطابق الثاني من الدرج تجيكي الصالة العلوية وهنا راح يكون تلفزيون وملحقاتها ... وبعدين على جهة اليمين الغرفة الرئيسية + جلستها + الدريسنج + الحمام

وفي غرفتين نوم زيادة للعيال + غرفة ألعاب وتلفزيزن ليهم

ومن جهة اليسار ومطل على الجلسة وله باب من الجلسة العلوية بنسوي حديقة علوية بالبيت غير إلي بالحوش طبعاً السقف للحديقة بالخشب شكل مربعات وجلسة من الخشب تحتها وأشجار في البوتات ولمبات وغيرها لمساء حلو وهادئ بعيد عن اليهال

وطبعاً كل غرفة بالبيت بحمامها والطابق العلوي فيه مطبخ صغير يخدم الطابق العلوي ( وراح يكون للماي والعصير وكذا ))

وحابة أسوي شوية حركات خاصة بمجلس الحريم

الشبابيك أريدها طويلة وكبيرة لأني ناوية أسوي ستائر رومانية ... والسقف محتارة فيه أسويه مثل أسقف الفنادق إلي تجي بلمبات صغيرة جداً مع الجبس ... أو أكتفي بالجبس والسبوت لايت

مجلس الرجال الشبابيك عادية مربعة بس الستارة يبالها شكل جديد

الألوان لسة محتارة فيهم

غرفة اليهال بسويها ورق حائط ... وغرفتي مرة أقول أخضر تفاحي ومرة أقول فسفوري ( نخليها لبعدين )

البيت كله إسبيلت ما عدا المطبخ + غرفة الشغالات مكيفات ويندو عادي.

وهذا بالمختصر تصميم البيت ...

حبيت حد يساعدني في تصميم مدخل البيت والحديقة الخارجية للبيت؟؟؟!!!

وبالتوفيق لكم ولي واللع ييسر أمر كل وحدة تريد تبني أو تشتري بيت العمر (( آمـــيـــن ))


شكوكو... أم الوليد


19-01-1428 هـ, 09:25 صباحاً
يسلموووووووو لكل البنات إللي ساعدوني ..


طيب بنات .. بالنسبه للمكيفات .. طبعاً البيت كلو مكيفات إسبليت .. إيش الأماكن إللي نحطلها مكيفات شباك ..؟
وكم أسعار مكيفات السبليت الكويسه ( LG - سامسونج ....) لو عندكم فكره !

و إيش رايكم السبوت لايت نخليه كبير و لا صغير ولا أمكان صغيره و أماكن كبيره ؟
19-01-1428 هـ, 11:23 صباحاً
في99
الله ييسرها علينا وعليكم وعلى جميع بنات الديوانيه
صادقه اختي انا جننت زوجي عند المستودع قال ماله داعي مستودع كبير بنحطه صغير تحت الدرج
تدرين وش سويت ؟
استغليت المساحه اللي تحت الدرج وحطيت عليها باب عشان اخزن فيها وصلحت لي مستودع بجنب المطبخ في السيب حق الحوش وردمته وفتحت له باب عالمطبخ وعلى برى بس طبعا اللي على المطبخ بيكون قوس واللي على برى باب حديد
والمغاسل بصلحها دواليب خشب عشان استفيد من الدواليب اقل مافيها اخزن فوط المسح والمطهرات فيها عشان اقرب لي ولا اتعب اشيل ادوات التنظيف من محل في محل
حتى المطبخ خليت الدواليب عميقه وصلحت جزيره في النص وحطيت فيها دواليب وادراج
على فكره احنا نزلنا جبس المطبخ على حد الدواليب العلويه عشان يطلع شكله فخم + انظف علشان كذا انا افر في ايكيا اصمم مطبخ
والدور العلوي كل الدواليب جداريه وعاليه وعميقه هذا غير اني حاطه في نهاية الدرج اللي يطلع للسطح مكان واسع ناويه افصل دولاب واخزن فيه الفايض من حوستنا بس مهوب اللحين بعدين اذا احتجنا
واشكرك اختي في 99 على ذكرك هالنقطه اللي ممكن تكون طافت كثير من الاخوات
وطن لا نحميه لا نستحق العيش فيه
19-01-1428 هـ, 11:37 صباحاً
صباح الخير بنات ..

شكرا لكل من سأل عني ..

وانا انضم لديوانية ام عمووري ورتووش وفي99 ... لا للتعتيق ...لاعت جبدي منه .. انا حتى في المدرسة اذا المديرة تقولي عتقي لنا هالجدار ما ارضى لاني مليت من كثره في كل مكان ههههههه

سارة بعطيك صور للجبس وعلى ما اظن ما ادري في اي صفحه حطيت بعض من صور الجبس اللي عندي شوفيهم يمكن يعجبونك .. وان شاء الله اعطيك لبعض الصور اللي فيهم اعمدة خشبية ..

ام عمووري يا وخيتي شسوي لاعت جبدي من الشيرة والحلاوة والشمع ...الخ .. قلنا نجرب الطريقة الحديثة بس اعطيكم النتائج بعد كم يوم لمن يموت الشعر ويطيح خخخخ عملية قصف لان اللحين بعده قاعد يحتضر هههههاااي ..

بالنسبة لفكرة الجبس احسها حلوة تحطي عليه هالمادة ارخص من الجبس الفرنسي ...
وانا راح اسوي مثل رتووش .. مو كل حمام الضيوف بخلي فيه بلاط . نص نص ..

طيب بسألكم اذا المغاسل بره يحتاج احط داخل الحمام بعد مغسلة ؟؟ لاني ما حبيتها وشلتها خليتها بره .. واللحين المهندس يقولي لازم تحطي بعد وحده داخل ؟؟؟

وش رايكم ؟


الساعة الآن 09:04 .

جميع الحقوق محفوظة - عالم حواء - 2015