28-12-1427 هـ, 07:26 مساءً
انا بنتي عمرها 3 شهور ونصف تقريبا .. لوني حنطية وزوجي ابيض .. وابنتي بشرتها سمراااء .. في البداية استغربت لانها لحظة الولادة كانت بيضااء .. ولكن في اليوم التالي اصبحت سمراء فهل هذا لونها الاصلي ؟؟سمعت ان لون البشرة يتغير فهل هذا صحيح ؟؟
ياريت اللي تغير لون بشرة بنتها او ولدها تشاركنا وتقول متى تغيرت من اي عمر ..؟؟
مع اني راضية بلون بشرتها مهما كان .. الحمدلله على الصحة والعافية .. لكن حبيت اعرف ارائكم
28-12-1427 هـ, 07:44 مساءً
والله حبيبتي انا ولدي اول ما ولدته لونه احمر بعدين صار اسمر بعد ماكمل ال 4 شهور صار فااااتح مايل للبياض والحين عمره سنتين صار ابيض

بنتي اول ما جبتها بييييييييضه وبعد ما كملت 20 يوم صارت حمرا وبعد ما كملت الأربعين صارت سمرااااااااء حيل ولحد الآن سمراء وشكلها راح تسمر أكثر والله اعلم

للعلم انا وزوجي لون بشرتنا متقارب بس انا افتح منه بشوي لكن فاتحين مو سمران ابو زوجي اسمر واخواني سمران يمكن طلعت بنتي عليهم

شوفي اذا فيه احد من العايله اسمر ممكن تطلع عليه







28-12-1427 هـ, 08:18 مساءً
السلام عليكم والله انا بنتى كانت ثلجه اول ما ولدتها وبعد اربع شهور تقريبا بدات تغمق تغمق دلوقتى بقت حنطيه مع العلم ابوها اسمرانى وانا بيضه شكل البنت حياديه بقيت فى النص مابينا والله اعلم
28-12-1427 هـ, 08:41 مساءً
الى بعد ست شهور ما راح تقدرين تحددين لونها و لا ملامحها
بعد ست شهور تثبت الملامح و اللون
اذا ثبت سمارها فاكيد طالعه على واحد من الاهل
28-12-1427 هـ, 09:06 مساءً
ولدي اول ماجبته كان ابيض وايد

والحين عقب شهر صار اسمر

_______

بنتي كانت سمره غاااااامق بس لمن كملت سنه شوي شوي صارت تفتح بشرتهاا
والحين عمرها اربع سنوات لونها حنطي فاتح
28-12-1427 هـ, 10:51 مساءً
ولدى اول من اول يوم ولادته وواضح انه اسمر لين عمر 6 شهور كانه فتح شوى ويوم كمل سنه رجع اسمر بس بعد السنه كل شوى يفتح واللحين عمره 4 سنوات لون فاتح يمل للبياض اكثر 00

اما بنتى لسا عمرها شهرين واحسها لاهى سمره ولابيضا حمراء وان شاء الله تفتح00
انا زوجى حنطى فاتح وانا بشرتى بيضا وان شاء الله تطلع لى بنتى00
28-12-1427 هـ, 11:39 مساءً
انا عندى توأم بنات .... الأولي جات سمره و غامقه لدرجه ابوها كان يناديها السوده

الثانيه جات ما شاء الله البياض اللي يلق و الخدود الحمر ....

لما صاروا 4 شهور السمره صارت بيضاء و البيضاء صارت حنطيه
29-12-1427 هـ, 09:38 صباحاً
انا ابني انولد ابيض زي الحليب وبعدين صار احمر طول فترة الاربعين وبعدين صار اسمر مررة
ودحين عمره 4 شهور ونص وصار ابيض بخدود حمرة وكل مالو يفتح
انا وابوه والعليتين مافي احد اسمر كلنا بيض مرة
يقولو تثبت ملامح الطفل ولونه بعد 6 شهور
29-12-1427 هـ, 11:10 صباحاً
اشكر الجميع على المرور .. ..
بس مادري اللي لاحظته من الردود ان المولود الغامق يفتح والفاتح يغمق .. معقولة ؟
وياريت البقية يشاركونا
29-12-1427 هـ, 12:12 مساءً
حبيبتي الالوان تتغير انا ماعندي خبرة لان ابني صغير وماتغير كثير لونه بس شفت كثير اطفال تغيروا منهم للبياض ومنهم للاسمرار ومنهم ابن اخوي انولد ابيض صار حنطي غامق شوي الحين ثلج هههههههههههه سبحان الله




الساعة الآن 12:27 .

جميع الحقوق محفوظة - عالم حواء - 2015