العبرة من تجربتي000

الحمدلله رب العالمين00هذي كلمه دايما تجدد الامل في نفسي وتعطيني معنى جليل وصوره عظيمه لها الخالق المبدع اللي يالسه احمده 000خواتي العزيزات00وياكل انسانه تقرا هالخاطره00ابكلمكم عن شي00ابخبركم عن نفسي شوي 00اللي تسمعني لازم بتحس فيني 00لاني انسانه بكل وضوح مااعرف في التعبير غير شي حلو اسمه الصدق00:) بنات انا وحده منكم وفيكم00وحده مريت بمعاناه والم مثلكم00وحده جربت اشياء وايده عشان احقق حلم الامومه كاي مخلوقه محرومه00سنه اولى زواج 00ماشي حمل 00اكيد هذا امر عادي00يالله نصبر شوي ليش مستعيلين00الحمدلله والشكرله في كل الحوال00بس بالعقل لازم نسوي تحاليل عشان اذا في شي لا سمح الله ما نندم بعدين00وبدات رحلة العلاج 00كل شي متعب بدا وقته؟؟لا زم نتحمل عشان خاطر عيون البيبي00ومن تحليل لتحليل ومن كشف لكشف 00من اشعه لاشعه00اوف شو هذا؟؟؟مره كلوميد00مره حبوب مادري شو00ومره ماشي تبويض هالشهر00مره الزوج لازم يحلل00مره ومليون الف مره000لين ما دخلت السنه الثانيه00وزاد الخوف اكثر ياربي انا شو فيني؟؟:( خاصة لما تاكدت ان تحاليل زوجي سليمه والحمدلله00خلاص لازم نبدل الدكتوره هذي يمكن مش فاهمه وضعي صح00كانت تعطيني حبوب بالهبل00كني مو شايفه خير00انا بعدني صغيره توني ماافهم شي00في مواضيع تاخر الحمل واسبابها00المهم دكتوره ثانيه وثالثه ورابعه00وماشي فايده00ليش ؟؟العلم عند مسبب الاسباب00وتمر السنه الثانيه وندخل بالثالثه00زوجي بصراحه انسان اكثر من رائع00ومهما وصفته ما راح اوفيه حقه00الشاهد الله انه عمره ما قصر معاي بشي00ولا اذاني في شي00وتمر الايام 00قالوا التمريخ شي زين 00ومرخنا ومسحنا وماياب نتيجه معاي00الحمدلله على كل حال00يالله هذي دكتوره يمدحونها وايد شاطره 00جربتها جالتلي لازم منظار عشان يتاكدون من ان مافي شي وسويت 00ودخلت في السنه الرابعه 00وما عمري حسيت اني ممكن حملت00كنت دايما اطالع بطني00ياربي متى اصير مثل هالحريم متى احمل؟؟:09: انا تعبت نفسيا وجسديا00والدكاتره كلهم اكدولي اني اقدر احمل طبيعي 00انزين ليش كل هالتعب00؟؟:eek: وتمضي السنه الرابعه بخيرها وشرها00وندخل في الخامسه00 تلقيح صناعي ونفشل00ياربي 00انا شو سويت؟؟هل مااستحق هالنعمه؟؟هل انا غير عن هالحريم اللي يحملون؟؟افكار وافكار تاخذني لبعيد00تحاول تتوهني وتضيعني00انزين شو الحل؟؟بصدق 00كان الحل في شي واحد علمني اياه زوجي حبيبي00وهو اني اصبر000واتحمل كل المتاعب00لان هذا شي انكتب علينا 00هو عز وجل اللي ابتلانا 00هو اللي حرمنا طول هالسنين وهو اللي جادر يرزقنا باي لحظه00قالي زوجي عمر البكا والدموع والحسره ما راح ييبلج شي00اتقربي من ربج اكثر واطلبي منه واحمديه على كل حال000انا لو لفيت هالدنيا ما راح الاجي وحده مثلج00وان الله كتبلنا الذريه او ما كتب فانا راضي والحمدلله00والله كلمات هزت الضعف اللي فيني كلمه كلمه وحرف حرف00اثروا فيني00معقوله هالانسان؟؟والله هذي نعمه كبيره بروحها 00فعلا غير مجرى حياتي00صرت بعدها انسانه ثانيه00اتقبل الامور بنفس راضيه00وقناعه كبيره 00الحمدلله مرت السنه الخامسه00وكلي امل بالله 00عرفت ان اللي يبي شي ما ينتظره من دكاتره او خبراء 00ينتظره من رب كريم واسع الرحمه00ابا اقولكم يابنات اني والله عمري ما حسيت براحه نفسيه الا لما كنت مع ربي اطلب منه وارتجي رحمته00لما رفعت ايديني المس منه العفو والمغفره00لما اقتنعت ان الرزق بيدينه سبحانه وحده لا بيد حد غيره00انا الحين اتريا السنه السادسه وكلي شعور بالرضا00والاقتناع بالمقسوم:) الحمدلله على كل حال00الحمدلله على نعمة الصبر والنعم الكثيره00عشان جذي ياخواتي حبيتكم تكونون مثلي00صدقوني بتحسون بشي غريب00براحه نفسيه00بشعور المؤمن المطمئن00انا الحين دورتي متاخره علي يومين00واذا الله كاتبلي ان شاء الله بفرحكم00واذا ما كتبلي تراني راضيه والحمدلله00ادعولي يابنات 00وان شاء الله رب العالمين ماراح يحرمكم00باذنه سبحانه وتعالى راح يفرح قلوبكم كلكم00بس عليكم بالدعاء والاستغفار00والحمدلله ياخواتي والشكر له في كل الاحواااااااااااااااااااااااااااااااااااااااااااال00:) :)