07-12-1427 هـ, 12:57 مساءً



السلام عليكم ورحمه الله وبركاته
وحشتوني والله يا بنات....الصراحه الواحد تعود عليكم ما وده يغيب عنكم
يالله شدو الحيل ودشو المطبخ سوو حلويات العيد...بس لا تنسون التكبير والتهليل حتى وانتي تشتغلين..
كبري وهللي واستغفري...
الله يغفر لنا جميعا يارب ويبارك لنا ....
هذا الكبك كيك ما تتصورون شقد لذيذ والله طعمه شي...وخفيف....
واهم شي كشخه...ماشاء الله كأنه جاهز
وينفع للعيد...ان شاء الله راح اسوي منه بحجم اصغر للعيد وراح نزل صورته
بسم الله نبدا
المقادير
1/2 كوب جوز مفروم ويفضل محمر بالفرن قليلا
2 كوب جزر مبشور (حوالي 2-3 جزرات كبار)
1 تفاحه كبيره مقشره ومبشوره
2 كوب طحين
1 1/4 كوب سكر
3/4 ملعقه شاي بيكربونات الصودا
1 1/2 ملعقه شاي بيكنج باودر
1/2 ملعقه شاي ملح
1 1/2 ملعقه شاي قرفه
1 كوب جوز الهند (بودره)
3 بيضات
3/4 كوب زيت
2 ملعقه شاي فانيليا


مقادير الفروستنج
1/4 كوب زبده ملينه (بدرجه حرار الغرفه)
1/2 كوب جبنه كريمه (اي نوع ممكن فيلادلفيا او كيري) انا استخدمت فيلادلفيا
3 ملاعق طعام سكر بودره
1/2 ملعقه شاي فانيليا
وللتزين شرايح جوز الهند محمره بالفرن



الطريقه
سخني الفرن على درجه 180 اولا وخلي الرف في نص الفرن
جهزي ورق الكب كيك

اولا
اخلطي في وعاء عميق المقاديرالناشفه (الطحين والبييكنج باودر والصودا والملح والقرفه والجوز الهند والسكر ..)

واضيفي لها الجوز واخلطيهم جميعا



الرجاء عدم الرد حبيباتي الى ان يكتمل الموضوع
07-12-1427 هـ, 01:03 مساءً
في وعاء اخر في العجانه
اخفقي البيض والفانيليا والزيت الى ان يتجانس الخليط ثم ارفعيه من العجانه


وشوفي



اضيفي للخليط (البيض والزيت)
الجزر والتفاح المبشور واخلطي بالملعقه



ثم اضيفي الدقيق بالتدريج واخلطي


و



يتبــــــــــــــع
07-12-1427 هـ, 01:12 مساءً
هذا الشكل للخليط في الاخير


وزعي بالتساوي على الاكواب الورقيه بس راعي انك تتركي مساحه للكيكه لانه راح تنتفخ
تقريبا عملت لي 19 كب كيك



وادخليها الفرن لمده 20 - 25 دقيقه...
في هالوقت جهزت الفروستنج..

الطريقه
في الخلاطه اخفقي الزبده مع الجبن الى ان تتجانس جيدا وتصبح كريميه القوام
ثم اضيفي السكر البودره بالتدريج واخيرا الفانيليا وهذا شكلها



بعد ما تجهز الكيكات طلعيهم من الفرن واتركيهم يبردون
اول 10 دقايق خليهم في الصينيه وبعدها ارفعيهم على سلك واتركيهم يبردون

ثم التزين


يتبــــــــــــع
07-12-1427 هـ, 01:16 مساءً


و



وصور جماعيه




و


ان شاء الله يعجبكم
وسامحونا عالقصور
07-12-1427 هـ, 01:22 مساءً
ماشاء الله

تسلم ايدج حبيبتي

شكلهم رووووعة راح اجربها


يعطيج العافية والف شكر لج عيوووني
07-12-1427 هـ, 01:29 مساءً
ابدعتي ماشاء الله
شكله حلو رااح اجربه ان شاء الله
تسلم يدك
وكل عام وانتي بألف خير
..
07-12-1427 هـ, 01:29 مساءً
أم طلال4
هلا وغلا....
تسلمين يا قلبي والله كلك ذوووق
07-12-1427 هـ, 02:14 مساءً
وصفة رااااااااااائعة من أخت أروع
حفظك المولى ووفقك في الدارين
07-12-1427 هـ, 02:17 مساءً
تسلمين يالغالية على الأطباق الرائعة اللي تقدمينها ...وننتظر منك دائما الجديد
07-12-1427 هـ, 02:20 مساءً
اقتباس مشاركة  (A>K>R)
ابدعتي ماشاء الله
شكله حلو رااح اجربه ان شاء الله
تسلم يدك
وكل عام وانتي بألف خير
..
هلا حبيبتي منوره يا قمر....
تسلمين على الردود الروعه


الساعة الآن 11:40 .

جميع الحقوق محفوظة - عالم حواء - 2015