06-12-1427 هـ, 08:11 مساءً
السلام عليكم بنات كيفكم

اليوم حبيت ادون تجربتي بخصوص شعور الانسه الي ماتزوجت بعد
انا الحين ماشاء الله متزوجه وعندي صبي مع انه عندي بعض الخلافات بس الحمدلله
عمري حاليا وبدون كذب 29 ونص


قصتي بدت اول مدخلت العشرين وانا اطالع كثير من البنات الي بسني او اصغر بدوا يتزوجون وانا لا والله بديت احس اني مني مرغوبه وانه فيه عيب يمنع زواجي
المشكله وبدون غرور كانوا يقولون عني حلوه بس مش جميله يعني مش قاصره وتوقعوا اني بنخطب وانا بالجامعه بس مع الاسف لم يتقدم الي احد يقنعني او بالاحرى انا تبطرت كثير ومشت السنين والا اشوف نفسي تخرجت بدون عريس والله حسيت حياتي صحراء قاحله اهلي ناس محافظين ويمنعوني من الوظيفه او الخروج بدون سبب وجيه المهم شعرت ان حياتي انتهت وانا اطالع البنات من عشيرتي تزوجوا اغلبهم وانا العانس الي ينظرولها بعين شفقه بانها بارت هذا الكلام وانا سني 25 بعدها الخطاب قلوا جدا والله فقدت الامل وجندت نفسي على اني عانس لا وعملت خطه كيف ساعيش عانس مع زوجة اخي الذي لم يتزوج بعد

والله في كل زواج اوحفله يكعدون النسوان ويصيرون حكيمات براسي ليش ماتزوجتي وليش مقبلتي بفلان ومافي زوج على التفصيل وكلام كثير يجرح لدرجه انه مره في حفل خطوبة جلست مع بنات عماتي والي كلهم متزوجات او مخطوبات وهم طبعا اصغر مني وانا كان عمري 27 سنه وكعدوا يكولون شوفي فلانه تبي تغيرج لانج مو متزوجه بعد قررت بهاي اللحظه اكون قويه وقلتلهم والله من كل قلبي مثل ما ربي رزقكم ورزقها بزواج وفرحه اكيد ربي بيفرحني بيوم ليش انا مش من عبيده وانا مؤمنه الفرج قريب واستمريت على هذا الاسلوب والله وبعد اشهر قليله طرق بابنا شخص مهو بوسيم جدا بس حسيت فيه واتمنيته وصارت القسمه وهو اكبر مني باربع شهور وتزوجنه وانا سني 28 وشهر والحمدلله كنت باينه وكاني 20 سنه بعرسي حتى كثير من اقاربنا حسدوني على زوجي

مابي اطول بس غايتي انه اي بنت تحس بانها عانس خلي تترك هذا الشعور وتترك الكلام الي يجرحها وتكون قويه وصلبه وبدل متاذي نفسها وتشغلها بالسن والعنوسه فكري كيف تزيدين جمالج وتحافظين على صحتك ورشاقتك مهما كان سنك وتحاولين تختطلتين وتطلعين ضمن الشرع طبعا ولاتتحسسين من كلام الناس ثقي الناس مليئين بالعيوب ويبون يشغلون نفسهم بما ينقص الناس هذا اذا كان فعلا تاخر الزواج يعتبر عيب لكنه ليس بعيب بالعكس احينا كلما اتاخرت البنت بالزواج زاد حظها اكثر واخذت زوج احسن الزواج اتي اتي ولما تروحين عرس افرحي وقولي مثل مانا كنت اقول مثلما ربي فرح هذه البنت بتجي ساعه ويفرحني
06-12-1427 هـ, 08:21 مساءً
مشكوره
الله يفرح الجميع .. والانسان طول مهو عايش عنده أمل بالله ... وكل تأخيره فيها خيره..
06-12-1427 هـ, 08:57 مساءً
صح
انا ضد الي تحط نفسها بموقف دفاع عن النفس بشي هي مالها ذنب فيه
لازم تكون قوية واي انتقاد او كلمة جارحة لازم تتحول لهجوم هههههههههه
والله جد لازم كذا ولا هالسخيفات مافي شي يوقفهم الا كذا


06-12-1427 هـ, 10:30 مساءً
مشكورة أختي

الله يجزاك خير ويسعدك ويوفقك ويسخر لك يارب .. على رفع معنويات البنات ..

يارب الله يرزق جميع بنات وعيال المسلمين ويوفقهم ..
06-12-1427 هـ, 10:43 مساءً
الله يسعدج ياارب ويوفقج في حياتج .. وربي بإذن الله بيفرجها علينا جميعا .. والفرج والرزق من الله سبحانه وتعالى وإيي في لحظة للإنسان ..

عن نفسي .. تاركه الموضوع .. وما اسمع لكلام الناس .. الحمدلله ع كل حال .. المهم انه نحن ندعي وما نيأس من الدعاء ونعيش حياتناا .. وكل شي بيي في وقته بإذن الله .. لكن اهم شي الثقه بالله والتوكل عليه سبحانه .. والله يرزق الجميع ياارب ..
06-12-1427 هـ, 11:12 مساءً
الله يجزاك خير ويسعدك ويوفقك ويسخر لك يارب
06-12-1427 هـ, 11:52 مساءً
والناس تترك احد بحاله
انا صار لي شهر مجننتني وحده بهالسالفه احلى شي ان البنت تتزوج صغيره قلت لها كل شي قسمه
ونصيب ليش نستعجل تونا صغار قالت لا يختي منتي صغيره العمر يمشي انا تزوجت عمري 21 وناسه وحلو دلع ومعرف ايش
لا حول ولا قوة الا بالله الله يهنيك

غصبببببببببببببببببببببببببببب بببببب تحطمني بس انا مستسلمت لها بينت لها انه كل شي قسمه ونصيب ورزق من ربي (مع ابتسامه ) وان الحمد الله يجوني خطاب بس اهلي الله يسامحهم مايرضون

الله يوفقك ياررررررررررب ويفرح كل بنت ماتزوجت يارب
07-12-1427 هـ, 01:08 صباحاً
اقتباس مشاركة  (انماريه)
مابي اطول بس غايتي انه اي بنت تحس بانها عانس خلي تترك هذا الشعور وتترك الكلام الي يجرحها وتكون قويه وصلبه وبدل متاذي نفسها وتشغلها بالسن والعنوسه فكري كيف تزيدين جمالج وتحافظين على صحتك ورشاقتك مهما كان سنك وتحاولين تختطلتين وتطلعين ضمن الشرع طبعا ولاتتحسسين من كلام الناس ثقي الناس مليئين بالعيوب ويبون يشغلون نفسهم بما ينقص الناس هذا اذا كان فعلا تاخر الزواج يعتبر عيب لكنه ليس بعيب بالعكس احينا كلما اتاخرت البنت بالزواج زاد حظها اكثر واخذت زوج احسن الزواج اتي اتي ولما تروحين عرس افرحي وقولي مثل مانا كنت اقول مثلما ربي فرح هذه البنت بتجي ساعه ويفرحني
كلام ذهب

برغم ان عمري 24 الا انه فعلا كلام الناس كثيييييييييييير وليه وليه واسئلة كثيرة


الحمد الله انا ماعندي هالشعور ابدا

لانه في اشياء كثيرة في حياتي حلووووه

وماوقفت الدنيا عند الزواج


والخيره في مااختاره الله

والمكتوب هو اللي راح يصير
07-12-1427 هـ, 01:21 صباحاً
الخيرة فيما أختاره الله

( استغر الله العظيم التواب الرحيم لذنبي وللمسلمين وللمسلمات وللمؤمنين وللمؤمنات الاحياء منهم والاموات الى يوم الدين )
07-12-1427 هـ, 01:44 صباحاً
الله يسعدك ويزوج البنات


الساعة الآن 06:58 .

جميع الحقوق محفوظة - عالم حواء - 2015