السعودية - جدة
مطبخ ام ريتال
معجنات ومقالي مفرزن او جاهز سينامون ودونات وجوزية شغل نضيف
السعودية - الرياض
خبيره التجميل ريما
خبيرة التجميل ريما لتصليح وتزين العرائس للحجز والاستفسار مع المنسقه
           
           
إضافة رد
 
أدوات الموضوع انواع عرض الموضوع
قديم 02-12-1427 هـ, 02:39 مساءً   #1
simply

عضوة
 
تاريخ التسجيل: 06-11-1426 هـ
المشاركات: 105


عربية البيبي

باختصار وش المميزات الي لازم أهتم فيها لما أشتري عربية البيبي ؟ ومن عمر كم أقدر استخدمها؟ وهل هي عملية ومفيدة ولا يمكن الاستغناء عنها؟


simply غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر




02-12-1427 هـ, 03:34 مساءً
#2
عربية البيبي مهمه أذا أنتي بتاخذينه معك (للسوق- الملاهي-الحدايق-------مرافق عامه)
وممكن أنك تستخدمينها من بعد الولاده بشرط أن الظهر تبعها له مستويات ممكن يتنزل عشان يصير زي السرير لان الطفل المولود مايقدر يجلس لازم يتنوم في العربيه
ونصيحه لازم تكون العربيه خفيفه عشان تقدرين تنقلينها معك بسهوله وبعد سهوله في الدف
أما عن أهميتها فأنا ما أقدر أستغني عنها أبد ابد ابد ابد


توقيع


رد مع اقتباس
غمزة عين غير متواجد حالياً  



02-12-1427 هـ, 03:47 مساءً
#3
جزاك الله خير أختي غمزة عين .. ماقصرت
طيب أنا أسمع ان كل العربيات ممكن تتحكمين فيها إذا بغيتي بحيث يكون ظهرها مستوي ليتمكن البيبي من النوم صح ولا لا ؟وهل في نوعيات معينة تنصحين فيها ؟ وهل السعر الغالي دليل على جودة أفضل؟ مثلا بعض الأنواع عند مذركير وسيتي بلازا توصل ل1500و2000 ريال
وشكرا


رد مع اقتباس
simply غير متواجد حالياً  



02-12-1427 هـ, 04:01 مساءً
#4
انا شريت من مذر كير عربيه بألف وميتين وحلوه وماشي حالها وكشخه
ورحت لمحل العاب الحسين وشفت عنده اشكال تهبل وذوق ارخص مليون مرررره من اللي شريتها
وشريت منهم . . . قويه وحلوه وانيقه وكل من شافها يحسبها من محل اطفال ماركات
استعملتها سنتين ولا خربت


رد مع اقتباس
~رغد~ غير متواجد حالياً  



02-12-1427 هـ, 04:26 مساءً
#5
بصراحة انا ما استغني عنها ابدا حتى في البيت اريح لي تنقيل البيبي فيها
انا اشتريت من مذركير لبنتي وحده ب1400 اللي يجي معاها كرسي للسياره وهو نفسه يتركب على العربيه لحد الحين عندي
لكن عيبه انها ضخمه وزوجي ما يحب العربيات الضخمه
فلما كبرت بنتي شريت وحده خفيفة من مذركير ب225 ريال لما تسكريها تجي مثل العصاية

واخذت لودي نفس النوعية لونها كحلي بنفس السعر ومررره عمليه لكن احسها تنفع للبيبي بعد 6 شهور


توقيع

اللهم احفظ اولادي واشفهم
واغفر لوالدتي وآدخلها فسيح جنانك


رد مع اقتباس
دلوعة أبوها23 غير متواجد حالياً  



03-12-1427 هـ, 03:19 صباحاً
#6
ايه حبيبتي فيه عربيات مافيها مستويات وهي الي تقول عنها دلوعة أبوها( واخذت لودي نفس النوعية لونها كحلي بنفس السعر ومررره عمليه لكن احسها تنفع للبيبي بعد 6 شهور) بس الصراحه مره حلوه وخفيفه وأنا ماخذتها من مذركير ب230 بس خطيره وفعلا تنفع للطفل بعد سته شهور لان مافيها مستويات للظهر فأذا لقيتي بنفس المواصفات شي له مستويات لاتترددين لاني شريت بعد الولاده وحده بمستويات بس مالقيت خفيفه بعدين شريت الخفيفه من مذركيير لان الاوله ميب عمليه
ونصيحه مره ثانيه لاتأخذين كبيره


رد مع اقتباس
غمزة عين غير متواجد حالياً  



03-12-1427 هـ, 05:08 صباحاً
#7
اهم شي خفيفه عشان تقدرين تنقلينها معك بسهوله وبعد سهله الدف
وممكن فكها و سهل تنظيف اجزاءها كلها لا تفشلك وتقرفك ولونها ما يكون فاتح لا تتبقع
وعلشان زوجك ما يخليك غصب تستغنين عنها لازم تكون صغيره لما تتسكر
ويكون تسكيرها سهل
اشوفها ضروريه مرررررره في كل مكان حتى في السفر و الاستراحات والمستشفيات
الخفيفه اللي عند مذركير حلوه وعمليه

انا اخذت من شيكو قبل 5 سنوات اظن ب1700
عمليه اغسلها في الغساله وتتسكر زي العصا وفيها مستويات اقل واحد للمولود
كرفتها كررررررف عيالي الاثنين يجلسون فيها سوا المولود نايم والكبير جالس على طرفها
وما تغير فيها غير ولدي الله يصلحه شال كل الستيكرات اللي عليها
بس تدرين صار ودي تخرب لان شكلها صار قديم وشفت موديلات تجنن
اعجبتني عربيه مع وحده في المستشفى<<< حرمه ما تنعطى وجه

لو كنتي تبين اسعار معقوله تلقين في محلات الالعاب
شفت نفس حركات حقتي بالضبط في محل العاب بس شكلها مب حلو


رد مع اقتباس
.*. بات مانه.*. غير متواجد حالياً  



03-12-1427 هـ, 03:49 مساءً
#8
الاخوات ماقصروا
بس خذي من شيكو او
مذركير او سيتي بلازا
لانها قويه وبتقعد معاك فتره
طويله


توقيع

الحمدلله من قبل ومن بعد ..}~


رد مع اقتباس
حلى الروح غير متواجد حالياً  



03-12-1427 هـ, 05:16 مساءً
#9
الاخت رغد
شكرا لك وتسلمين حبيبتي لكن انا مو مهم عندي السعر انا بس ودي اعرف وش الاشياء اللي المفروض ابحث عنها في العربة مثلا امس انا شفت وحده اعجبتي مع انها غريبه شوي كفراتها كبار وثلاث بس وسعرها اضن الف وشي لكن اللي اعجبني هو انه البيبي يكون اتجاهه لك مو لقدام وصراحة هذا ريحني لاني دئما افكر لو يطيح والا يغص اشوفه لكن ما فيها الا بس مكان للبيبي يعني ما فيه سله ولا مكان ممكن تستخدمينه للشنطه او للاغراض
شكرا لتواصلك


اخت دلوعة أبوها

تسلمين والله لكن انا مشكلتي في البيت اطلع فوق وتحت وطبعا صعبه مع الدرج لكن انا شفت في حدا القنوات دعاية لعربة هي نفسها تصير كرسي للسياره ولما تنزيلنها تصير عربة يعني مو جزئين مثل بعض العربات اللي شفتهم
زوجي قال دوري عربتين وحده تكون عملية وفيها اماكن للاغراض والثانيه بسيطه زي اللي قالت احد البنات فوق انها زي العصاء نستخدمها في الطياره او في الاماكن المحدوده
سعدت بتجربتك حبيبتي
اللهم اشف ابن، ووالدة، ووالد زوج دلوعة ابوها شفاءاً عاجلاً لا يغادر سقما...اللهم آمين


الاخت غمزة عين
انا عاجزه عن شكرك لاهتمامك, انا ولدي عمره ثلاث شهور وليس لي تجارب سابقة مع اولاد ولا العربات ونصيحتك على العين والراس
تدرين وش مشكلتي انا دئما سريعة في اتخاذ القرار واذا ما صلح الخيار اجرب مره ثانيه لكن نتيجة لهذه العادة امتلى بيتي من الاشياء وصرنا نحتاج مستودع ثالث لذا قررت اني ما اسوي شي الا بعد دراسة مستفيضة والعربة هي اول التجارب . ويكفي من هالموضوع تشريفك تسلمين حبيبتي

الاخت بات مانه
رائعة انتي بنقلك لتجاربك تسلمين يا عمري وفعلا انا افكر كثير بانها تكون خفيفه ولكن بنفس الوقت ودي تكون مريحه للبيبي وآمنه وصراحة ودي اعرف احد جرب العربة اللي كفراتها كبار زي السيكل وش فايدتهم
الله يخلي لك عيالك ويمتعهم بالصحة والعافية وفداهم كل عربات الدنيا الله يسعدكم

الاخت حلى الروح
يسعدك ربي تأييدك لما نصحن به الاخوات اضاف الكثير لمعلوماتي

لك كل تحياتي وتشكراتي


simply
سعيدة بتشريفكم


رد مع اقتباس
simply غير متواجد حالياً  



03-12-1427 هـ, 10:17 مساءً
#10
الحين عندي عربيتين استخدمهم ووحده ثالثه مااعجبتني

وحده اخذتها من سيتي بلازا شركة Graco وهي اللي عباره عن ثلاث قطع
عربية + كرسي + قاعدة تتركب للكرسي في السيااااره
وميزتها تتسكر بخطوتين وبيد وحده (احيان اكون شايله بنتي وانا افتحها )
قيااادتها سهللله وانسيابيه مررره لدرجة اني احيان اكون شايله بنتي على كتفي وادف العربيه بكل سهوله
فيها سله جدا واسعه من تحت ( مهمه مرره بالنسبه لي )
فيها عند مكان اللي تمسكينها وتدفين معه مكاانين للاكواب ( مهمه لي لاني اشرب ماء كثير )
وايضا فيها مكان زي العلبه يتسكر كنت احط فيه الجوال

استفدت منها كثييير ومن كرسي السياره ولحد الحين احبها واخذها للسوق والطلعات الطويله
بس عيبها انها كبيره شوي

والحين شريت ثانيه مثل اللي قالوا عنها البنات من مذر كير لان بنتي عمرها سنه وكبرت وقلت الحوووسه والاغرااض
ومرتااحه معاها في الطلعات القصيره والتمشي وتسكيرها سهل وفكها سهل واكيد زوجي يحبها لانها خفيفه

وجربت عربيه من mama love بس والله مافيه مقارنه مع عربية مذركير
علللله فصكتها وفتحتها وقيادتها صعبه ماحبيتها ابد


توقيع




...اللهم الهم ذريتي رشدهم وارزقني برهم...
رد مع اقتباس
يالله حيها غير متواجد حالياً  



إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 04:07 .