02-12-1427 هـ, 04:06 صباحاً
السلام عليكم ورحمة الله وبركاته
امسيكم بالخير يااحلى خوات في الدنيا..انا اول مره اكتب موضوع في قسم الشعر مع اني خبره في شغلات البشره والشعر تدرون ليه؟؟لاني ما احب احد يستخدم شي ولايناسبه ويقعد يدعي علي لكن هالخلطه غير وبشهادة الكل وانل مالي اي مصلحه من ذكرها سوى اني احبكم في الله واتمنى لكم الخير وانكم تدعون لي بالهدايه والصلاح وحسن الخاتمه والتوفيق لخير الدنيا والاخره

اولا..خواتي الثلاث ومرة اخوي وخوات زوجي كلهم تركوا الصبغات بعد ان دمرت شعورهم واحرقتها وخلتها حبتين لون حلو صح لكن وش فايدة اللون الحلو والشعر حبتين مافيه لمعه ولاحيويه ولاكثافه..تركوا الصبغات وتوجهوا لخلطتي هذي والله العظيم انها خلال ثلاث شهور انقلبت شعورهم وتغير ت كثييييير طبعا اللمعه والنعومه بتلاحظينها من اول استخدام لكن الكثافه يبي لها على الاقل شهرين

ابد بالخلطه راح اوضح كل شي قدر المستطاع لاني ما اضمن اني اقدر ارد على كل وحده فيكم
الخلطه تستخدم مره واحده في الاسبوع وتترك على الشعر اقل شي خمس ساعات وتغسلين الشعر بعدها بشامبو عادي واذا حابه تزيتين شعرك بعدها انتي حره
الخلطه..
حنا مطحونه(الكميه تتحدد حسب طول شعرك)
فنجال محلب مطحون(المحلب غير الحلبه وتلقينه عند العطار لونه سكري على بيج)
فنجال حبه سوداء مطحونه(اللي هي حبة البركه)
ملعقه كبيره مسمار مطحون(اللي هو القرنفل)
ملعقه كبيره قرفه مطحونه
نصف علبة زبادي
ملعقه كبيره خل تفاح او خل ابيض
فنجال من اي زيت متوفر عندك ويفضل زيت زيتون او خروع اولوز او جوزهند
فنجال عسل
بيضه واحده
تعجنين الحناء اولا بماء دافي يميل للحراره(تتركين المويه تغلي وبعد ماتدفى شوي تعجنين بها الحنا)وبعدين تضيفين باقي المقادير وتخلطينها زين وتغطينها وتتركينها تخمر على الاقل ساعه كامله ويفضل تعجنيها في الليل وتحطينها في الصبح بس لاتخمرينها اكثر من ثمان ساعات
تقسمين شعرك اقسام صغيره وتحطين الخلطه من الجذور للاطراف وبعد ماتنتهين ارفعي شعرك لفوق ولفيه بسماط اوبورق التغليف البلاستك وبعدين لفي عليه شيله وخليه على شعرك زي ماذكرت على الاقل خمس ساعات وبعدين اغسليه ونظفيه بالشامبواي شامبو تستخدمينه ويفضل تزيتينه بعد يوم اويومين بأي زيت عندك وشوفي النتيجه وادعي لي اماااااانه..

اللي يصبغون شعورهم ممكن يستفيدوا من الخلطه بس بدال الحنا سدر مطحون وبالتوفيق ياحبايب قلبي
02-12-1427 هـ, 04:16 صباحاً
مشكورة ياقلبي

ولا تحرمينا من موضوعاتك المفيدة

جزاك الله كل خير
02-12-1427 هـ, 04:18 صباحاً
جزاك الله خير
02-12-1427 هـ, 04:21 صباحاً
مشكوره حبيبتي الله يسلمك
02-12-1427 هـ, 04:26 صباحاً
مشكوره وراح اجربها ان شاء الله بس راح استبدل الحنه بالسدر
لاني مااحب الحنه والله يوفقك يارب
02-12-1427 هـ, 04:32 صباحاً
الف شكر لكم على المرور جربوها ماراح تخسرون انا شعري على الله ثم عليها خواتي وحريم اخواني خوات زوجي صديقاتي والله العظيم انهم صاروا يستخدمونها وبانتظام لما شافوا نتايجها والتجربه خير برهان اتمنى من الله يرزقكم بشعور ماتنربط من كثرها سواء استخدمتوا الخلطه او لا
02-12-1427 هـ, 04:37 صباحاً
تسلمي ياقمر على الخلطه الحلووه زي صاحبتها ,,,,, شكلها رااائعه ,,,,,,,,

وإن شاء الله راح أجربها لأنه بجد أحب الحنا والسدر وكل شي طبيعي

لأنه شعري الحمد لله أستفاد منه وإن شاء الله أستمر والله يبعدنا عن الصبغات وكل شي مضر

والله يجعل شعورنا حلووه ,,,,, والله يعطيكِ العافيه أختي *احبه حيل* والله يوفقك ويسعدك يارب ...

أختك أم هاشم ........

الحمد لله
02-12-1427 هـ, 04:47 صباحاً
مررررررررره شكراااااا
باستخدمها بس بدون الحنا
02-12-1427 هـ, 04:51 صباحاً
بس عندي سؤال المقادير هاذي حقت استخدام واحد؟؟؟ او ممكن اسويها واحطها برا او لام فالثلاجه؟؟؟؟؟؟؟؟

هل يكفي استخدمها مره بالاسبوع؟؟؟؟
02-12-1427 هـ, 05:12 صباحاً
جزاك الله كل خيرر عزيزتي


الساعة الآن 04:40 .

جميع الحقوق محفوظة - عالم حواء - 2015