قصتي مع تأخر الحمل والنتيجة الحمد لله حاااااااااااااامل؟؟ شاركوني فرحتي

السلام عليكم ورحمة الله و بركاته

اكتب لكم ياحبيباتي قصتي لاني مجربة تأخر الحمل و كل الظروف المحيطة به
الله لا يجعلني اشوف وحده فيكم تكتب هنا ياااااااااااارب ياسميع الدعاء


اولا انا متزوجه من 6 سنين والحين حامل بفضل الله على وشك ولادة:)
حبيت أشارككم تجربتي ومعاناتي مع تاخر الحمل لعلي افيد بها احد بعد الله سبحانه

لما تأخرالحمل طبعا كنت دائما اراجع عند افضل طبيبات بجده وماخليت احد
ترى عندي خبرة بالدكاترة رجال وحريم :42:
المهم اجمعوا انه عندي تكيس بالمبايض ( عدو المراة الان:angry2: )
وأعراض المرض المصاحبة طبعا وهي السمنة المفاجئة:10_8_11: و ضعف بالتبويض وحاله تاخر الدورة وارتفاع هرمون الذكورة


المهم اخذت علاجاااااااااااات وابر تنشيط وتفجير وكنت والله((( لا تواخذوني اسفه))) اروح المدينة المنورة او مكة عند الحرم وادعي واصلي واقضي مدة 3 ايام بفندق هناك بس علشان اتمنى انه يصير الحمل هناك وتحل علي بركات الرحمن ( ونعم بالله)


المهم استمريت والله على هذا الحال 5 سنوات ونص ولا صار شيء:(

بس الجانب الايجابي في السالفه هو لما تلاقين زوج تحسين انه مو من هذه الارض والله العظيم كان يقول لي اش لك والدكاترة والله كلام فاضي يعني رافع روحي المعنوية فوق الخياااااااااااااال وكنت احيانا والله الله يسامحني يارب اتشاد معاه لا تمنعني اني اعالج وكان مو مقتنع بالعلاج ابدا سبحان الله

كان يابنات فالها دائما يسفرني ويمشيني واخر دلع والله اطبخ و هو يغسل معي اذاكر وهو ينتبه لي في كل شي الله يارب تجعل اولاده يشيلونه من الارض شيل زي ماشالني وساعدني
طبعا اهله (بعضهم خصوصا اخواته ) يتغامزون ويتلامزون ومااخفي عليكم انا بشر كنت اتحسس والله وكان شيء ماثر عليا
خاصه انه اخوه تزوج بعده باقل من شهر وعنده ولدين ودائما الله يسامحها ويسامحه يجون البيت ويقلبون كياننا هي كانت تنبش واخوه يضغط عليه (لدرجة اني كرهت مجيئهم كلما يطلعون من البيت ينعفس حالنا اعوذ بالله :30: )

المهم بعد ماسردت لكم المعاناة كيف حملت؟؟؟؟؟؟

طبعا عرض الطبيب اني اعمل انابيب او حقن مجهري قلت طيب بس اخلص دوام واسويها على رواقة
المهم الادوية سكرت عليها في الدرج 6 شهور
ومامعي الا الله رب العالمين وفي خلال الفتره هذيك ؟؟

تدرون اش سويت؟؟
بس لاتقولون لي انكم تسوون نفس الشي يابنات........... لا ..
شوفوا

قريت قصة الحجاج بن يوسف وخلاصتها انه كان يطوف بالبيت ولما راى رجلا كهلا يدعو قال هل استجاب لك الله ؟ قال : لا قال الحجاج : والله لو ما استجاب لك الله وعدت بعد عام ورايتك بنفس المكان تدعو لاقطع راسك!!!!!!!!!!!!!!!!!!!!!
رجع الحجاج السنة التالية ووجد الرجل وساله هل استجاب لك الله قال نعم ؟؟؟

عرفتم ليه لانه لما دعا باخلالالالالالالالالالالاص وخوووووووووووف شديد من ان يقتل استجاب له رب السموات والارض

المهم
لكل اخت تاخر عليها الحمل
صلي في هدوء موشرط تكوني قدام بيت الله الله يغمرنا في كل مكان ولكن
ادعي بقلب مخلص يعني بالحاااااااااااااااااااااااااااااااااااااااااااااااااااااااااح شديد وثقة كنت لما ادعي اقول والله ياربي انك راح تعطيني وماتحرمني انت الذي تنزل بالسماء الدنيا وتنادي هل من داع فأجيب له؟ فهاأنا ذا ياربي ياملك ياقدوس أسألك بأسمائك الحسنى التي أسميت بها نفسك انك تعطيني وكنت الح بشدددددددددددددة وابكي
والله اقول كذا واتذكر كلام نفسي وابكي الان :icon36:


بعدها والله العظيم بشهر واحد بس تاخرت الدورة كالعادة ياسعادة (مافي جديد)
رحت اسوي العملية في الموعد المحدد اول مادخلت على الدكتور قال هل جاتك الدورة قلت لا تاخرت اسبوع لكن خلينا نبدا يالله ! قال لازم يامدام تحللي اول قلت ( شوفوا الهبله) يادكتور انا عارفة نفسي مافي حمل قال انزلي سوي التحليل الان واطلعي
المهم نزلت مع زوجي الله ينور دربه في الدارين وحللت دم قالوا ارجعي لنا بعد ساعتين(دقيقين مرة) قلت طيب رحنا المقهى وكان يقول لي ( لو طلعت حامل اش تسوين)؟؟ ضحكت والله قلت والله اعشيك في هيلتون قال و لو ماطلعت حامل؟ قلت ادعي ربي انه يعطيني قال حتى لو ماحملت مو علشان كذا تزعلين وتقولين ربي مااعطاني !!!!!!!!!!!!!!!! قلت اعوذ بالله يعطيني في الجنة خير و ابقى

رجعنا المستشفى وقابلتني الممرضة واخذ زوجي النتيجه وقراها positive يعني ايش؟؟؟
صعقت ؟!!!!!!!!!!!!!!!!!!!!! وبكيت ورحت اصلي واسجد شكر للواحد الاحد الذي لايعجزه شي في الارض ولا في السماء ( عجوز جنبي تحسب انه امي مسويه عمليه قلت لها لا ياوالده انا حامل ) والله بكت معي

طبعا اخذت الزوج الامير للفندق مثل ماوعدته



والحين
كل وحده تبي حمل وتاخر عليها تجرب الالحاااااااااااااااااااااااااااااااح اللي عمرها ماجربته واسال الله ان يعطينا وياكم ولايحرمكم اللهم امين

اسفة على الاطاله لو ما محبتي لكم ماكتبت


ام فراس