17-11-1427 هـ, 09:32 مساءً
بسم الله الرحمن الرحيم

أخواتي الغاليات

سمعت عن خلطة أسمها خلطة الرومي لعلاج العين والسحر

واللي هي كيلو سدر+كيلوملح خشن تقسم في 3 أكيياس وتستخدم بعد صلاة العصر(تستحمي به) لمدة 7 أيام

فماأدري يابنات أنتوا جربتوها ولا لا وشفتوا نتايجها ؟؟؟؟

وهل هي مضره على الحامل؟؟؟؟

بانتظاركم
17-11-1427 هـ, 09:37 مساءً
اول مره اسمع فيها؟؟؟؟؟؟؟؟؟؟؟؟لكن السدر اسمع كثير يستخدمونه لكن برايي اكثري من القراءة على نفسك واكثري من الدعاء والاستغفار وسورة البقرة خاصة في جوف الليل
17-11-1427 هـ, 11:04 مساءً
ما اعرف عن الخلطه

واسال الله تعالى ان يشفيك

وانصحك بقرأه البقره والكهف ويس3مرات (المهم الوتر) يوميا بجلسه واحده
واستمرى عليها مهما طالت المده بالاضافه الى رقية السحر
وداعا عالم حواء
18-11-1427 هـ, 10:42 صباحاً
معروفه خلطة الرومي
وهي مفيده للمعيون والمسحور
انا استخدمتها من فتره
طريقتها حسب ماقالي الشيخ
اني اعبي نص البانيو بماء
واصب عليه ثلاث كاسات ماء مقري فيه
وكيس من خلطه الرومي
( هي تجي مقسمه عند العطار )
وواقعد في البانيو لمدة ساعه تقريبا من قبل المغرب بساعه
وتحاولين تغطين كل جسمك بالماء
تسوين هالطريقه لمدة اسبوع
كل يوم كيس
وممكن تكراها حسب نصيحه الشيخ لك


والله يشفيني ويشفيك وكل معيون يارب
18-11-1427 هـ, 10:47 صباحاً
سمعت عنها في شريط للشيخ الرومي نفسه

هو فسر حلم وكان تفسير الحلم هذي الخلطة كعلاج للسحر والعين والمس

وقال انه من شروطها ان الشخص مايكون في بيته دش ولا صور ولا عمالة كافرة

ويقول ان فيه حرمة كبيرة بالسن جاها شلل فجأة وراحت امريكا تتعالج

يقول دقت علي في اليوم السابع تصيح وتقول والله اني مشيت!!


وبرضو الشيخ العصيمي كاتب علاج للسحر والعين في منتداه

وفيه اعضاء جربوها وكتبوا تجاربهم بالتفصييييل

وهذا موقعه ادخلي بنفسك واقري

http://www.22522.com/vb/


الله يشفي مريضكم ويرفع عنه
06-12-1427 هـ, 09:16 مساءً
اقتباس مشاركة  (On Air)
معروفه خلطة الرومي
وهي مفيده للمعيون والمسحور
انا استخدمتها من فتره
طريقتها حسب ماقالي الشيخ
اني اعبي نص البانيو بماء
واصب عليه ثلاث كاسات ماء مقري فيه
وكيس من خلطه الرومي
( هي تجي مقسمه عند العطار )
وواقعد في البانيو لمدة ساعه تقريبا من قبل المغرب بساعه
وتحاولين تغطين كل جسمك بالماء
تسوين هالطريقه لمدة اسبوع
كل يوم كيس
وممكن تكراها حسب نصيحه الشيخ لك






والله يشفيني ويشفيك وكل معيون يارب



بعد ما تخلصين تفتحين السداده و يروح الماي المقروء فيه الي المجاري النجسه؟؟؟؟؟؟؟؟؟؟؟؟

اللي اعرفه و يقوله لي الشيخ اللي كان يقرا لي في الماي انه بعد ما اتسبح به في طشت كبير لازم اصبه تحت شجره و لا اصبه في البالوعه الله يعزكم

بس مش الشيخ الرومي اللي اقصده و لا خلطته لأني ما سمعت عنها الا في هالموضوع
06-12-1427 هـ, 09:35 مساءً
مرة حلمت حلم وكلمت شيخ مفسر وقالي فيه خلطة مشابهه للرومي تلاقينها
في المحل الفلاني
تعوذت من الشيطان وماسويته
ربي الشافي ماهي خلطاتهم مادري ليه ماقتنعت
ماشاءالله

06-12-1427 هـ, 10:18 مساءً
خلطه الرومي مررررررره حلوه ياجماعه
06-12-1427 هـ, 11:06 مساءً
مساكم الله بالخير جميعا انا بصراحة سمعت الشيخ بنفسه يقول عنها وشفته في برنامج مباشر برضو وكثير من اهلي واقاربي سووها اللي استفاد شوي واتوقع العامل النفسي له دور واللي ما استفاد منها بس المفاجئ ان الشيخ من فترة انكرها وقال اني ما قلت عنها وانا برئ ........ ليش تتوقعون قال كذا؟
27-02-1429 هـ, 04:16 مساءً
ينغسل فيه الشعر يابنات؟؟


الساعة الآن 03:22 .

جميع الحقوق محفوظة - عالم حواء - 2015