السعودية - الرياض
عروض للخدمات
حلاوه دلكه حمام مغربى نقش حواجب فتله تنظيف وجه برامج كامل
              

السعودية - الرياض
عروض للخدمات
حلاوه دلكه حمام مغربى نقش حواجب فتله تنظيف وجه برامج كامل
إضافة رد
 
أدوات الموضوع انواع عرض الموضوع
قديم 14-11-1427 هـ, 08:00 مساءً   #1
احلى ام

محررة
 
تاريخ التسجيل: 20-01-1426 هـ
المشاركات: 1,515


Thumbs up لكل الجادات في البحث عن القطران وطريقة استخدامه بالصور






اليوم حبيت اشاركم بتجربتي مع القطران لان لاحظت بنات كثير يدورون عليه وماهم عارفين طريقة استخدامه
اولا:
خلوني اقولكم تجربتي انا كان شعري خفيف وشبه كيرلي وكان عندي خاله شعرها احلى من شعر زينب العسكري بمية مره وكنت مصره اني اخلي شعري مثلها وسألتها وش تسوي فقالتلي حنيه باستمرار
وفعلا بدات احنيه كل اثنين وخميس من كل اسبوع يعني مرتين في الاسبوع وحده حرمه كبيره في السن كانت تشتغل عند ماما في المدرسه قالتلها خليها تحط عليه قطران في البدايه رفضت وبعدين قلت الي يبي الزين يصبر وفعلا صرت اخلط القطران مع الحنا واحني شعري في الاسبوع مرتين واستمريت بدون توقف وما كنت عارفه ان شعري يتحسن الا لمن شفت بنات عمي يتهامسون في العزايم ويسالون اخواتي الصغار هل سويت فرد ؟؟
بعدها عرفت ان شعري تغير للافضل وصار يلفت النظر وهنا اصريت على الاستمرار
ولمن دخلت الكليه والله يابنات ماابالغ اذا قلت تستوقفني في اليوم بنتين اوثلاث يسالوني عن لون الصبغه ويسالوني وش الخلطه اللي استخدمها لدرجة مره دكتوره عندنا في الكليه سالتني عن شعري واعطتني فلوس اجيبلها كل الي استخدمه واعلمها كيف ؟
طبعا انا ماكنت اسشور شعري كان ناعم ومفرود وخصله وحده ولون رائع وكنت احب العب بالالوان بالحنا اذا ابيه احمر احط دم غزال واذا ابيه بني احط نسكافيه مع قرنفل مطحون وغيرها من الالوان الطبيعيه وشعري الحلو كان السبب ورا زواجي لان اهل زوجي لمن شافو شعري انهبلو وكان حريم كثير يدقون على امي ماتعرفهم يسالونها من وين يجيبون الحنا والقطران وكنت حديث الكليه لدرجة صديقاتي كانو يقولون اكتبي الطريقه وعليقها علشان ترتاحين
انا اليوم كتبت تجربتي لان حبيت افيد البنات بالطريقه اللي قررت اني اعيدها بعد الزواج والحمل والولاده والصبغات والهايلات والسشوار
وقررت اني ارجع شعري القديم
صدقوني يابنات الطريقه سهله المهم الاستمرار
والمتزوجه لا تتعيجز وتقول زوجي وما اقدر ؟

زوجي وولدي يعني الساعه 12:30 او 1 وانام واذا راح زوجي يداوم اغسلها لان لازم يجلس في الشعر اكثر من خمس ساعات
وبكذا الحنا لابيضايق زوجك ولا بيعطل مشاويريك
الحين يابنات راح اعرضلكم طريقتي بالصور ومن وين الاغراض وارجو المتابعه بدون رد حتى انتهي واي استفسار انا جاهزه
انتظروني ثواني


احلى ام غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر




14-11-1427 هـ, 08:05 مساءً
#2
يالله الغاليه انا انتظرج .... الله يوسع عليج ويرزقج الجنه


رد مع اقتباس
ماروكووو غير متواجد حالياً  



14-11-1427 هـ, 08:08 مساءً
#3
اولا احب اتكلم عن القطران وهذي صورته


وفوائده يطول الشعر يفرده ينظف الشعر يعقم فروة الراس يقبض مسام الشعر وبالتالي يوقف التساقط
بالنسبه للرائحه صحيح قويه بس تخف مع الحنا وبعد ماتغسلين شعرك شوية عطر وبخور وعودي والريحه باباي
بالنسبه من وين من أي محل عطاره بس تاخذين مختوم وعلب في كرتون ليش لان بعذ العطارات اللي تعبيه في علب اما تضيف عليه بنزين او قاز اوحتى زيت سيارات علشان يغشون وياخذون كميه اكبر فاشتريه معبأ افضل من معاصر الاحلام هي افضل شئ تلقيه في الصيدليات في وادي النحل في عطارة الماجد وقيمة 15 ريال


الحنا
انا دايم اخذ حنا المدينه الاخضر خضار حلو اوالحنا اليماني كمان ممتاز وهنا اقول روحو عطاره ممتازه وموثوقه لان اكتشفت بعض العطارات تخلك مع الحنا اسمنت او ملوخيه مجففه ومطحونه كل ماهو اخضر علشان يثقل في الوزن (اسال مجرب)
انا اخذته من عطارة الماجد
نجي للطريقه
جهزي طاسه وملعقه خاصه نعجنين فيها الحنا على طول
قبل ماتسوين الحنا يعني الليله الللي قبل اطحني بصل شوي وصبي عليه مويه وخليه منقع الا اليوم الثاني


رد مع اقتباس
احلى ام غير متواجد حالياً  



14-11-1427 هـ, 08:16 مساءً
#4
الطريقه:
1 انخلي الحنا واعجنيه زي الصور واشدد على النخل لانه بيساعدك في غسيل الشعر





2 خلي عجينة الحنا شوي لحد ماتصير مويته حمراء اللون



رد مع اقتباس
احلى ام غير متواجد حالياً  



14-11-1427 هـ, 08:25 مساءً
#5
3 جيبي خلاط الكيك وصفي موية البصل واضيفي على الحنا زبادي بيضه 2غطاء زيت قطران واذا الشعر طويل حطي 3وابدئي صبي موية البصل



واخلطي بالخلاط لحد مايصير الخليط غليظ لاتكثري مويه يعني يصير زي خليط الكيك علشان مايسيل من شعرك وخليه شوي
4جهزي اغطيه لشعرك اثنين اوثلاثه قلفز وسفره حطيها على ملابسك وسفره افرديها في المكان اللي بتتحني فيه علشان ماتخبصي الدنيا او اذا عندك شغاله تثقي فيه خليها تحنيك

5 مشطي شعرك وافرقيه اثنين وجيبي شباصتين شيلي جزء والجزء الثاني فرقيه ابتداء من تحت
6 جيبي الحنا والبسي القلفز وسمي الله وابدئي حني وانت تحنين اقري المعوذات وارقي نفسك
لحد ماتنتهي من اجزء الاول لميه على بعض وارفعيه على فوق وابدئي في الجزء الثاني فرقيه وهكذا لمي الجهتين فوق الراس وغطيه وامسحي وجهك ورقبتك وبكذا انتهيتي
خليه في شعرك ست او سبع ساعات اذا خمس مو موشكله بس مو اقل لان الشعر ماراح يستفيد


رد مع اقتباس
احلى ام غير متواجد حالياً  



14-11-1427 هـ, 08:35 مساءً
#6
7 انتهى الوقت وجاء وقت الحمام خذي معك مشط ولا تدخلين تحت الدش ابد روحي لصنبور المويه وابدئي بالجزء الاول لحد مايروح كل الحنا منه وابدئي بالجزء الثاني بعدين لاتحطين شامبو ابد حطي بلسم على الاطراف وليس على الفروه وخليه شوي وابدئي مشطي شعرك علشان تتطلعين باقي الحنا منه وصفيه لحد ماتسي موية الشعر صافيه غسلي جسمك ووراء الاذاني وخلف الرقبه واطلعي من الحمام
ليش ما نحط شامبو لان الشعر بيستفيد اكثر خلي شعرك ينشف طبيعي من الهواء ولمن ينشف تماما جيبي أي زيت وزيتيه تمام ولفيه بسلوفان انا احط زيت صانصيللك لان مااحب اعود شعري على نوع زيت علشان مايتعود عليه
وخليه ساعه ساعتين اذا ماعندك شئ خليه اكثر

8 الحين تحممي عادي بشامبو وتنظفي زي ماتبين ونصحتي لكل البنات ابتعدو عن البلسم لانه هو اللي يضعف الشعر حطي شامبو بس يتقلوين بيكش شعري ؟ كيف كانت شعورنا قبل مايجي البلسم ولا احلى منها تاثير البلسم على الشعر قريب من تاثير النير لاحظو لان يخفف الشعره في زمن قياسي علشان تنعم جربي وراح تلاحظين انك شوى شوي راح تبعدين عنه
بخري شعرك وهو رطب وعطريه انا استخدم بخلخ الور للشعر وشوية عودي وراح تلاحظي الفرق بعد الشهر الاول



اتمنى اكون افدتكم واتمنى لكم شعر حلو صحي ولونه روعه


وابي منكن تدعولي انحف وربي يحقق لي اللي في بالي
ويسخرلي زوجي وولدي
واي وحده تجرب طريقتي وتعجبه ياويله ماتدعيلي




رد مع اقتباس
احلى ام غير متواجد حالياً  



14-11-1427 هـ, 08:37 مساءً
#7
استنا ردودكم على احر من الجمر
والحين الحنا في شعري


رد مع اقتباس
احلى ام غير متواجد حالياً  



14-11-1427 هـ, 08:47 مساءً
#8
ما شاء الله عليك الله يبارك لك في شعرك ويحفظك من العين الصور جدا واضحهالله يجزاك خير على الطريقه بس انا الحين مقاطعه الحنا علشان ابغى اصبغ ممكن اخلطه مع السدر وهل هو يسود الشعر انا من الشرقيه وين اقدر الاقيه شاكره لكك تجاوبك


رد مع اقتباس
العصرية غير متواجد حالياً  



14-11-1427 هـ, 09:18 مساءً
#9
الله يجزيك خيييييييييييير

بس من ايش مستخلص القطرااااااااااان؟؟؟؟؟؟؟؟؟احس انه من مشتقات البتروووول خخخخ

واتمنى احني شعري بس برررررررررد مررره عندنا ماينفع راح يضرررررررر.......

اما من ناحية البلسم معك حق انا مااحبه واخاف منه....حتى مره سمعت عن البلسم انه يضاف معه نسبه بسيطه من الاسيد عشان كذا الشعره تملللللللللللللللللللس وتخف...والله اعلم


رد مع اقتباس
*الماسه* غير متواجد حالياً  



14-11-1427 هـ, 09:20 مساءً
#10
مشكورة على الخلطة وطريقة الحنة اتمني الاقي زيت القطران عندنا في دبي.


رد مع اقتباس
magic123 غير متواجد حالياً  



إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 03:48 .