13-11-1427 هـ, 10:01 مساءً
كيف اقدر ارسم خريطه لبيت المستقبل

مع اني مااعرف بالرسم ولاشي

هل من تستطيع مساعدتي

كيف ابدا؟؟

من اين ؟؟

سااعدوني بكل ما تستطيعوون ولكم الاجر

ارجوكم الا الطنااش والله يزعلني
15-11-1427 هـ, 01:20 صباحاً
اضم صوتي لصوت الاخت

كيف نصمم ونرسم
[IMG][/IMG]
15-11-1427 هـ, 06:44 مساءً
اول شيء جيبي ورقه و قلم و بعدين ارسمي المخطط...ههههه بس
15-11-1427 هـ, 06:54 مساءً
لا و الله كنت امزح .....ههههههههه
جيبي ورقه و قلم و افضل الورق حق الرسم البياني اسهل ...مسطره
اعرفي مساحت الارض و مساحه البناء المسموح بها في الحي ...
يعني الارتدادات ...كل حي يختلف عن الثاني ...اسالوا البلديه ...
اكتبي في و رقه خارجيه الشروط إلي تحبيها تكون في بيتك ...بالنسبه لتوزيع الغرف و عددها و الدرج هل تحبي يكون في وسط البيت او جانبي ...المطبخ مفتوح او مسكر ...و غيرها من الامور...
و بعدين ارسمي المجلس حق الرجال و غرفة الطعام (المقلط )
نقول تقريبا مساحة المجلس 5في 8 ..احسبي كل مربع في الورق البياني بمتر في الواقع ....
ثاني اهم شيئ ترسميه هو الدرج لانه موقعه يؤثر على توريع الغرف في الدورين ....
اي سؤال انا حاضره لاني مريت بهذي التجربه و صممت بيتي ...
15-11-1427 هـ, 08:33 مساءً
اهم شي تعرفين المساحة بالضبط .. كم بكم

مثلا .. 500 متر مربع يعني نقول 20 × 25

تاخذين الورقة ( كراسة رسم ) وترسمين بالمسطرة مستطيل 20 سم ×25 سم هذا المحيط

وحددي 1 متر بواحد سم يعني الغرفة 4×5 تصير بالورقة بالسنتميتر اسهل لك وهذي طريقتي
15-11-1427 هـ, 08:43 مساءً
انا مثل طريقة البنات ...

بس اذا اتحبي تتطوري اكثر طالعي الخرايط واشلون راسمينها وتعلمي منها كيفية توزيع الاثاث والغرف وكيفية رسمها ..

وبالفعل انا اشوف ان الوحده تصمم لنفسها بعدين تروح لمهندس احسن .. عشان تنظم افكارها وتخطيطها من البداية ..
15-11-1427 هـ, 08:52 مساءً
حبوبة بامكانج تستعينين بالخرايط الجاهزة

او انج اتكونين مخططة في بالج شوتبين وبعدها اتمين اتعدلين بتمين تذكرين كل مرة شي

روحي وشوفي الفلل وهذي بتعطيج فكرة اكثر




يعني شوية شوي اختي


الساعة الآن 04:35 .

جميع الحقوق محفوظة - عالم حواء - 2015