10-11-1427 هـ, 01:43 مساءً


حياكم الله اخواتي ...

الجو عندنا في قطر يهبل ماشاء الله مطر وخير ..وبرد
وحفل افتتاح دوره الالعاب الاسيويه اليوم في قطر ان شاء الله
يعني فرحه الله يديمها علينا ياارب
((اللهم اجعل هذا البلد آمنا مطمئناً سخاءا رخاءاً وسائر بلاد المسلمين)) اللهم امين


المهم .. للامانه الطريقه هي اساسا لحبيبتي الخفايا ..بس بتعديل مني
وتقليل المقادير .. وتناسب العائله الصغيره >>> مثلنا



المقادير ...
كوبين طحين ( محمر ,مشفشف , محمص ) اكثر من تسميه له بس اهم شي يكون لونه فاتح
مب غامق ...
كوب سكر ( يعادل 5 فناجين سكر ) لاتقولون وايد لانها تحتاج سكر ولا بتطلع ماصخه
الماء ( عباره عن 6 اكواب ماء )
ملعقه كبيره زعفران منقعه بفنجان ماي ورد , ملعقه هيل مطحون
دهن او سمن مب زيت ..حلاته مع الدهن القطري يمي يمي


الطريقه :
نحمر السكر على النار لين يصير لونه عسلي اهم شي لايحترق
نضيف عليه كوبين ماء فقط ..ونخليهم يطبخون لين يذوب السكر تماما

طبعا الطحين جاهز ومشفشف ... انخليه عشان الكتل تروح منه وضيفي عليه 3 اكواب
ماء وحركيه وخليه على جنب

اول مايطبخ السكر والماء عدل ضيفي ماء الورد والزعفران والهيل
...ومن ثم ضيفي الطحين ( الي خلطيته بالماء ) ضيفيه كامل مع الماي حقه

طبعا اول ماتضيفينه بتلقينه يغلظ حركيه ..وزيديه كوب ماء ( هذا اخر كوب )
وقعدي حركيه ..وخليه على نار هاديه ..وحطي الدهن عليه تقريبا مقدار ملعقتين طعام
او اكثر على حسب الرغبه ... اذا حسيته يحتاج سكر زيديه لان حلاته بالسكر

وبعد 5 او 10 دقايق سكري النار وقدميه وهو حــااااااااااااااار ولو بغيتي حطي علي الوجه
شوي دهن ....وتمتعي بالطعم الرهييييييييييييييييب ..


10-11-1427 هـ, 01:53 مساءً
ووواووو تهبل يابنت بلادي في هااي الجووووووو العجيب والله يعطيج الف عاافيه ..
سبحانك لااله الا انت اني كنت من الظالمين

10-11-1427 هـ, 01:56 مساءً
أوه غرامي ..عاد تدرين من كم يوم سويت طريقة أخت كانت مسوية العصيدة بطحين البر و التمر..والله عجيبة أنصحكم تجربونها , ترى صج لذيذة و بعدين التمر و البر ترى فيهم فوايد وايد..

تسلمين حبيبتي على هالعصيدة الحلوة ..

10-11-1427 هـ, 01:57 مساءً
وااااااااااااااااااااااو مشكوره اختي
10-11-1427 هـ, 02:20 مساءً
باستا
ما شاء الله عليج شغل عدل
اتصدقين عاد ولا مرة سويت عصيدة هاي الشغل مخليته للوالدة الله يحفظها
بس بعد ها المنظر الحلو شكلي باجربها
تسلمين وما قصرتي يالشيخة
10-11-1427 هـ, 03:19 مساءً
ماشاء الله عليج
امس اقول حق امي خاطري بعصيدة .. ان شاء الله باسويها اليوم بس بازيد لها بيض على الويه ..
يعطيج العافية
اللهم اني اسستوٍدع‘ـك أحبآبي يآمَ ـن لآتضيع ودائع ـه ..,~
10-11-1427 هـ, 04:10 مساءً
ماشاالله...


<<<<<<<<<<<<<<<< احنا عصيدتنا غير
مشكورة قلبي
10-11-1427 هـ, 04:22 مساءً
11-11-1427 هـ, 01:02 مساءً

ام هياوي .. هلا حبيبتي وحياااج الله

عيون قطر .. حبيبتي حطي لنا طريقه عصيده التمر .. خلنا نجرب

ام فتون .. عيون الفجر ... هلا حبيباتي وحياكم الله وتسلمون على المشاركه

ام هنا ... حطي لنا طريقه عصيدتج وانتي من وين ؟؟؟ نتبادل الطرق ونستفيد



كلاسيك .. حياج الله حبيبتي .. انا ماحب البيض عشان جذيه ماضفته لها

ام العلاء .. حياج االله مشرفتنا العزيزه ....
11-11-1427 هـ, 01:07 مساءً
شغل اوكيه

عدل مدل

يمي يمي



يبيليه ........



هههه يعطيج العافيه باستا


الساعة الآن 09:47 .

جميع الحقوق محفوظة - عالم حواء - 2015