تبين شعر طول وغلظ مثل الهنود... عليج بهذا الزيت الهندي...

هاي بنات... شخباركم :)

أنا من مستخدمين أملا , وصار لي سنين أستخدمه... أوقف عنه , وأستخدم زيوت ثانيه , وأرد أستخدم أملا ( ما أقدر أستغنى عنه , عشرة عمر)..

لكن في يوم من الأيام... زوجي كان رايح البراده يشتري أغراض, وهو لأنه يعرفني مدمنة زيوت, وكنه متهاوشين ويبي يراضيني . إلا ما أشوف إلا جايبلي كيس متروووس أنواع و أشكال دهن ( عندي أثمن من الألماس والذهب (أحياناً)) , دهن ورد ,على دهن النخلة القديم, وأملا , برشوت ,ودهن باكستاني ما أدري إشعداله, وزيت أخير, وهذا إللي بكلمكم عنه...

المهم ....هذا الزيت كلمة روعة قليله عليه...

1- يطول الشعر (من تجربه)
2- يغلظ الشعر ( هم من تجربه)
3- يسود ويلمع الشعر ( وبعد من تجربه)

أستخدمته كذا مره... ومفعوله مثل أملا... بس بالنسبه لنا إحنا يالخليجيين أملا نعرفه أكثر...

المهيييم... إسم الزيت

رام تيرته...

هندي الصنع...

بنات... كلمة حق ...الدهن ذيه سحر.....إستخدمته بشهر 7 , لين خلصت الغرشه, شهر تقريباً , الشعر يكون طري وتحسين بغلظه , يعني فيه ثقل, وسواد ولمعه, يعني تحسين إن على راسج شعر...

يوم رحت البرادة من جم يوم , وشريت أملا لأن جريب بخلص الدهن إللي عندي, شوفو هالمحادثه إللي دارت بيني وبين الهندي إللي يبيع إهناك:

راجو:37: : مدام إنتي تحطين أملا في شعر مال إنته مدام؟؟
مدام :27: : إيه.
راجو : مدام, هذا زيت أملا واااااااااجد زين مدام...
مدام : أدري (يا لقافتك يالهندي)
راجو: مدام , إنتي ليش يبي دهن مدام.شنو يبي شعر مال إنته يصير مدام؟
مدام : أبي يصير طول وغلظ شعر إختك الهنديه.
راجو : مدام, أنا عندي دهن هندي مدام, وااجد زين مدام, أحسن من أملا مدام..
مدام : ها حدك , كله إلا أملا , لا تغلط عليه لا أسفرك, تره له فظل علي..:angry2:
راجو: لا مدام , مافي يعصب مدام, مدام هذا زيت يخلي شعر أسوود وطوييييييييل وواجد يخليه كبييير مدام , وريحته مدام وااااااجد حلو مدام..
مدام : وينه هالدهن , روني إياه..

إلا ما أشوف , إلا الزيت إللي كان حبيب قلبي الثاني زوجي:arb: ( الحبيب الأول أملا) الزيت إللي كان زوجي شاريه لي , تصدقون...

الصراحه, راجو ما جذب... إلا بالريحه... لأن إحنه ما نحبهه...

بنات , قلت لكم قصتي مع الزيت , بس تراه يسوه...جربوه وإدعولي..

تراه عجيييييب...